Siin Giala 6:9 - LAWA A BOO SONBORE

⁹ Nowee boo á ke: Nowee na á goã min pepere lɛa. A goã kanaa kun ka min mɛnɛn nɛ, a dinsɔɔ̃ a sii lɛ na á goã piɛ̃-n bɛn bii, Lawa wɔ paǹ li. Á goã koe Lawa a zii lɛ.

LAWA A BOO SONBORE 2011

⁹ Nowee boo á ke: Nowee na á goã min pepere lɛa. A goã kanaa kun ka min mɛnɛn nɛ, a dinsɔɔ̃ a sii lɛ na á goã piɛ̃-n bɛn bii, Lawa wɔ paǹ li. Á goã koe Lawa a zii lɛ.

Siin Giala 6:9 ပူးပေါင်းရင်းမြစ်များ

Siin Giala 10:1

Bɔ̀n da ǹ mu gole lɛ a kiɛ̃ kio, Nowee a nɛgiĩn lɛn, Sɛmu ni, Kaamu ni ka Zafɛti ni, ǹ nə́ nɛnyaanan yɛ. Ǹ tɔrɔ basa á ke:

Siin Giala 17:1

Abramu lɛ̀ pɔmanangɔrɔwenmanangɔrɔ, Dɛnaa nə́ n din nyaa nɛ, á pɛ nɛ kɛnɛn: «Ma din nə Lawa Pàãyiidɛnaa lɛa. Tɔ wɔ masɛ yɔrɔ-a pepere, zɛ̀rɛ baran goã n ganaa wa.

Siin Giala 2:4

Lawa lon laanka tán da lɔn, bɛ lɛa boo n ka bɛ nɛ. Dɛnaa Lawa bɛ́ á tán laanka lon zɛnaa ǹ mɛn waáraa,

Siin Giala 48:15

Á barka da Zozɛfu ganaa, á pɛ: Ma di gole Abrahamu laanka ma di Izaaki tɔ wɔ Lawa yɔrɔ-a, Lawa mɛn bɛ́ giɛ ma walan, yǎa á daa á dɔ pelo ganaa,

Siin Giala 5:1

Aadã a kɛdɛnan sɛ́wɔ á ke: Lawa bɛ́ á minbuiin nɛ zɛnaa ǹ mɛn pinaa, a na á zɛnaa a din a kɔnboe lɛa.

Siin Giala 5:22

Matuuselaa a yɛ kio, Enɔɔki kɔ Lawa a zii lɛ, lɛ̀ biɛsɔɔ (300) gɔ́ɔ̃ nɛ. Á nɛgiĩ kɔsɔn laanka nɛlɔn yɛ.

Siin Giala 5:24

A bɛ́ á kɔ Lawa a zii lɛ, Lawa saa á woo-n a din li lon, min yii yɛ doo wa.

Siin Giala 6:10

Nowee nɛgiĩ sɔɔ yɛ: Sɛmu ni, ka Kaamu laanka Zafɛti ni.

Siin Giala 7:1

Dɛnaa tɔ́n pɛ Nowee ne kɛnɛn: «Wɔ goo lɛ nɛ, n din laanka n kion minin tumaa. A giala, n bɛ́ kanaa kun ka min mɛnɛn nɛ, n dinsɔɔ̃ n pepere, bɛa minin kɛn lɛn bii.

Samayeli2 22:24

Má n nyɛnaa sii baraa nɛ, a zɛ̀rɛ ba ma ganaa wa.

Kiin1 3:6

Salomɔn ná a lɛ si: «Ma di Davida lɛ, n dí-nyali lɛa, ń bǐɛ̃ gole zɛnaa nɛ. A giala, Davida tɔ wɔ kunun n ni ka bɔlɔgoondɛnaabaa nɛ, peperebaa laanka gɔ́ɔ̃ fùbaa nɛ n wɔ paǹ li. Ma nə ń bɛa bǐɛ̃ gole lɛ zɛnaa nɛ, ń nɛgiĩ kɔ la, nɛgiĩ mɛn lɛ á ke a kiibaa lɛ la pelo.

KZS2 15:17

Azaa a yiikoonaabaa tumaa gɔ́ɔ̃ nɛ, a foo din tumaa goã Lawa wɔ lɛa. Sɛnɛ, dì wúlu bɔ ǹ bǎã kɛn, bɛn nə papaã Izirayeli gána-n wa.

KZS2 25:2

Sii mɛn bɛ́ siĩn Dɛnaa Lawa yii li, Amasiya bɛ zɛnaa sɛnɛ, a nə n foo tumaa kɔ Dɛnaa Lawa la wa.

Zɔbu 1:1

Ǹ kɔn waáraa, giĩ goon na á goã Usi gána nɛ, a tɔ n Zɔbu. Giĩ lɛ na á goã min pepere lɛa, a zɛnaa ǹ sii ń siĩni. A na á goã nyɛ́ɛ biɛ Lawa nɛ, n nyɛnɛɛ sii baraa nɛ.

Zɔbu 1:8

Dɛnaa Lawa tɔ́n pɛ Zɔ́ɔ nɛ: «Táa ń maa dí-nyali Zɔbu kɛ yɛ? Ǹ miã din banban kanaa wa. Min pepere ne, a zɛnaa ǹ sii n siĩni, á n nyɛ́ɛ biɛ masɛ Lawa yii ni, n nyɛnɛɛ sii baraa nɛ.»

Zɔbu 12:4

Bɛ̀ ma á Lawa nyankoe lɛlɛ, a n ma lɛ sii. Kanna, maa giaáran man ma diɛ yaa lɛa. Masɛ din min pepere zɛ̀rɛbaãnaa lɛ, ǹ nə́ ke ma diɛ yaa lɛa.

Loen 37:37

Min mɛn gɔ́ɔ̃ bɛ́ fu, a n min pepere lɛa, min mɛn bɛ́ giɛ là nyantoro li, bɛa dɛnaa tɔrɔn tá re goɛ̃.

Loen 37:39

Dɛnaa Lawa n min sonboren kirisibiɛ. A din nə ǹ tamaɛ fuu-yɛ biikoo li.

Suusun 4:18

Sɛnɛ, min mɛnɛn bɛ́ sii bǐɛ̃ zɛnɛɛ, bɛn yiikoonaabaa n ka baayɛlɛ a wɔlɔ fúlu bɛ́ lɔn, màn nə miɛ a fulu li yǎa penleen-n koe.

Boo-laakalaali 7:20

Taãn nɛ, min pepere goon ba kanaa kɛ gɔ́ɔ̃ nɛ, sii bǐɛ̃ zɛnɛɛ, a ná a ba sii baraa dɔ zɛnɛɛ wa.

Ezekieli 14:14

Ta Nowee ǹ miã n bɛa gána lɛ nɛ, Danieli ni ka Zɔbu ni, bɛn min sɔɔ kɛ lɛ, ǹ peperebaa lɛ n die ǹ dininsɔɔ̃nɔn kirisibiɛ. Ma din Dɛnaa Lawa a da ǹ boo ne.

Ezekieli 14:20

Haalɛ ta Nowee ǹ miãn man gána lɛ bii, ka Danieli laanka Zɔbu ni, bɛ̀ masɛ din Lawa yiikoonaa kɛ golee li, ǹ ba boe la ǹ nə ǹ nɛgiĩn laanka ǹ nɛlɔn dinin kirisibaa wa. Ǹ dininsɔɔ̃nɔn man die kirisibiɛ ǹ peperebaa taman yii. Ma din Dɛnaa Lawa a da ǹ boo ne.

Abakuku 2:4

Á ke: Min mɛn bɛ́ a pepere wa, bɛa dɛnaa á re mɛnɛɛ. Sɛnɛ, min mɛn bɛ́ pepere, a bɔlɔgoondɛnaabaa n die toɛ a yii goã koo.

Luku 1:6

Ǹ dinin min paa goã min peperen lɛa Lawa yɔrɔ-a, maǹ nə́ goã Dɛnaa a dí-pɛn lɛn tumaa bɔlɔ sii taãn-taãnɛ.

Luku 2:25

Á daa yaa giĩ goon tá Zeruzalɛmu kiwi, a tɔ n Simiɔn. Bɛa giĩ lɛ na á goã min pepere lɛa, a n nyɛ́ɛ biɛ Lawa yii ni, bɛ̀ á n yii diɛ Izirayeli minin nyin-sili lɛ la. Lawa a Yiri Fu na á goã la,

Luku 23:50

Zuifun kiri-wɔlen lɛn bii, giĩ goon na á goã boe Arimatee kiwi, a tɔ n Zozɛfu. A na á goã min sonbore lɛa, a n pepere dɔn. A na á goã n yii diɛ *Lawa a kiibaa ǹ dí kɛ a daa la. Ǹ miãn nə sii mɛn zɛnaa, a lɛ kɔ bɛ ganaa wa.

Nya ǹ dín 10:22

Minin lɛn ná a lɛ si: «Wɔsɛn lɛn man wɔ́ daa Kɔrnɛyi a dí ganaa, Kɔrnɛyi mɛn bɛ́ sɔraasin goledɛnaa lɛa, a n pepere, a n Lawa guguru koe kun ka Zuifun ni, a tɔ sonbore dɔ n boe ne ǹ tumaa bii. Lawa a lon a dia dí-a wole goon na á nyaa Kɔrnɛyi ni, mà a doamaa nɛ a lɛ dia Piɛrɛ la a kion, siin mɛnɛn nə n zɛnaa, á die n too koe bɛn li Piɛrɛ lɛ lon.»

Rɔmu minin 1:17

A giala Boo Tii Kɔɔ̃n nə nyɛɛ Lawa bɛ́ min biɛ min pepere lɛa a din yɔrɔ-a lɔn goleemali dinsɔɔ̃ barka nɛ, ka a bɛ́ kiɛ̃-n Lawa a boo sɛ́wɔ-n lɔn: «Min mɛn bɛ́ a pepere wa, bɛa dɛnaa á re mɛnɛɛ. Sɛnɛ, min mɛn bɛ́ pepere, a bɔlɔgoondɛnaabaa n die toɛ a yii goã koo.»

Galaasi minin 3:11

A n foaã dinin, Lawa a lɛ koe min kɔ́n ganaa min pepere lɛa, dí-pɛn lɛ-sii taman yii wa. A giala a tá kiɛ̃ nɛ: «Min mɛn bɛ́ a pepere wa, bɛa dɛnaa á re mɛnɛɛ. Sɛnɛ, min mɛn bɛ́ pepere, a bɔlɔgoondɛnaabaa n die toɛ a yii goã koo.»

Timəə dí-pɛn 18:13

Kasɛn nə n doa ka n naa kaa Lawa, Dɛnaa Lawa lɛ ganaa taãn-taãnɛ.

Ebrəə 11:7

Golee Lawa li na á toa, Nowee Lawa a gɔn waaman kɛ si parsii lɛa. Yii bɛ́ a tɔn sii mɛn yɛ wa, Lawa na á n gɔn waa-n ka bɛ nɛ. Á goo zɛnaa a ná a kion minin kirisibaa nɛ. Dɔlɔ nə́ n bɔ kanaa ganaa, sɛnɛ, Lawa ga Nowee ganaa min pepere lɛa, a goleemali a lɛa.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.

Piɛrɛ2 2:5

Lawa lɛlɛ a kanaa minin kɛn dɔn toa wa, sɛnɛ, a bɛ́ piã Lawa-n wolen kɛn bii ka mu gole ne, a na á Nowee laanka min sɔbaa kɔsɔ kanbaa bɛ ganaa, Nowee mɛn goã peperebaa boo laakalɛɛ.