Siin Giala 6:2 - LAWA A BOO SONBORE

² Lawa a nɛnyaanan nə́ yɛ, mà ǹ nɛlɔn lɛn tá siĩni. Ǹ nə ǹ mɛnɛn bɔ, ǹ nə́ bɛn goa lɔn lɛa.

LAWA A BOO SONBORE 2011

² Lawa a nɛnyaanan nə́ yɛ, mà ǹ nɛlɔn lɛn tá siĩni. Ǹ nə ǹ mɛnɛn bɔ, ǹ nə́ bɛn goa lɔn lɛa.

Siin Giala 6:2 ပူးပေါင်းရင်းမြစ်များ

Siin Giala 12:11

Ǹ bɛ́ re we gána lɛ nɛ ǹ mɛn waáraa, á pɛ a lɔ Sarayii lɛ nɛ kɛnɛn: «Haya! Ma á doɛ̃, máa n nə ǹ lɔ lɛa, n tá siĩn yɔrɔ-a.

Siin Giala 24:3

N liɛ ka Dɛnaa, lon laanka tán a Lawa tɔ nɛ, mà ma bɛ́ giã-n Kanaan minin mɛnɛn bii, mà n ba re bɛn nɛ we lɔ lɛa, n kɔ maa nɛgiĩ Izaaki la wa.

Siin Giala 26:35

Ǹ sii yɔrɔ kɔsiɛ baa Izaaki laanka Rebeka ganaa parsiini.

Siin Giala 27:46

Rebeka pɛ Izaaki ni: «N manaa Ɛti tɔrɔn kɛn tá kanaa tìĩ boe masɛ nyin ni. Bɛ̀ Zakɔba dɔ bɛ miã lɔn kɛn goon saa, gána kɛa nɛlɔn bii, masɛ a tá kanaa là n ka wàa-n doo?»

Siin Giala 3:6

Lɔ lɛ yɛ, mà da nɛ lɛ á siĩn yɔrɔ-a á la yii ni, mà a bii doamaa nɛ a goã kɔɔ̃n lɛ-n, mà min yii á boe li, mà á boe la a min yiri bũ. A ná a nɛ goon na, á bii, á ǹ kɔ́n kɔ ǹ zuũ la a li, a dɔ́ bii.

Siin Giala 4:26

Bɛ kio, Sɛɛti dɔ nɛgiĩ yɛ, a ná a tɔ kɔ Enɔɔsi. A saa bɛa waáraa ganaa, minbuiinin ná a giala kɔ ǹ nə́ Lawa nyankoe, bɛ̀ ǹ tá bíi «Dɛnaa.»

Siin Giala 6:1

Minbuiinin bɛ́ ǹ ná a giala kɔ, ǹ nə́ mɔnɛɛ tán la ǹ mɛn waáraa, ǹ nə́ nɛlɔn yɛ.

Siin Giala 6:3

Dɛnaa tɔ́n pɛ kɛnɛn: «Ma fɔfoã mɛn kɔ minbuiin nɛ la, ma a re lɛ koe, bɛ goã a nɛ yǎa duduu wa. A bɛ́ gɔ̀nɔn siĩ gɛ̀-wɔle lɛa, a die kiɛ̃ lɛ̀ paabiɛ ka fuə (120) la kanaa doo wa.»

Samayeli2 11:2

Ǹ kɔn pinaa wasamiɛ̃nɛ, Davida yoo á n bɔ tán a waa ǹ piì la, á woo n gòã bɔ kɔn a kiibaa ǹ kion kɛa kala-n. Á n toa kala lɛ la walan, á lɔ goon yɛ n zoe. Lɔ lɛ goã siĩni yɔrɔ-a á la yii ni.

Ɛsidrasi 9:12

Bɛ lɛ nɛ, ka baran toa ka kaa nɛlɔn kɔ ǹ nɛgiĩn la wa, ka baran toa ka ǹ nɛlɔn wɔ, ka ǹ kɔ kaa nɛgiĩn la wa. Ka baran toa ka n taasɛ ka duduu ka ǹ là nyantoro yɛ laanka ǹ yii-nyɛɛ yɛ-n wa, màn mɛn bɛ́ toɛ, ka pàã yɛ ka gána lɛ a màn sonboren bii, ka die ka toa kaa nɛnyaanan gɔn kíɛ̃ lɛa yǎa duduu.»

Zɔbu 1:6

Ǹ kɔn pinaa kəni, lon a dia dí-a wolen nə́ woo Dɛnaa Lawa a lɛ-dia ganaa. A pinaa, Zɔ́ɔ *Sɛtaan lɛ dɔ́ daa kunun ǹ ni.

Zɔbu 31:1

Masɛ n má n liɛ, máa ma a re giɛ nɛniɛ ganaa, ma yii bɔ li wa.

Bɔ bɛ̀rɛbaa nɛ 34:16

Bɛ̀ ka ǹ nɛlɔn wɔ ka ǹ kɔ kaa nɛgiĩn la, ǹ nɛlɔn lɛn man die ǹ dìn guguru koe, ǹ tá re kaa nɛgiĩn lɛn dɔn kiɛ ǹ dìn lɛn guguru koe ganaa.

Izayii 63:16

A da yaa, n din ni wɔa díi lɛa! Wɔa díi gole Abrahamu ba sii kɔn doɛ̃ wɔa paǹ li wa. Izirayeli ba wɔ doɛ̃ wa. Sɛnɛ, Dɛnaa Lawa, nsɛ n wɔa díi lɛa. N din nə wɔ «si sii la wole lɛa.» Bɛ lɛ nə n tɔ lɛa yǎa duduu.

Malakii 2:11

Taãnɛ, Zudaa minin nə bɔlɔgoondɛnaabaa zɛnaa lɛ kɔ wɔ paǹ li wa, ǹ nə́ sii bɔbɔnɛɛn zɛnaa Zeruzalɛmu ka Izirayeli gɔɔ̃ din tumaa nɛ, ǹ nə́ Lawa a bǎã sonbore lɛ puusə kɔ, ǹ nə́ lɔn wɔ, ǹ mɛnɛn bɛ́ dìn guguru koe.

Malakii 2:15

Lawa bie á ka baa gɔ̀nɔn goon lɛa ka lɔ lɛ-n wa, gɔ̀nɔn nɛ, kun ka yiri ni, bɛa gɔ̀nɔn goon kɛ lɛ a taasiɛ n doa-n wàa ganaa? Lawa bɛ́ nɛnyaanan mɛnɛn koe ka la bɛn lɛn manɛ, ǹ na a din a nɛnyaanan baa.

Korɛnti1 7:39

Lɔ n doa-n kɔn ka ǹ zuũ ni, ta maǹ beleboe kanaa lɔn. Sɛnɛ, bɛ̀ ǹ zuũ gã, min mɛn bɛ́ kɔɔ̃n a ganaa, á boe la a kɔn wɔ ka bɛ nɛ. Sɛnɛ, giĩ lɛ goã Lawa-nyankɔle lɛa.

Korɛnti2 6:18

Ma á re kaa díi biɛ, ka dɔn tá re maa nɛgiĩn biɛ ka maa nɛlɔn nɛ. Dɛnaa Pàãyiidɛnaa na á pɛ miɛ̃.»

Timəə dí-pɛn 14:1

Ka n kaa Lawa, Dɛnaa Lawa lɛ a nɛnyaanan lɛa. Bɛ lɛ nɛ, ta gɛ̀ na á gã ka la, ka nyan nyaǹ kiɛ̃ ka gɔ̀nɔn ganaa wa, ka nyan nə n mìi kɔɔ̃ wa.

Piɛrɛ2 2:14

Yii bɔ lɔn li nə ǹ dí lɛa; sii baraa zɛnaa ba ǹ gɔ̀nɔn boe wa. Maǹ gɔn diɛ min pàã wɛɛnaan ganaa ǹ tá ǹ kuĩ. Ǹ la yii n kakaɛ̃ ka ga màn li baraa nɛ. Bɔ̀n minin manɛ Lawa yɔrɔ-a.

Zaã1 2:16

A giala, màn mɛn tumaa bɛ́ kanaa wɔ lɛa, yii bɔ màn li ni, gɔ̀nɔn foo sii baraan manɛ, ka din koa kanaa siin la nɛ. Bɛn kɔ́n bie boe Díi Lawa li wa, sɛnɛ maǹ kanaa wɔn lɛa.