Siin Giala 6:5 - LAWA A BOO SONBORE

⁵ Dɛnaa yɛ mà màn nə tɔ́n miɛ̃ minbuiinin baraabaa li tán. Biikoo tumaa li, sii baraa zɛnaa dinsɔɔ̃ a taasiɛ nə ǹ foo ne.

LAWA A BOO SONBORE 2011

⁵ Dɛnaa yɛ mà màn nə tɔ́n miɛ̃ minbuiinin baraabaa li tán. Biikoo tumaa li, sii baraa zɛnaa dinsɔɔ̃ a taasiɛ nə ǹ foo ne.

Siin Giala 6:5 ပူးပေါင်းရင်းမြစ်များ

Siin Giala 13:13

Bɛa kiwi lɛ dɔ a minin man nə́ goã we Lawa lon parsiini, ka ǹ zɛnaa ǹ sii babaraan nɛ.

Siin Giala 8:21

Dɛnaa bɛa wúlu màn gìĩ kɔ́ɔ̃n lɛ ma, á tɔ́n pɛ a din gɔ́ɔ̃ nɛ kɛnɛn: «Ma a re lɛn pipiã bíi tán li doo duduu, minbuiin nɛ a zɛnaa ǹ sii taman yii wa. Minbuiin nɛ n yui tán ka sii baraa zɛnaa nɛ a foo-n sɛn, sɛnɛ, ma a re dɔlɔ boe màn yiikoonaa tumaa ganaa doo duduu, ka ma bɛ́ má zɛnaa lɔn wa.

Zɔbu 15:16

sanparɛ, ka minbuiin nɛ bɔnɛɛ babaraa kɛ nɛ, sii baraa zɛnaa n woe la ka mi ǹ mu ni.

Zɔbu 22:15

Min baraan nə goã koe zii mɛn lɛ lɛlɛ, n dɔ n giɛ li n bɛ lɛ saa?

Loen 53:2

Min mɛnɛn bɛ́ pii ǹ dinin gɔ́ɔ̃ nɛ: mà Lawa din banban, baãnaan manɛ. Ǹ nə́ n dinin ziziɛ̃, ǹ giã ǹ gɔn bɔnɛɛ kɔ, ǹ kɔn din banban, bɛ́ n sii bǐɛ̃ zɛnɛɛ wa.

Boo-laakalaali 7:29

Ma sii goon mɛn giala ma, bɛ á ke: Lawa na á minbuiin nɛ zɛnaa pepere, sɛnɛ, ǹ dinin man nə́ sii tumaa lɛ laa.

Boo-laakalaali 9:3

A din sii goon a min tumaa yɛ ke, ǹ nə́ giɛ̃, bɛ n sii kaka lɛa, siin kɛn bii, n zɛnɛɛ kanaa. Bɛ lɛ dɔ nɛ, minbuiin nɛn foo pã ka sii baraa nɛ. A ǹ toa ǹ yii n koo, gàãnaabaa nə ǹ ganaa. Bɛ kio, ǹ gɔn nyɔmɔɔ ǹ bǎã n geren li.

Zeremii 17:9

Màn kɔn ba baraa á dɔ minbuiin nɛ foo li wa. Min kɔn ba boe la a na a kaka kɔ wa, min kɔn ba doɛ̃ a nya wa.

Zeremii 4:14

Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?

Ezekieli 8:12

Dɛnaa Lawa tɔ́n pɛ ma nɛ: «Nsɛ minbuiin a nɛ, Izirayeli tɔrɔn lɛn min golen bɛ́ sii mɛn zɛnɛɛ wɔlɔ tì li, n yii tá a ganaa ke? Didie na a dì kion. A giala, maǹ pii mà Dɛnaa Lawa yii ba ǹsɛn ganaa wa, mà Dɛnaa Lawa gána lɛ din toa walan.»

Ezekieli 8:9

Á tɔ́n pɛ ma nɛ: «Minin kɛn bɛ́ sii baraa bɔbɔnɛɛ mɛn zɛnɛɛ kànaa, wɔ n ga a ganaa.»

Matiə 15:19

A giala, taasiɛ naarɛn lɛn man boe a foo ne, bɛn lɛn man diɛ gɛ̀ dɛ ganaa, ka naarɛbaa nɛ, ka kɔrɔbaa nɛ, ka wurumubaa nɛ, ka soɛ-bɔ nɛ, ka min kɔsɔ tɔ ziziɛ̃ nɛ.

Matiə 24:37

A n baa lɔn Nowee a biikoo li, a n die n biɛ miɛ̃ Min a Nɛgiĩ a daa pinaa.

Luku 17:26

«Màn mɛn nə n zɛnaa Nowee a biikoo li, bɛ lɛ n die n zɛnɛɛ doo Min a Nɛgiĩ a daa biikoo li.

Timəə dí-pɛn 29:19

Dɛnaa Lawa a re lɛ koe a bɛa dɛnaa a sii baraa toa-n wa. Ǹ dɛnaa lɛ bɛ́ na á Dɛnaa Lawa bɔlɔ tii, a foo n die yui li. Dɔlɔ mɛn tumaa boo nə n da sɛ́wɔ kɛ nɛ, bɛ tumaa n die goɛ̃ a mìi ni. Dɛnaa Lawa á re ǹ dɛnaa tɔ tuturi a bɔ kanaa.

Tiitii 3:3

A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.

Piɛrɛ1 3:20

minin mɛnɛn nə́ n piã lɛlɛ ka bɔlɔ-si ni, bɛ̀ Lawa bɛ́ ǹ sii sii a ganaa, Nowee a mu la ǹ goo zɛnaa biikoo lɛ li. Zaman boɛɛn dinsɔɔ̃ na á kirisibaa bɛa goo kɛ lɛ gɔ́ɔ̃ nɛ, mu gole kɛ lɛ din dɔ barka nɛ, bɛ giala mà min kiwisi dinsɔɔ̃.