Siin Giala 6:8 - LAWA A BOO SONBORE

⁸ Sɛnɛ, Nowee sii kɔɔ̃n kɔ Lawa ganaa.

LAWA A BOO SONBORE 2011

⁸ Sɛnɛ, Nowee sii kɔɔ̃n kɔ Lawa ganaa.

Siin Giala 6:8 ပူးပေါင်းရင်းမြစ်များ

Siin Giala 19:19

Sonbore ne, ń bǐɛ̃ kɔ ma ganaa, ń sii gole zɛnaa masɛ nɛ, ń ma nyin toa. Sɛnɛ, ma á boe la ma baa si ma dɔ kele la, bɛ̀ koe lɛ ná a dɔ ma ganaa, á ma dɛ wa.

Loen 145:20

Min mɛn tumaa bɛ́ Dɛnaa Lawa narɛ, á re bɛn tamaɛ. Sɛnɛ, á re min baraan kɛn tumaa bɔ̀n biɛ.

Loen 84:11

Sonbore, min nə lɛawaa goon dinsɔɔ̃ zɛnaa nsɛ a Kion kɛ nɛ, bɛ á soɛ lɛawaa duu goon zɛnaa bǎã kɔsɔ-n nɛ. Maa Lawa, ta masɛ n giɛ̃ tán, n kion kɛa kiɛnlɛ-a kooro dinin kaa, bɛ á kɔɔ̃n ma ganaa, á la wo giã min kooron bii ni.

Suusun 12:2

Sii sonbore-zɛnaali n kɔɔ̃n dɛnaa Lawa ganaa. Sɛnɛ min mɛn bɛ́ ǹ miãn siɛ̃, Lawa n zɛ̀rɛ diɛ bɛn la.

Suusun 3:4

N sii á re kɔɔ̃n koe Lawa ganaa, ka minbuiinin ni. N sii á re bǐɛ̃ koe.

Suusun 8:35

Taãn nɛ, bɛ̀ min mɛn ma yɛ, a na á yiikoonaabaa yɛ. A sii n kɔɔ̃n koe Dɛnaa Lawa ganaa.

Zeremii 31:2

Dɛnaa Lawa n kɛ pii: Zaman mɛn nə kanbaa gɛ̀ ganaa, má maa bǐɛ̃baa nyaa bɛn manɛ diə gole ne. Izirayeli á re susui yii.

Ezekieli 14:14

Ta Nowee ǹ miã n bɛa gána lɛ nɛ, Danieli ni ka Zɔbu ni, bɛn min sɔɔ kɛ lɛ, ǹ peperebaa lɛ n die ǹ dininsɔɔ̃nɔn kirisibiɛ. Ma din Dɛnaa Lawa a da ǹ boo ne.

Matiə 24:37

A n baa lɔn Nowee a biikoo li, a n die n biɛ miɛ̃ Min a Nɛgiĩ a daa pinaa.

Luku 1:30

Lon a dia dí-a wole lɛ tɔ́n pɛ nɛ: «Mariya, n baran nyɛ́ɛ baa wa, Lawa na á bǐɛ̃ gole baa n nɛ.

Luku 17:26

«Màn mɛn nə n zɛnaa Nowee a biikoo li, bɛ lɛ n die n zɛnɛɛ doo Min a Nɛgiĩ a daa biikoo li.

Nya ǹ dín 7:46

Bɛa Davida lɛ kɔɔ̃n kɔ Lawa ganaa. A ná a nyankɔ mà Izirayeli a Lawa lɛ toa asɛ giã ǹ kion dɔ a kɔ la.

Rɔmu minin 11:6

Lawa na á ǹ bɔ a din a bǐɛ̃baa a lɛa, ǹ nya ǹ dí a lɛa bie wa. Bɛ̀ ǹ nya ǹ dí a lɛa nɛ, bɛ̀ Lawa a bǐɛ̃ lɛ ba n bíi doo mà bǐɛ̃ wa.

Rɔmu minin 4:4

Bɛ̀ min dí nya, a na a saraa yii, bɛa saraa kɛ bie bǐɛ̃baa ǹ màn lɛa, ǹ nə́ kɔ la wa, a din a doakasie ne.

Korɛnti1 15:10

Sɛnɛ, ma bɛ́ màn mɛn lɛa kanna, man bɛ lɛa Lawa a bǐɛ̃baa pàã ganaa. A bǐɛ̃ mɛn baa ma la, bɛ goã kooro wa. A giala dinin, mà má dí nya má la dia dí-a wole gialakunun kɛn lɛn tumaa nɛ. A taãnbaa li, Lawa a bǐɛ̃ mɛn bɛ́ kun ma nɛ, bɛ pàã nɛ, ma din wɔ bie wa.

Galaasi minin 1:15

Sɛnɛ bɛ kio, Lawa lɛ kɔ mà ma a Nɛgiĩ dɔ̃, màn mɛn bɛ́ toɛ, ma a sii nyaa tɔrɔn tumaa nɛ. Bɛ lɛ a lɛa nɛ, á ma bɔ gɔrɔ, bɛ̀ ma tɔn yɛ dinin wa. A din a bǐɛ̃baa gɔ́ɔ̃ nɛ, á ma bíi, mà ma dí nya asɛ nɛ. Bɛ bɛ́ á n zɛnaa, ma nɔ̀n da min kɔ́n la ka yiri-n wa.

Timote2 1:18

A dí mɛn tumaa dɔ nya ma-n Efɛɛzi kiwi, min kɔ́n ba ǹ doɛ̃ á dɔ n li wa. Dɛnaa die a makara bɔ a ganaa kiri-kurii pinaa.

Tiitii 2:11

A giala, Lawa ná a bǐɛ̃ nyaa mà minbuiin din tumaa a kirisibaa bɔ a nɛ.

Tiitii 3:7

Bɛ na á n zɛnaa, màn mɛn bɛ́ toɛ, a bǐɛ̃ kɛ wɔ baa min peperen lɛa a din yɔrɔ-a. Wɔ bɛ́ n yiri koɛ nyin-nyabaã wole mɛn ganaa, wɔ boo la wɔ bɛ yɛ.

Ebrəə 4:16

Bɛ lɛ taman yii, ka daa wɔ n tá nyɛɛnɛ ka foo-doa nɛ, wɔ n mɔrɔ Lawa a kii dankan lɛ ganaa, màn mɛn bɛ́ toɛ, Bǐɛ̃dɛnaa lɛ makara bɔ wɔ ganaa, a bǐɛ̃ zɛnaa wɔ nɛ, bǐɛ̃ mɛn bɛ́ re n doe wɔ lɛ wɔ laadoo biikoo li.

Piɛrɛ1 3:20

minin mɛnɛn nə́ n piã lɛlɛ ka bɔlɔ-si ni, bɛ̀ Lawa bɛ́ ǹ sii sii a ganaa, Nowee a mu la ǹ goo zɛnaa biikoo lɛ li. Zaman boɛɛn dinsɔɔ̃ na á kirisibaa bɛa goo kɛ lɛ gɔ́ɔ̃ nɛ, mu gole kɛ lɛ din dɔ barka nɛ, bɛ giala mà min kiwisi dinsɔɔ̃.

Piɛrɛ2 2:5

Lawa lɛlɛ a kanaa minin kɛn dɔn toa wa, sɛnɛ, a bɛ́ piã Lawa-n wolen kɛn bii ka mu gole ne, a na á Nowee laanka min sɔbaa kɔsɔ kanbaa bɛ ganaa, Nowee mɛn goã peperebaa boo laakalɛɛ.