Sii-nyaan 1:18 - LAWA A BOO SONBORE

¹⁸ Ma din nə yiikoonaa lɛa. Má goã má gã, sɛnɛ, kanna man goɛ̃ ma yii n koo yǎa duduu. Gɛ̀ a lɛduə̃ ǹ pàã n masɛ din gɔn, ka geren piɛ tumaa wɔ nɛ.

LAWA A BOO SONBORE 2011

¹⁸ Ma din nə yiikoonaa lɛa. Má goã má gã, sɛnɛ, kanna man goɛ̃ ma yii n koo yǎa duduu. Gɛ̀ a lɛduə̃ ǹ pàã n masɛ din gɔn, ka geren piɛ tumaa wɔ nɛ.

Sii-nyaan 1:18 ပူးပေါင်းရင်းမြစ်များ

Zɔbu 19:25

Masɛ á doɛ̃ máa maa bɔ sii-n wole lɛ yii á koo. A din nə die yui a golee, a boo giala nyɔmiɛ̃ da.

Zɔbu 38:17

Min bin geren kiɛnlɛ bũ n ni? Min bin wɔlɔ tì kɛa kiɛnlɛ nyaa n nɛ?

Loen 18:46

Gána kɔsɔ minin nə́ ma lɛ wɔ, tiin nə́ ma bebele ǹ nə́ fɔ̃ ma li. Ǹ dinin nə́ soo ǹ duru ǹ bǎãn nɛ, ǹ gɔ̀nɔn nə́ bìn diɛ.

Loen 68:20

Ka daa wɔ barka da Dɛnaa nɛ baraabaraa. Wɔ kirisibaali Lawa lɛ n giɛ wɔ walan. Doa

Izayii 22:22

Ma á re Davida a kion a goo nɛ koe la. Bɛ̀ á bũ, min kɔn ba boe la a tã wa, bɛ̀ á tã, min kɔn ba boe la a bũ wa.

Matiə 11:23

Kasɛn Kafaranaamu minin kɛn man taasɛ mà ka n die gole koe yǎa Lawa ganaa? Ka n die gisĩ yǎa bɔ̀nbaa ǹ tɛ gole kɛ nɛ. A giala kaãbaa ǹ siin mɛnɛn bɛ́ ǹ nə́ n zɛnaa kaa piɛ, bɛ̀ bɛn man nə́ n zɛnaa Sodɔmu, kiwi kɛ lɛ Lawa ziziɛ̃ ka tɛ nɛ, bɛ̀ a tá tɔn a tan haalɛ pelo.

Matiə 16:19

Ma á die lon a kiibaa ǹ bǎã lɛ a goo nɛn koe n la. Bɛ̀ n nə́ n piã ka sii mɛn tumaa-n tán, Lawa dɔ á die n piɛ̃ ka bɛ nɛ, bɛ̀ n lɛ kɔ sii mɛn tumaa ganaa tán, Lawa dɔ á die lɛ koe bɛ ganaa.»

Luku 24:5

Nyɛ́ɛ lɔn lɛn kũ, ǹ nə́ n mìi zuməə ǹ nə́ giɛ tán. Bɛa biikoo li giĩ min paa lɛ pɛ ǹ nɛ: «Wàa na á baa ka á giɛ min yiikoonaa kɛ li geren bii?

Zaã a sɛ́wɔ 11:25

Yezu tɔ́n pɛ nɛ: «Masɛ din nə geren yii-kaali lɛa, ma din nə yiikoonaabaa lɛa. Bɛ̀ min mɛn golee masɛ li, ta ǹ dɛnaa na á gã, a yii n tɔn koo;

Zaã a sɛ́wɔ 14:19

Kànaa ka boɛɛn, kanaa minin ba re masɛ yii doo wa, sɛnɛ, kasɛn tá re ma yii ma yii n koo, ka dɔn yii á re goɛ̃ koo.

Rɔmu minin 6:9

Wɔ á doɛ̃ dɔn sonbore, wáa Krita lɛ yii bɛ́ á kaa á n bɔ geren bii ke, a giɛ̃ doo wa. Pàã ba gɛ̀ lon doo a boo asɛ la wa.

Korɛnti2 13:4

Taãn nɛ, maǹ nə́ dere gɔn ganaa pàãwɛɛnaabaa gɔ́ɔ̃ nɛ, sɛnɛ, a yii n koo Lawa a boo sii la pàã ganaa. Masɛ dɔ n pàãwɛɛnaa lɛa maa tá kun ka Krita gɔ́ɔ̃ nɛ, sɛnɛ, maa sii-zɛnaa gɔ́ɔ̃ nɛ kasɛn wɔ paǹ li, ma yii n koo kun ka a din ni Lawa a boo sii la pàã ganaa.

Galaasi minin 2:20

Ma yii bɛ́ koo ke, masɛ din yii bie koo doo wa, Krita yii n koo ma nɛ. A giala, maa tá kanaa ke kanna, ma yii n koo golee Lawa a Nɛgiĩ li gɔ́ɔ̃ nɛ. Asɛ lɛ na á ma narɛ, á n din nyin kɔ maa lɛa.

Kolɔɔsi minin 3:3

Sonbore, ka gã, kaa yiikoonaabaa lɛ n durii-n Lawa gɔn, ka Krita bɛ́ durii-n lɔn.

Ebrəə 1:3

Bɛa Nɛgiĩ kɛ lɛ n Lawa a gugurubaa tɛ-pɛle kɛ nyɛɛ, a din nə Lawa a Lawabaa nyɛɛ taãn-taãnɛ. A din nə kanaa kɛ kuĩ á golee ne, ka a boo pàãdɛnaa kɛ barka nɛ. A bɛ́ á kanaa minin sii baraa pii á nya ǹ mɛn waáraa, á woo giã Lawa pàãdɛnaa gusin lon.

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.

Ebrəə 7:16

Asɛ a wúlu-bɔlebaa lɛ bie á n zɛnaa, á kɔnpɛ ka tɔrɔbaa sii-n wa, sɛnɛ, nyin nyabaã pàãdɛnaa mɛn bɛ́ a lon, a wɔ lɛ na á bɔ bɛ nɛ.

Ebrəə 7:25

Bɛ lɛ taman yii ni, min mɛnɛn bɛ́ n mɔrɛ Lawa ganaa a din barka nɛ, á boe la, a bɛn kirisibaa yǎa a giala-nyɔmiɛ ganaa, a giala, a dinmaa lɛ yii n koo yǎa duduu, á n Lawa nyankoe ǹ lɛa.

Sii-nyaan 10:6

á n liɛ ka Lawa nɛ, Lawa mɛn bɛ́ a yii n koo baraabaraa yǎa duduu, lon mànan ka tán mànan laanka yìsi mu li ǹ mànan-zɛnaali lɛa, á pɛ: «Biikoo kɔsɔ ba n koe doo wa.

Sii-nyaan 15:7

Tɔɔ yiikoonaa pàãdɛnaa sii kɛ goon sana kaaran yii sɔbaa kɔ lon a dia dí-a wole sɔbaa kɛ la, kaaranan lɛn piɛ̃maa nɛ, ka Lawa a foo-yoo ne, asɛ mɛn bɛ́ a yii n koo baraabaraa yǎa duduu.

Sii-nyaan 2:8

Sɛ́wɔ kɛ kiɛ̃ n dia Simirnin Lawa a sɔmɔ a lon a dia dí-a wole la: «Masɛ mɛn bɛ́ bibinaa lɛa, má n giala-nyɔmɔɔ dɔ lɛa, má goã má gã, sɛnɛ, má wusoo má yiikoonaabaa yɛ, man pii ka nɛ:

Sii-nyaan 20:13

Yìsi mu gole ná a geren kɔ. Gɛ̀ laanka geren piɛ dɔ ná a geren kɔ. Ǹ nə́ didie tumaa a kiri kuru a nya ǹ dí li.

Sii-nyaan 20:14

Ǹ nə́ gɛ̀ laanka geren piɛ kũ ǹ nə́ ǹ zũ tɛ panapana kɛ nɛ. Bɛa tɛ panapana kɛ lɛ n gɛ̀ a paabaa ǹ wɔ lɛ lɛa.

Sii-nyaan 3:7

Sɛ́wɔ kɛ kiɛ̃ n dia Filadɛlfiin Lawa a sɔmɔ a lon a dia dí-a wole la: «Masɛ mɛn bɛ́ sonbore lɛa, man taãn lɛa, Davida a goo nɛ n ma gɔn, bɛ̀ má kiɛnlɛ tã, min kɔ́n ba boe la a bũ wa, bɛ̀ má bũ, min kɔ́n ba boe la a tã wa, ma bɛ́ màn mɛn pii, á ke:

Sii-nyaan 4:9

Min mɛn bɛ́ kii dankan nɛ, a yii n koo yǎa duduu, bɛ̀ màn yiikoonaa sii lɛ yoo, ǹ nə́ loe lɔ ǹ ná a tɔ bɔ, ǹ ná a guguru kɔ, ǹ nə́ barka da-n lɔn,

Sii-nyaan 5:14

Màn yiikoonaa pàãdɛnaa sii kɛ na á goã ǹ lɛ sii: «Taarɛ. A n miɛ̃!» Min golen kɛn dɔn nə́ kaa tán-a ǹ nə́ ǹ guguru koe.

Sii-nyaan 6:8

Ma bɛ́ giɛ, má sùi fu kəwuu yɛ. Min mɛn bɛ́ á dii la, maǹ bíi "Gɛ̀", min mɛn bɛ́ a kio, bɛ tɔ n "Geren PIƐ". Ǹ nə́ pàã kɔ ǹ la mà ǹ wo tán talakɔn siibaa ǹ wɔ a minbuiinin dɛ ka gɔya sa nɛ, ka bòo ne, ka busu ni ka don siĩ baraan mɛnɛn bɛ́ tán la.

Sii-nyaan 9:1

Lon a dia dí-a wole soorobaa ǹ wɔ tɔ́n a bɛn pɛ. Má yɛ leere goon bɔ lon á mɛ tán. Ǹ nə́ nɔmaa ǹ nyankɔrɔ zuzulu kɛ a goo nɛ kɔ la.

Samayeli1 2:6

Dɛnaa Lawa din ni nyin koe, a din ni sii. A din ni min diɛ geren piɛ a din dɔ n min kanbiɛ a ganaa.