Siin Giala 8:1 - LAWA A BOO SONBORE

¹ Lawa nə́ n yiri koa Nowee li. Don mànan laanka piɛ mànan mɛnɛn dɔn nə goã kun ni goo lɛ nɛ, á n yiri koa ǹ dɔn li. Bɛ lɛ nɛ, á piɛ̃ bɔ, mu lɛ ná a giala kɔ á gisĩ.

LAWA A BOO SONBORE 2011

¹ Lawa nə́ n yiri koa Nowee li. Don mànan laanka piɛ mànan mɛnɛn dɔn nə goã kun ni goo lɛ nɛ, á n yiri koa ǹ dɔn li. Bɛ lɛ nɛ, á piɛ̃ bɔ, mu lɛ ná a giala kɔ á gisĩ.

Siin Giala 8:1 ပူးပေါင်းရင်းမြစ်များ

Siin Giala 19:29

Lawa bɛ́ bǎã lɛ a kiwin lɛn bɔ̀n biɛ ǹ mɛn waáraa, á n yiri koa Abrahamu li, á Lɔti bɔ á bɔ koe lɛ bii. Lɔti goã giã-n bǎã mɛn nɛ, á bɛa kiwin lɛn tã.

Siin Giala 30:22

Lawa nə́ n yiri koa Raseli dɔ li, a ná a nyankɔ lɛ si, á gɛrɛsiɛ kɔ la.

Siin Giala 9:10

ka màn yiikoonaa tumaa dɔ nɛ: bàanan nɛ, piɛ mànan nɛ, don mànan nɛ, mànan mɛnɛn dinin tumaa bɛ́, ǹ nə́ soo goo lɛ-n kun ka nɛ.

Nehemii 13:14

Bɛ lɛ taman yii, n yiri koa ka ma nɛ, maa Lawa: ma sii sonboren mɛnɛn zɛnaa n kion kɛ wɔ paǹ li, a gama walan wɔ paǹ li, n yiri baran bɔ ka bɛn nɛ wa.

Nehemii 13:22

Bɛ kio, má pɛ Levii tɔrɔn manɛ, máa ǹ gɔ̀ bɔ ǹ dinin-a ǹ da kiɛnlɛn lɛn lɛduə̃, màn mɛn bɛ́ toɛ ǹ susu ǹ pii lɛ tamaa. Bɛ lɛ dɔ taman yii, maa Lawa, n yiri kɔ ma nɛ, makara bɔ ma ganaa a kɔnpɛ ka n bǐɛ̃ gole kɛ nɛ!

Nehemii 13:29

«Maa Lawa, n yiri da bɛa minin kɛn lɛn li, a giala, ǹ nə́ n wúlu bɔ ǹ dí lɛ gɔgɔrɛ kɔ, ka lɛ kɔ kɔn la kɛ nɛ, n wɔ ka wúlu-bɔlen laanka Levii tɔrɔn nɛ.»

Nehemii 13:31

Ǹ bɛ́ gɔn mɛn boe Lawa gɔ ǹ wɔ lɛa, má wusoo má bɛa bɔ da a giala la, á kɔnpɛ ka a bɔ biikoon ne, kɔnlɛ ka màn lɛ bibinaan kɛn nɛ. «Maa Lawa, n yiri koa ma nɛ, bǐɛ̃ kɛ taman yii, má zɛnaa.»

Zɔbu 12:15

Bɛ̀ á la kurəə, lɛ̀ gere n koe, bɛ̀ á n gɔn bɔ-a, mu n basaã koe tán nɛ.

Zɔbu 14:13

E, bɛ̀ ma n lɛ koe dinin n ma duru geren piɛ, n ma lɛ tã walan, yǎa n busii kɛ nyɛɛ, yǎa bɛ̀ n yiri gisĩ ma nɛ biikoo mɛn li.

Loen 105:42

Á n yiri koa a din a lɛ kɔ ǹ boo sonbore kɛ nɛ, á pɛ a dí-nyali Abrahamu ni.

Loen 106:4

Bɛ̀ ń daa n yɔrɔ bǐɛ̃ da n zaman la kaa, Dɛnaa Lawa, n yiri koa ma nɛ. Bɛ̀ n tá re sii bɛ̀rɛbaa kɛ la, toa n ga masɛ dɔ a sii walan.

Loen 115:12

Dɛnaa Lawa tá n yiri koɛ wɔ li, á re barka diɛ wɔ ganaa. Á re barka diɛ Izirayeli tɔrɔn ganaa, á re barka diɛ Lawa a wúlu-bɔlen, Aarɔn tɔrɔn kɛn ganaa,

Loen 132:1

Wo Zeruzalɛmu loe. Dɛnaa Lawa, n yiri kɔ Davida li. A nɔmaa mɛn wɔ, n yiri gisĩ bɛ nɛ.

Loen 136:23

Wɔsɛn koe-yɛ biikoo li, á n yiri koa wɔsɛn kɛn li, a kɔn-narɛɛ a nyɛɛ duduu wa.

Loen 137:7

Zeruzalɛmu kuĩ pinaa, Edɔmu minin da ǹ boo lɛ: «Ka yu, ka yu, ka yu lenlen», Dɛnaa Lawa, n yiri nyan bɔ ka bɛ-n wa.

Loen 29:10

Dɛnaa Lawa n kii lɛa mu gole kɛ lalan, a n die goɛ̃ kiibaa la yǎa duduu.

Loen 36:6

Dɛnaa Lawa, n kɔn-narɛɛ gole lɛ n woe yǎa lon, n bǐɛ̃ duduu lɛ n woe yǎa labaran ganaa.

Bɔ bɛ̀rɛbaa nɛ 14:21

Muizu nə́ n gɔn saa lon tà lɛ la. Dɛnaa lɛ̀giala piɛ̃ gole kɔ́n da bɔ ganaa tèlò lɛ tumaa gɔ́ɔ̃ nɛ. Á tà lɛ a mu kurəə ne, mu lɛ nə́ n na kɔn, tà lɛ gɔ́ɔ̃ n laa nɛ.

Bɔ bɛ̀rɛbaa nɛ 15:10

Sɛnɛ Dɛnaa, n din nə́ n piɛ̃ kɛ bɔ, tà mu nə́ ǹ kũ. Ǹ nə́ papaã mu gole lɛ giala-a ka fɔlɔ kuturu bɛ́ lɔn.

Bɔ bɛ̀rɛbaa nɛ 2:24

Lawa nə́ ǹ ginii lɛ ma. Lawa yiri gisĩ ka lɛ kɔ kɔn la kɛ nɛ, a din doa kɔn ka Abrahamu ni, ka Izaaki laanka Zakɔba nɛ.

Suusun 25:23

Piɛ̃ mɛn bɛ́ woe lɛ̀giala-n, bɛ n die ka là nɛ. Soɛ n die ka n miãn foo yoo ne.

Izayii 44:27

Man pii mu zuzulu ni: «Piɛ̃ ka daɛ̃. Ma á re n mu diɛ piɛ̃ ganaa»

Zeremii 50:38

Ka zia baa a tà mun ganaa, ǹ gɔ́ɔ̃ laa kakaka. A giala, dìn gána nɛ. Maǹ nə n dinin gole koe bɛa dì nyín bɔbɔnɛɛn kɛn lɛn taman yii.

Amɔɔsi 8:7

Dɛnaa Lawa tɔ́n pɛ kɛnɛn: Izirayeli minin tá ǹ dinin gole koe ǹ kiwi a lɛa. Man nə n liɛ ka ǹ gána lɛ nɛ kəni. Ma yiri á re boe ka ǹ nya ǹ dí kɛ kɔn nɛ duduu wa.

Zonaasi 4:11

Sanparɛ Ninivu kiwi gole ke, masɛ á re makara boe bɛ ganaa wa! A giala, min duu paabiɛ ka fuə (120 000) tá yii a nɛ, min mɛnɛn nə́ ke ǹ nə́ ǹ ba ǹ gusin laanka ǹ gɔsɛ a bɔkɔnlɛ doɛ̃ wa. Tɔɔ damata dɔ tá a nɛ.»

Nahumu 1:4

A n boo diɛ yìsi mu gole ne, a piɛ̃ ka daɛ̃. A n tàn mu piɛ̃, a bɔ ǹ nɛ. Basan a buu bǎã nyantoto ke ka Karmɛli kele kɛ nɛ, bɛn tumaa n damɛ ǹ taã ka bon, Liban a da buũ kɛ tumaa n bɛbɛnɛ.

Abakuku 3:2

Dɛnaa Lawa, má n boo ma. Ma gɔ̀nɔn nə bìn diɛ ǹ nyɛɛnɛ, n sii dadaran zɛnaa a lɛa, Dɛnaa Lawa. Wɔa yiikoonaabaa gɔ́ɔ̃ nɛ, bɛa siin kɛn kɔnboe nyaa wɔ nɛ! Wɔa yiikoonaabaa gɔ́ɔ̃ nɛ, toa ǹ nə n dɔ̃! Ta n foo na á yoo, n yiri kɔ n din a makara doɛ̃ kɛ nɛ.

Zakarii 10:11

Ǹ tá re koe yìsi mu kɛ kuri. Masɛ Dɛnaa Lawa, ma á re yìsi mu gole a mu duwii. Haalɛ Niili tà gɔ́ɔ̃ din tá re laɛ. Asiirii gána, din gole-kɔle kɛ á re mɛnɛɛ. Ezipti a pàã á re nyɛɛ.

Minin nimi 10:9

Kaa gána nɛ, bɛ̀ ka á woe koe zɔ́ɔn lɛ ka zia nɛ, zɔ́ɔn mɛnɛn bɛ́ ka nɔmɛɛ, ka die ka bɛa bɛnɛn kɛn lɛn pɛ kɔsɛkɔsɛ. Bɛ n die toɛ masɛ nə n yiri koa ka li. Masɛ din Dɛnaa Lawa, kaa Lawa lɛ n die ka sii kaa zɔ́ɔn la kəni, ma ka kaa.

Minin nimi 22:32

Dɛnaa Lawa a lon a dia dí-a wole lɛ tɔ́n nɔ̀n da la kɛnɛn: «Wàa na á baa ń koa kɔn la gunyin sɔɔ, n nə́ n dundun dan lɛ dɛ? Á ke, ma din ni má soo má daa zii tã n ganaa, a giala zii-tɔ lɛ nyɛɛn ba re bǐɛ̃ biɛ n ganaa wa.

Sii-nyaan 16:19

Kiwi gole lɛ nə́ n talakɔn sɔɔ, gánan tumaa a kiwin nə́ bɔ ǹ nə́ kaa. Lawa nə́ n yiri koa *Baabilonii kiwi gole kɛ a zɛnaa ǹ sii ni, á da Lawa a foo-yoo ǹ duvɛ̃ mii ganaa, ǹ mɛn lɛ bɛ́ Lawa a foo-yoo gole paan kɛ nɛ.

Sii-nyaan 18:5

A giala a sii baraan lɛn nə́ kaa kɔn la, ǹ nə́ dɔ lon. Lawa yiri a boe ka a sii kɔkɔrɔn kɛn nɛ wa.

Samayeli1 1:19

Ɛlkaanaa laanka a kion minin nə́ yoo baayɛlɛ yiisoone, ǹ nə́ Lawa guguru kɔ, bɛ kio, ǹ nə́ n bɔyaa ǹ nə́ woo ǹ piɛ Ramaa. Ɛlkaana giã kun ka a lɔ Anɛɛ nɛ. Dɛnaa Lawa nə́ n yiri koa Anɛɛ li.