Sii-nyaan 1:2 - LAWA A BOO SONBORE

² ZAÃ bɛ́ á sii mɛn tumaa yɛ, a dɔ́ bɛ laakalaa. Boo mɛn bɔ Lawa li, ka Yezu Krita sonbore mɛn nyaa nɛ, a n bɛn pii kanna.

LAWA A BOO SONBORE 2011

² Zaã bɛ́ á sii mɛn tumaa yɛ, a dɔ́ bɛ laakalaa. Boo mɛn bɔ Lawa li, ka Yezu Krita sonbore mɛn nyaa nɛ, a n bɛn pii kanna.

Sii-nyaan 1:2 ပူးပေါင်းရင်းမြစ်များ

Zaã a sɛ́wɔ 1:32

ZAÃ wusoo á pɛ doo: «Má Lawa a Yiri Fu yɛ ka zɛrɛkatoan bɛ́ lɔn, boe lon die miɛ la.

Zaã a sɛ́wɔ 12:17

Min mɛn tumaa goã kun ka Yezu ni, bɛ̀ a bɛ́ lɛ diɛ Lazaarɛ la yala-n ǹ mɛn pinaa, a tá a gere yii kiɛ, bɛn tumaa goã Yezu a zɛnaa ǹ siin laakalɛɛ.

Zaã a sɛ́wɔ 19:35

Min mɛn nə bɛa siin lɛn yɛ, bɛa dɛnaa lɛ nə ǹ boo diɛ; a bɛ́ boo mɛn diɛ, sonbore ne. Ǹ dɛnaa dinmaa dɔ á doɛ̃ mà asɛ bɛ́ boo mɛn pii mà taãnɛ, bɛ lɛ na á toa á pii, màn mɛn bɛ́ toɛ, ka dɔn nə golee li.

Zaã a sɛ́wɔ 21:24

A din kialandɛnaa lɛ n bɛa boon lɛn diɛ, a din dɔ na á ǹ kiɛ̃. Wɔ á doɛ̃ dɔn wáa a bɛ́ boo mɛn diɛ sonbore ne.

Zaã a sɛ́wɔ 3:11

Masɛ n pii n ni, sonbore ne: Wɔsɛn bɛ́ màn mɛn doɛ̃, wɔ n boo diɛ bɛ wɔ gɔn la, wɔ bɛ́ wɔ́ màn mɛn yɛ, wɔ n siére biɛ bɛ wɔ gɔn la, sɛnɛ, ka bɛ́ ka a lɛ koe wɔsɛn boo-a wa.

Nya ǹ dín 22:15

Sonbore, n yii bɛ́ re siin mɛnɛn yii, n bɛ́ re ǹ mɛnɛn dɔn miɛ, n doamaa nɛ n bɛn siére baa bɛa dɛnaa kɛ lɛ a lɛa min tumaa yɔrɔ-a.

Nya ǹ dín 26:16

Sɛnɛ, yoo n golee n gòãn la, a giala, maa din nyaa n nɛ ǹ mìi n ke: Man má n bɔ má n koa maa dí-nyali lɛa. N yii sii mɛn yɛ, ka a gigiã kɔsɔn mɛnɛn dɔn bɛ́ ma tá re ǹ nyɛɛ n nɛ, man má n bɔ má n koa máa n tá re bɛn siére biɛ.

Nya ǹ dín 4:20

Piɛrɛ laanka ZAÃ pɛ: «Sonbore, wɔsɛn yii bɛ́ á màn mɛn yɛ, wɔsɛn too nə ǹ mɛn ma, wɔsɛn ba boe la wɔ n lɛ tã bɛ-a wa.»

Korɛnti1 1:6

Ka siérebaa ǹ boo mɛn ma Krita wɔ paǹ li, bɛ giã ka nɛ, á pàã yɛ.

Korɛnti1 2:1

Ma dɔɔ̃nɔn lɛn, masɛ dinmaa bɛ́ ma daa ka li, ma bie ma Lawa a sii-durii kɛ laakalaa ka nɛ, ka boo dadaran nɛ, ka sii-doɛ̃-n wa.

Zaã1 1:1

Wɔ n sɛ́wɔ kɛ diɛ ka la Boo kɛ a lɛa, Boo mɛn bɛ́ yiikoonaabaa koe. Á goã a tan, bɛ̀ màn kɔ́n tɔn nə n giala kɔ bɔrɔ wa. Wɔ́ Boo lɛ ma, wɔ́ yɛ ka wɔ yii ni, wɔ́ ga a ganaa, wɔ n gɔn da a ganaa.

Zaã1 4:14

Wɔsɛn yii yɛ, wɔ na a siére pii, wáa Díi Lawa na á ná a Nɛgiĩ dia, mà a kanaa kirisibaali baa.

Zaã3 1:12

Demetriyusu wɔ paǹ li, min tumaa na a tɔ bǐɛ̃ pii. Taãn dɔ nɛ ǹ tá pii. Wɔsɛn dɔn dinin tá a siéren biɛ. N tá doɛ̃ mà bɛ̀ wɔ siére mɛn pɛ, mà a n taãn lɛa.

Sii-nyaan 1:11

Á goã pii: «N yii bɛ́ sii mɛn ganaa, a kiɛ̃ sɛ́wɔ nɛ, n dia Lawa a sɔmɔ sɔbaa kɛ la kiwin kɛn nɛ: Efɛɛzi kiwi ni ka Simirni kiwi ni, Pɛrgamu ni, Tiatiiri ni, Sardə ne, Filadɛlfii ni ka Lawodisee ne.»

Sii-nyaan 1:19

«N yii bɛ́ á siin mɛnɛn yɛ, ka ǹ mɛnɛn bɛ́ n zɛnɛɛ sisia, ka ǹ mɛnɛn bɛ́ re n zɛnɛɛ bɛ kio, bɛn tumaa kiɛ̃.

Sii-nyaan 1:9

Masɛ Zaã, man ka dɔɔ̃n lɛa, man kun ka nɛ kaa fuun gɔ́ɔ̃ nɛ, ma nə́ n yii diɛ *Lawa a kiibaa kɛ a daa la, ma nə foo kuĩ, a giala man doa kɔn Yezu ni kun ka nɛ. Man gùli lɛa Patmɔsi gána nɛ, mu nə ǹ mɛn lɛ da bii, a giala mà man Lawa a boo diɛ, ka taãn pɛ kɛ nɛ Yezu nyaa ma nɛ.

Sii-nyaan 12:11

Wɔ dɔɔ̃nɔn nə́ gɔ̀lɔ̀baa yɛ ka Sère Nɛ mà kɛ pàã nɛ, ka ǹ siérebaa ǹ boo pàã nɛ. Haalɛ ta maǹ giɛ̃ bɛa lɛa, ǹ tá lɛ koe bɛ ganaa á la ǹ yiikoonaabaa nɛ.

Sii-nyaan 12:17

Bɛ lɛ ganaa, tɔɔ babaraa piɛ̃ wole lɛ foo yoo lɔ lɛ li parsiini, á kiɛ̃ á woo a nɛnyaan gialakunun gialaa, ǹsɛn mɛnɛn bɛ́ Lawa a dí-pɛn lɛ sii, ǹ nə́ n foo doɛ Yezu a boo ganaa.

Sii-nyaan 20:4

Má tɔ́n kii dankanan yɛ. Min mɛnɛn bɛ́ giã nɛ ǹ la, ǹ nə́ lɛ kɔ ǹ la, mà ǹ dinin nə kiri kuru. Min mɛnɛn bɛ́ ǹ nə́ gɛ̀ wɔ lɛlɛ, Yezu a boo taãn laanka Lawa a boo a lɛa, ka ǹ mɛnɛn bɛ́ ǹ goã Tɔɔ kɛ laanka a nyín guguru koe wa, ǹ lɛ dɔ kɔ ǹ ná a nyaǹ kiɛ̃ ǹ nyanlɛ-a ka ǹ gɔn nɛ wa, má wusoo má bɛn telenboenən yɛ. Bɛn tumaa wusoo ǹ nə́ yiikoonaabaa yɛ, ǹ nə́ giã pàã la kun ka Krita nɛ, yǎa lɛ̀ duu goon.

Sii-nyaan 22:21

Wɔa Dɛnaa Yezu a bǐɛ̃ die a goã ka tumaa li.

Sii-nyaan 6:9

Sère Nɛ lɛ bɛ́ á sɛ́wɔ lɛ tã ǹ bǎã lɛ a soorobaa ǹ wɔ bũ, min mɛnɛn bɛ́ ǹ nə́ ǹ dɛ, ǹ Lawa a boo diɛ a lɛa, ka ǹ siérebaa ka peperebaa-n a lɛa nɛ, má ǹ telenboenən yɛ Lawa a *wúlu bɔ ǹ bǎã giulun.