Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Siin Giala 9:6 - LAWA A BOO SONBORE

6 Bɛ̀ min min nyin bɔ, min kɔsɔ á die bɛa dɛnaa dɔ nyin boe. A giala, Lawa na á minbuiin nɛ zɛnaa a din a kɔnboe lɛa.

အခန်းကိုကြည့်ပါ။ ကော်ပီ

LAWA A BOO SONBORE 2011

6 Bɛ̀ min min nyin bɔ, min kɔsɔ á die bɛa dɛnaa dɔ nyin boe. A giala, Lawa na á minbuiin nɛ zɛnaa a din a kɔnboe lɛa.

အခန်းကိုကြည့်ပါ။ ကော်ပီ




Siin Giala 9:6
32 ပူးပေါင်းရင်းမြစ်များ  

Bɛ̀ ń ma loo pelo, ń ma bɔ tán kɛ la, ma á re goɛ̃ durii ni n la. Ma n die goɛ̃ bibiə̃ wole lɛa, gùli lɛa, kanaa kɛ gɔ́ɔ̃ nɛ biikoo tumaa li. Bɛ̀ min woo min n ma yɛ, á die ma dii.»


Urubɛn tɔ́n pɛ ǹ nɛ: «Táa má pɛ ka-n lɛlɛ lɛn máa ka baran sii la nɛ lɛ la wa! Ka bɛ́ ka n too kɔ ma lon wa, Lawa n bɛ lɛ a gɛ̀ dòo boe wɔ ganaa pelo.»


Aadã a kɛdɛnan sɛ́wɔ á ke: Lawa bɛ́ á minbuiin nɛ zɛnaa ǹ mɛn pinaa, a na á zɛnaa a din a kɔnboe lɛa.


Má bɛ din dɛ, sanparɛ, bɛ̀ min baraan nə́ woo kaa min pepere li a kion, ǹ nə́ dɛ a waa ǹ piì la! Ka gɛ̀ mɛn dɛ, man die bɛ lɛ dòo boe ka ganaa, ma ka dɔn dɛ, ma ka bɔ kanaa.»


Sisia, n baran toa kooro dɔlɔ bɔ a ganaa baã wa. A giala, n tá sii doɛ̃, n din tá doɛ̃ n bɛ́ re sii mɛn zɛnɛɛ nɛ: A dɛ, a mìi ka fùliimaa, n da tii li.


Ataalii lɛ, Ahaazia ǹ dan lɛa, a bɛ́ á yɛ mà a nɛgiĩ lɛ gã, á yoo á kii lɛ tɔrɔn tumaa bɔ̀n baa.


Ǹ gɔn dɔ Ataalii ganaa ǹ nə́ kũ. Á bɔ ka sùin kiɛnlɛ kɛ nɛ á woo kii a piɛ, ǹ nə́ tɔ́n dɛ walan, á gã.


Gána lɛ a zaman tumaa na á goã nyɛnyɛɛ la, kiwi lɛ goã kiĩni. Man nə́ goã ǹ nə́ Ataalii sɛ dɛ ka gɔya nɛ kii a piɛ, á gã.


A sɔraasi nyɛɛnaandɛnan nə́ boo wɔ kɔn a ganaa ǹ nə́ dɛ a kii kion.


Maa kɔkɔrɔbaa ǹ siin kɛn tuturu, n ma *yoreen kɔ n ma bɔ maa sã ǹ sii ni.


Gɛ̀-dɛle á re baa sii yǎa a yala ganaa. Min nyan kurəə wa.


Gɛ̀-dɛ biikoo tan, da gòã-diɛ biikoo tan. Màn-wurii biikoo tan, màn-doe biikoo tan.


Sɛnɛ, bɛ̀ a da ka tɔɔ lɛ nɛ, kɔn yɛ ǹ kion kɛa kiɛnlɛ-a bɔrɔ, á kɔ Dɛnaa Lawa la a gɔ ǹ *wúlu màn lɛa, a giã ǹ bǎã kɛ yɔrɔ-a wa, a mà mɛn kaa, bɛa dɔlɔ á re n boe a ganaa. Bɛa dɛnaa kɛ lɛ, ǹ loo ǹ bɔ Izirayeli minin bii.


Bɛ̀ min nə́ ǹ miã dɛ á gã, yǎa ǹ na a dɔ dii a giɛ̃.


Sɛnɛ, bɛ̀ min nə́ ǹ miã dɛ ka fɔlɔ màn nɛ yǎa a gã, bɛa dɛnaa n gɛ̀ woon dɛli lɛa, ǹ doamaa nɛ ǹ na a dɔ dɛ.


Zaman lɛ die a gɛ̀-dɛle lɛ si gɛ̀ dòo-bɔle lɛ la ǹ da. Gɛ̀-dɛli lɛ goã á woo n mìi duru duru ǹ kiwi mɛn nɛ, zaman lɛ die ǹ kũ ǹ wo-n walan doo. A die a goã walan yǎa Lawa a wúlu-bɔlen kiã kɛ giɛ̃, ǹ nyɔɔ sonbore lɔ ǹ mɛn lɛ-a, ǹ nə́ koa.


Ka bɛ́ re goɛ̃ gána mɛn lɛ nɛ, ka doamaa bie ka bɛ gɔgɔrɛ kɔ wa. Sonbore, gɛ̀-dɛ n sii lɛa, sii mɛn nə́ ke gána gɔgɔrɛ koe. Bɛ̀ ǹ nə́ mà kaa gána lɛ nɛ, màn kɔn ba boe la a bɛ tuturu wa, yǎa mà-kaali lɛ mà.


Yezu tɔ́n pɛ nɛ: «N gɔya sa da a kii ni, a giala min mɛn din tumaa bɛ́ gɔya siɛ min li, ǹ dɔn man die gɔya gɛ̀ we.


Goledɛnaa lɛ n dí nyɛɛ Lawa nɛ, màn mɛn bɛ́ toɛ, a n da bǐɛ̃ zɛnaa ganaa. Sɛnɛ, bɛ̀ n tá sii baraa zɛnɛɛ, n doamaa nɛ n nyɛ́ɛ baa pàãdɛnaa nɛ, a giala, dɔlɔ bɔ ǹ pàã lɛ bie a gɔn kooro wa. A n Lawa a dí-nyali lɛa, á Lawa a foo-yoo ǹ dɔlɔ diɛ sii babaraa-zɛnaalin mìi ni.


Giĩ sɛ ba kɔnboe a màn kuməə a mìi ganaa wa, a giala, a n Lawa a kɔnboe lɛa, á n Lawa a gugurubaa nyɛɛ. Sɛnɛ, lɔ n giĩ a gugurubaa lɛa.


Sɛnɛ, min tá boe la a ǹ miã baa zɔ́ɔ, a kuu kɔ a ganaa, a mɛ la a dɛ yǎa a giɛ̃. Ta bɛ miã dɛnaa baa si á woo n duru bɛa kiwin lɛn goon ne,


A din lɛ-n wɔ tá wɔa Díi Lawa tɔ boe ne. A din lɛ dɔ nɛ, wɔ tá lɛn pipiã bíi minbuiinin li ni, Lawa nə ǹ mɛnɛn lɛn zɛnaa a din a kɔnboen lɛa.


Min mɛnɛn doamaa bɛ́ nɛ ǹ bɛ̀rɛn baa, bɛn tá re woe bɛ̀rɛbaa ǹ bǎã nɛ. Gɔya gɛ̀ doamaa bɛ́ nɛ a min mɛnɛn dɛ, bɛn tá re gɔya gɛ̀ we. Bɛ lɛ a lɛa nɛ, kasɛn mɛnɛn bɛ́ tɔn Lawa a minin lɛa, ka doamaa-n ka n foo kũ, ka sii si ka ganaa.


Abimelɛki sii baraa mɛn zɛnaa ǹ di ni ka ǹ dɔɔ̃n pɔsɔbaa kɛa dɛ nɛ, Lawa na á bɛ lɛ a dɔlɔ bɔ a ganaa kɛnɛn.


Samayeli pɛ: «A saa lɔn, n dɔ minin nɛnyaanan nyin bɔ ka gɔya nɛ, ǹ daanan gɔn kooro goã, n dɔ dan gɔn kooro á re goɛ̃ pelo, lɔn bii.» Bɛ kio, Samayeli tɔ́n Agaagi dɛ á pɔpɔsɛ Dɛnaa Lawa yɔrɔ-a Gilgaali.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ