Siin Giala 8:20 - LAWA A BOO SONBORE

²⁰ Bɛ kio, Nowee *wúlu bɔ ǹ bǎã dɔ Dɛnaa wɔ lɛa. Màn gòã siinaa mɛn tumaa laanka bàan mɛn tumaa siĩ bɛ́ n soɛ̃, á gogoon bɔ bɛn tɔrɔn tumaa bii, á ǹ kɔ Lawa la *wúlu màn lɛa, á ǹ siĩ tumaa tã wúlu bɔ ǹ bǎã lɛ nɛ.

LAWA A BOO SONBORE 2011

²⁰ Bɛ kio, Nowee *wúlu bɔ ǹ bǎã dɔ Dɛnaa wɔ lɛa. Màn gòã siinaa mɛn tumaa laanka bàan mɛn tumaa siĩ bɛ́ n soɛ̃, á gogoon bɔ bɛn tɔrɔn tumaa bii, á ǹ kɔ Lawa la *wúlu màn lɛa, á ǹ siĩ tumaa tã wúlu bɔ ǹ bǎã lɛ nɛ.

Siin Giala 8:20 ပူးပေါင်းရင်းမြစ်များ

Siin Giala 13:18

Abramu yoo ka a zìãn nɛ, á daa giã Manbre a dan gòã li, kunu Ebrɔn ganaa. Á wúlu bɔ ǹ bǎã dɔ walan Dɛnaa wɔ lɛa.

Siin Giala 13:4

A bɛ́ á *wúlu bɔ ǹ bǎã dɔ maa lɛlɛ, á Dɛnaa nyankɔ walan, a n bíi ka a tɔ nɛ.

Siin Giala 22:2

Lawa tɔ́n pɛ nɛ: «N nɛgiĩ lɛ kũ, n nɛgiĩ goon toto Izaaki kɛ lɛ, n nə́ narɛ parsiini, n wo Moriya gána nɛ, ma bɛ́ re kelen kɛn mɛn nyɛɛ n nɛ walan, wo wúlu bɔ nɛ bɛ mìi ni, n na a siĩ tã ka lenlen.»

Siin Giala 22:9

Lawa bǎã mɛn lɛ nyaa nɛ, ǹ bɛ́ ǹ nə́ dɔ walan, Abrahamu *wúlu bɔ ǹ bǎã dɔ, á gɔn lɛ kaa la. A ná a nɛgiĩ Izaaki lɛ yii, á da gɔn lɛ lalan wúlu bɔ ǹ bǎã lɛ nɛ.

Siin Giala 26:25

Izaaki *wúlu bɔ ǹ bǎã dɔ walan, á Lawa nyankɔ, bɛ̀ á bíi «Dɛnaa.» A ná a zìã doa walan, a bɛ̀rɛgiĩn lɛn nə́ tù fɔ̃.

Siin Giala 33:20

Á *wúlu bɔ ǹ bǎã dɔ walan, á bíi mà "Lawa n Izirayeli a Lawa lɛa".

Siin Giala 35:1

Bɛ kio, Lawa pɛ Zakɔba nɛ: «Yoo n wo Betɛli, n giã walan. N *wúlu bɔ ǹ bǎã dɔ masɛ Lawa-n walan, man din nyaa n nɛ bǎã mɛn nɛ, bɛ̀ n bɛ́ baa sii n gologiĩ Ezawu nyɛɛnɛ.»

Siin Giala 35:7

Á wúlu bɔ ǹ bǎã dɔ walan, á bíi "Betɛli a Lawa", a giala, Lawa na á goã á n din nyaa-n walan lɛn, bɛ̀ a bɛ́ baa sii ǹ gologiĩ lɛ nyɛɛnɛ.

Siin Giala 4:4

Abeli dɔ ná a tɔɔn gɔ́ɔ̃ binaa nɛn kɔnɔn waa, á ǹ baa wúlu màn lɛa, a ná a siĩ bǎã taãnan kɔ Dɛnaa la. Dɛnaa Lawa nə́ n yɔrɔ bǐɛ̃ da Abeli laanka a wúlu màn la,

Siin Giala 7:2

Siĩ gòã siinaa tɔrɔ mɛn tumaa bɛ́ n soɛ̃, n bɛ tumaa a papaa sɔbaa kũ, a sà laanka ǹ dan nɛ. A tɔrɔ mɛn tumaa bɛ́ a ba n soɛ̃ wa, a sà goon laanka ǹ dan goon kũ bɛn bii.

Siin Giala 7:3

N bàan tɔrɔ tumaa a papaa sɔbaa kũ, sà laanka ǹ dan. N bɛn tumaa kaa kunun n ni goo lɛ nɛ, màn mɛn bɛ́ toɛ, n nə ǹ tɔrɔ koa tán la bǎã tumaa nɛ.

Siin Giala 8:19

Siĩ gòã siinaa tumaa soo á n bɔ goo lɛ nɛ, ka bàanan tumaa nɛ, ǹ tumaa soo tɔrɔ tɔrɔ.

Zɔbu 1:5

Bɛ̀ zɔ́n lɛ kiɛ̃, Zɔbu na a nɛnyaanan lɛn bíi, bɛ̀ a *gɔ̀ bɔ ǹ ganaa. A n yui baayɛlɛ yiisoone, bɛ̀ a tɔɔ dɛ a tã lenlen, a didie a wúlu bɔ nɛ. Zɔbu na á goã zɛnɛɛ miɛ̃ biikoo tumaa li. A giala a na á goã taasɛ, mà kɔntan asɛ a nɛnyaanan lɛn nə́ sii baraa zɛnaa, hinlaa ǹ nə́ wɔ Lawa gasɛ nɛ ka ǹ taasiɛ nɛ.

Bɔ bɛ̀rɛbaa nɛ 10:25

Muizu pɛ kɛnɛn: «Haayii. N din nə die wúlu mànan kɛn koe wɔ la, wɔ bɔ wɔa Dɛnaa Lawa nɛ, a bɔ kooro laanka a tã lenlen wɔn kɛn?

Bɔ bɛ̀rɛbaa nɛ 29:18

N sère gɔ̀lɔ̀ lɛ tumaa tã wúlu bɔ ǹ bǎã lɛ nɛ, a goã *wúlu màn tiɛ̃ lɛa Dɛnaa wɔ lɛa. Wúlu màn tiɛ̃ wole ne, a gìĩ n kɔɔ̃n masɛ Dɛnaa ganaa.

Bɔ bɛ̀rɛbaa nɛ 29:25

N wusoo n bɔ ǹ gɔnɔn nɛ, n tã wúlu bɔ ǹ bǎã lɛ nɛ, kun ka wúlu màn tiɛ̃ wole kɛ nɛ, ǹ gìĩ kɔɔ̃n kɔ masɛ din Dɛnaa ganaa. Wúlu màn tiɛ̃ wole ne, a gìĩ á kɔɔ̃n masɛ din Dɛnaa ganaa.

Rɔmu minin 12:1

Dɔɔ̃nɔn lɛn, man ka nyankoe, Lawa a makara-doɛ̃ a lɛa, ka ka dinin kɔ Lawa la, *wúlu màn yiikoonaan lɛa, wúlu mànan mɛnɛn bɛ́ koa nɛ a din ni, ǹ nə́ kɔɔ̃n a ganaa. Bɛ lɛ n die goɛ̃ kaa Lawa guguru kɔ ǹ gɔn sonbore lɛa.

Ebrəə 13:10

Wɔsɛn *wúlu màn tan, Lawa guguru kɔ ǹ wɔ nɛ. Min mɛnɛn bɛ́ tɔn dí nyɛɛ Lawa a kion zizi kɛ nɛ, bɛn ba boe la ǹ saa ǹ sɔ̃ wa.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.