Sii-nyaan 1:20 - LAWA A BOO SONBORE

²⁰ Leere sɔbaa ke ń yɛ ma gusin ni, ka sana bolon koa ǹ bǎã sɔbaa kɛ nɛ, ǹ bɛ́ sii-duriin mɛnɛn giala pii, ǹ nə́ ke: Leere sɔbaa kɛ n Lawa a sɔmɔ sɔbaan kɛn lon a dia dí-a wolen lɛa, sana bolon koa ǹ bǎã sɔbaa kɛ n Lawa a sɔmɔ sɔbaa kɛ lɛa.»

LAWA A BOO SONBORE 2011

²⁰ Leere sɔbaa ke ń yɛ ma gusin ni, ka sana bolon koa ǹ bǎã sɔbaa kɛ nɛ, ǹ bɛ́ sii-duriin mɛnɛn giala pii, ǹ nə́ ke: Leere sɔbaa kɛ n Lawa a sɔmɔ sɔbaan kɛn lon a dia dí-a wolen lɛa, sana bolon koa ǹ bǎã sɔbaa kɛ n Lawa a sɔmɔ sɔbaa kɛ lɛa.»

Sii-nyaan 1:20 ပူးပေါင်းရင်းမြစ်များ

Sii-nyaan 2:1

Yezu pɛ ma nɛ: «Sɛ́wɔ kɛ kiɛ̃ n dia Efɛɛzin Lawa a sɔmɔ a lon a dia dí-a wole la: «Masɛ mɛn bɛ́ leere sɔbaa n ma gusin ni, má n tɔ we sana bolon koa ǹ bǎã sɔbaa bii, man pii ka nɛ:

Sii-nyaan 3:1

Sɛ́wɔ kɛ kiɛ̃ n dia Sardən Lawa a sɔmɔ a lon a dia dí-a wole la: «Masɛ mɛn bɛ́ Lawa a yiri sɔbaa laanka a leere sɔbaa kɛ-n ma gɔn, man pii ka nɛ: Ma tá n nya ǹ dí doɛ̃. Tɔ nə n ganaa mà n yii n koo, sɛnɛ, a taãnbaa li ń gã!

Sii-nyaan 1:16

Leere sɔbaa na a gusin a gɔn nɛ, gɔya sa lɛn paanan lɛbɔle n soe a lɛ-n. A yɔrɔ goã tɛ pii ka penleen a wasa bɛ́ lɔn.

Zakarii 4:2

Á nɔ̀n da ma la kɛnɛn: «N yii n wàa ganaa?» Má a lɛ si kɛnɛn: «Ma yii n bolon koa ǹ bǎã ganaa, sana lɛa. Nyɔɔ kaa ǹ bǎã na a ganaa a lon wɔlɔ-a. Bolon sɔbaa na a ganaa, tɛ sɔbaa n bolon lɛ a gogoonmaa ganaa.

Sii-nyaan 3:7

Sɛ́wɔ kɛ kiɛ̃ n dia Filadɛlfiin Lawa a sɔmɔ a lon a dia dí-a wole la: «Masɛ mɛn bɛ́ sonbore lɛa, man taãn lɛa, Davida a goo nɛ n ma gɔn, bɛ̀ má kiɛnlɛ tã, min kɔ́n ba boe la a bũ wa, bɛ̀ má bũ, min kɔ́n ba boe la a tã wa, ma bɛ́ màn mɛn pii, á ke:

Sii-nyaan 3:14

Sɛ́wɔ kɛ kiɛ̃ n dia Lawodiseen Lawa a sɔmɔ a lon a dia dí-a wole la: «Masɛ mɛn bɛ́ ǹ nə́ ma bíi «A n miɛ̃», masɛ mɛn bɛ́ Lawa a siére bɔlɔgoondɛnaa taãn lɛa, masɛ mɛn bɛ́ Lawa a màn-zɛnaan tumaa bɔ ma nɛ, man pii n ni:

Sii-nyaan 2:18

Sɛ́wɔ kɛ kiɛ̃ n dia Tiatiirin Lawa a sɔmɔ a lon a dia dí-a wole la: «Masɛ Lawa a Nɛgiĩ a boo n ke, masɛ mɛn bɛ́ ma yii nànan nə́ ka tɛ buə̃ bɛ́ lɔn, ma gòãn nə́ tɛ pii ka zan nɛ ǹ nə́ zɔnɔ, man pii n ni:

Sii-nyaan 2:12

Sɛ́wɔ kɛ kiɛ̃ n dia Pɛrgamun Lawa a sɔmɔ a lon a dia dí-a wole la: «Masɛ mɛn bɛ́ gɔya sa lɛn paanan lɛbɔle n maa wɔ lɛa, man pii ka nɛ:

Sii-nyaan 2:8

Sɛ́wɔ kɛ kiɛ̃ n dia Simirnin Lawa a sɔmɔ a lon a dia dí-a wole la: «Masɛ mɛn bɛ́ bibinaa lɛa, má n giala-nyɔmɔɔ dɔ lɛa, má goã má gã, sɛnɛ, má wusoo má yiikoonaabaa yɛ, man pii ka nɛ:

Luku 8:10

Á n toa ǹ ganaa kɛnɛn: «Lawa bɛ́ a kiibaa ǹ dí mɛn nyɛɛ kanaa, bɛ n sii-durii lɛa á nyaa kasɛn manɛ. Sɛnɛ, a na á nyaa min gialakunun kɛn manɛ ka boo giməə ne, màn mɛn bɛ́ toɛ, ǹ ga, sɛnɛ, ǹ yii baran wɔlɔ yɛ wa, ǹ boo ma, sɛnɛ, ǹ baran a giala ma wa.»

Matiə 13:11

Yezu tɔ́n pɛ ǹ nɛ: – Lon a kiibaa a sii-duriin kɛn, Lawa na á bɛn nyaa kasɛn manɛ. Sɛnɛ, a nyaa ǹsɛn man wa.

Malakii 2:7

Hiĩ, Lawa a wúlu-bɔle a nya ǹ dí n ka Lawa doɛ̃ nɛ, ka a landan tamaa nɛ. Maǹ die nɔ̀n diɛ a din la ka Lawa a dí-pɛn yɔrɔn nɛ. A din ni Dɛnaa Lawa Pàãyiidɛnaa á boo sii á pɛ wole lɛa.

Bɔ bɛ̀rɛbaa nɛ 25:37

Bolonən zɛnaa, màn sɔbaa, ǹ bɛ́ boe la ǹ fúlu bɔ ka yɔrɔ-a lɔn, ǹ koa miɛ̃.

Bɔ bɛ̀rɛbaa nɛ 37:23

Á bolon sɔbaa zɛnaa a ganaa, ka ǹ lɛ bɔ ǹ banbaalanan nɛ, ka ton kaa ǹ mànan nɛ, sana yoreen lɛa.

Rɔmu minin 11:25

Ma dɔɔ̃nɔn lɛn, man giɛ li ma sii-durii goon nyaa ka nɛ, màn mɛn bɛ́ toɛ, ka baran ka dinin baa sii-dɔ̃lin lɛa wa. Sonbore ne, Zuifun gigiã yiri tã, ǹ ba boe la ǹ tá màn kɔ́n giala miɛ wa. Sɛnɛ, bɛa re beleboe wa. A n die goɛ̃ miɛ̃, yǎa Lawa din a bíi wolen kɛn tumaa tɔrɔn kɔsɔn bii, bɛn nə die a ganaa ǹ nyɛɛ.

Sii-nyaan 1:4

Masɛ ZAÃ nə fòo kɛ diɛ Lawa a sɔmɔ sɔbaa kɛ nɛ Azii gána nɛ. Min mɛn bɛ́ a goã a tan, a ná a tan, a n die die dɔn, yiri sɔbaa kɛ nɛ a kii dankan yɔrɔ-a, ka Yezu Krita nɛ, bɛn die ǹ bǐɛ̃ zɛnaa ka nɛ, ǹ là nyantoro kɔ ka la.

Sii-nyaan 1:11

Á goã pii: «N yii bɛ́ sii mɛn ganaa, a kiɛ̃ sɛ́wɔ nɛ, n dia Lawa a sɔmɔ sɔbaa kɛ la kiwin kɛn nɛ: Efɛɛzi kiwi ni ka Simirni kiwi ni, Pɛrgamu ni, Tiatiiri ni, Sardə ne, Filadɛlfii ni ka Lawodisee ne.»

Sii-nyaan 2:5

N yiri koa n bɔ a mɛnaa ǹ bǎã kɛ li! N wusoo n sii baraan kio, ka n sii zɛnaa nɛ, ka n bɛ́ ń goã zɛnɛɛ lɔn lɛlɛ. Bɛ̀ bɛ bie wa, ma á re die n gialaa, ma n bolon koa ǹ bǎã kɛ saa ma bɔ a bǎã nɛ.

Sii-nyaan 17:5

Ǹ nə́ tɔ giməə kiɛ̃ a nyanlɛ-a. Bɛa tɔ giməə lɛ giala mà "*Baabilonii gole mɛn bɛ́ naarɛbaa laanka sii gɔgɔrɛ tumaa a náa lɛa kanaa gɔ́ɔ̃ nɛ".

Sii-nyaan 17:7

Lon a dia dí-a wole lɛ tɔ́n pɛ ma nɛ: «Wàa na á baa kɛ tá n tɔwɛɛ? Lɔ kɛ laanka Tɔɔ mɛn bɛ́ á saa, a mìi n sɔbaa a bɛn nə́ fù, ma á re ǹ sii-duriibaa giala pii n ni.