Siin Giala 7:11 - LAWA A BOO SONBORE

¹¹ Nowee a yɛ lɛ̀ biɛsɔrɔ, mui paabaa ǹ wɔ a lɛawaa fulusɔbaabaa ǹ wɔ pinaa, tán giulun mu gole nə́ n da wɔlɔ la, lon a mu dɔǹɔn nə́ n bũ dadara bɛ lɛ a pinaa.

LAWA A BOO SONBORE 2011

¹¹ Nowee a yɛ lɛ̀ biɛsɔrɔ, mui paabaa ǹ wɔ a lɛawaa fulusɔbaabaa ǹ wɔ pinaa, tán giulun mu gole nə́ n da wɔlɔ la, lon a mu dɔǹɔn nə́ n bũ dadara bɛ lɛ a pinaa.

Siin Giala 7:11 ပူးပေါင်းရင်းမြစ်များ

Siin Giala 1:7

Bɛ nə́ n zɛnaa miɛ̃. Lawa na á bɛa gèlè lɛ bɔ, a ná a giulun mu laanka a lalan wɔ na, á ǹ bɔ kɔn.

Siin Giala 6:17

Man die die ka bɔ̀n da ǹ mu gole-n tán, ma màn yiikoonaa tumaa bɔ̀n baa nɛ. Màn woo màn tán la, ǹ tumaa á re giɛ̃.

Siin Giala 7:6

Bɔ̀n da ǹ mu gole lɛ bɛ́ die kanaa ǹ mɛn waáraa, bɛ̀ Nowee lɛ̀ biɛsɔrɔ (600) nɛ.

Siin Giala 8:14

Mui paabaa ǹ wɔ a lɛawaa fuəwensɔbaabaa ǹ wɔ pinaa, tán laa duduu.

Siin Giala 8:2

Tán giulun mu yalan nə́ n lɛ tã, lon a mu dɔǹɔn dɔn nə́ n lɛ tã. La nə́ n lɛ kũ a die wa.

Kiin2 7:19

Dí-nyali lɛ na á goã á pɛ Lawa a min lɛ nɛ mà ta Dɛnaa Lawa n lon a dɔǹɔn lɛ buĩ, mà kɛ ba boe la a n zɛnaa wa. Yǎa Yiliizee dɔ tɔn a lɛ si mà a tá re yii ka a yii ni, sɛnɛ, mà a na a ba re bii wa.

Kiin2 7:2

Kii a dí-nyali mɛn bɛ́ mɔrɛɛ nɛ a ganaa, bɛ Yiliizee lɛ si: «Ta Dɛnaa Lawa din na á lon a dɔǹɔn lɛ bũ, kɛa boe la a n zɛnaa doɛ̃ wa.» Yiliizee nə́ n toa: «N tá re yii ka n yii ni, sɛnɛ, n ba re bii wa.»

Zɔbu 12:15

Bɛ̀ á la kurəə, lɛ̀ gere n koe, bɛ̀ á n gɔn bɔ-a, mu n basaã koe tán nɛ.

Zɔbu 28:4

A n yala foɛ̃, a wɔlɔ n sɔsɔɔ minbuiinin giã ǹ bǎã ganaa. Walan, min gòã ba doe wa. Maǹ nə n loonlaanboe biɛ ganaa ǹ dí nya, ǹ wɔlɔ n sɔsɔɔ minbuiinin ganaa.

Zɔbu 38:16

N bin tɔ́n woo yǎa kɔ̀ mu a bɔ ǹ bǎã nɛ? N bin tɔ́n woo yǎa tán giulun?

Zɔbu 38:37

Die n sii doɛ̃, á n boe la, a labaran nimi, á n boe la, a lon a mu dɔǹɔn kɛn lɛ kanaa ǹ mu kaa,

Loen 33:7

A din na á kɔ̀ mu sɔkɔn, a ná a lɛ zũ, mu nyankɔrɔ zuzulun kɛn, a din na á bɛn koa.

Loen 74:15

N din nə ń mu yalan kɛn fɔ̃, ka pɛrɛn kɛn nɛ. Pɛrɛn mɛnɛn bɛ́ ǹ mu a piɛ̃ duduu wa, ń bɛn mu piɛ̃.

Suusun 3:20

A sii-doɛ̃ taman yii, tán giulun mu n piã woɛ̃, là baran nə́ toɛ là n kiɛ.

Izayii 24:18

Min mɛn bɛ́ baa sii nyɛ́ɛ da ǹ lɛ-dɛ nyɛɛnɛ, bɛa dɛnaa n mɛnɛɛ yala-n. Bɛ̀ min mɛn boo la á soo yala-n, kan tá re kuĩ. Lon a dɔǹɔn manə n lɛ buĩ banabana. Tán tumaa n bìn diɛ a wo a giala wɔ tán a ǹ bǎã yaa.

Izayii 24:19

Tán nə́ n dɛ, a n pupuri, a n wurii.

Zeremii 5:22

Ka a ma guguru koe wa? Ka a nyɛ́ɛ biɛ ma-n wa? Dɛnaa Lawa a da ǹ boo ne. Ma din ni má nyɔɔsɔ̃ kaa tán yìsi mu gole lɛdan lɛa yǎa duduu, sɛnɛ a ba a la boe ǹ kɔn pinaa wa. A mu á boe la a yoo, sɛnɛ pàã n nyaabiɛ a ganaa. Á boe la a gini, sɛnɛ a ba re a la boe wa.

Zeremii 51:16

Bɛ̀ á gini, mu pìãn manə n soekɔn lon. A n labaran soekɔn tán lɛ dan ganaa. A n la diɛ tɛ pɛ ganaa màn mɛn bɛ́ toɛ la kaa. A n piɛ̃ boe a duru ǹ bǎãn nɛ a soo ne.

Ezekieli 26:19

«A giala, masɛ Dɛnaa Lawa n kɛ pii: Man die n biɛ kɛbɔlɔ lɛa, goon ka kiwi-soen kɛn nɛ, ma yìsi mu kɛ da yoo ganaa, a da kɔ n lɛ.

Malakii 3:10

Ka da ká kaa tán dí nya ǹ mànan lɛn tumaa a talɛɛ a fùbaa ǹ wɔ nɛ taãnɛ, maa màn koa ǹ kion kɛ nɛ, màn-bii boo la a yɛ, koa nɛ maa kion biikoo tumaa li. Ka á boe la ka n da ma gɔ́ɔ̃ li ka ga-a bɛa sii lɛ paǹ li. Masɛ Dɛnaa Lawa Pàãyiidɛnaa, ka á re yii man die lon a dɔǹɔn lɛ buĩ, bǐɛ̃ tɔrɔ tumaa n die kiɛ ka la mɔnaa nɛ.

Matiə 24:38

A giala, mu gole lɛ laan bɛ̀ a da kanaa lɛ bii, minin man nə́ goã màn bibii, ǹ nə́ màn mimii, ǹ nə́ lɔn gɔgoɛ, ǹ nə́ ǹ nɛnyaanan koe giĩn la, yǎa Nowee a wɔ goo-n lɛ a pinaa.

Tesaloniki1 5:3

Minin bɛ́ re pii biikoo mɛn li mà «Là nyantoro tan, mà baraa banban!», a din biikoo lɛ nɛ, basaã á die kirii ǹ la, ka nɔɔrɔ bɛ́ kirii lɔ nɔnɔa la lɔn, ǹ ba re n boe a-n dɔn wa.

Piɛrɛ2 3:6

A na á wusoo doo ka a din mu lɛ nɛ, mu gole gole ke, á lɛlɛ a kanaa kɛ nya.