Siin Giala 6:17 - LAWA A BOO SONBORE

¹⁷ Man die die ka bɔ̀n da ǹ mu gole-n tán, ma màn yiikoonaa tumaa bɔ̀n baa nɛ. Màn woo màn tán la, ǹ tumaa á re giɛ̃.

LAWA A BOO SONBORE 2011

¹⁷ Man die die ka bɔ̀n da ǹ mu gole-n tán, ma màn yiikoonaa tumaa bɔ̀n baa nɛ. Màn woo màn tán la, ǹ tumaa á re giɛ̃.

Siin Giala 6:17 ပူးပေါင်းရင်းမြစ်များ

Siin Giala 2:7

Dɛnaa Lawa tán tii saa, á zɛnaa minbuiin nɛ lɛa. Á yiikoonaabaa ǹ piɛ̃ dɔ a nyin ni, á n baa màn yiikoonaa lɛa.

Siin Giala 6:13

Lawa tɔ́n pɛ Nowee-n kɛnɛn: «Masɛ a lɛa, minbuiinin tumaa a nyin nya biikoo dɔ kəni! Ǹ dinin lɛn man nə́ toa kanaa pã ka kakaarɛbaa ǹ siin ni. Bɛ lɛ nɛ, man die a laanka a gɔ́ɔ̃gɔ́ɔ̃ ǹ mànan yii bɔ̀n biɛ kun.

Siin Giala 6:16

Lɛpii zɛnaa n kɔ lɛ. Gùrù yii goon koa goo lɛ laanka a lɛpii lɛ bii lon. Kiɛnlɛ bɔ a paǹ li, n goo lɛ gɔ́ɔ̃ baa sɔɔ kɔn lalan: goon goã tán, goon nə́ bii, goon nə́ ǹ lalan.

Siin Giala 6:7

á tɔ́n pɛ kɛnɛn: «Ma minbuiin nɛ mɛn zɛnaa, man die papaɛ̃ ma bɔ tán la, a saa minbuiinin ganaa, a wo màn yiikoonaa tumaa yaa, a dadaran nɛ ka a bisinin ni, ka bàanan nɛ. A giala, man má n gɔ́ɔ̃ bii ka wàa na á baa má zɛnaa.»

Siin Giala 7:15

Màn yiikoonaa tɔrɔ tumaa daa Nowee li goo lɛ nɛ.

Siin Giala 7:17

Bɔ̀n da ǹ mu lɛ a la na á kaa yǎa lɛawaa pusi. Mu lɛ gole kɔ á goo lɛ saa lon.

Siin Giala 7:4

A giala, kànaa ka lɛawaa sɔbaa, ma á re la kiɛ, yǎa lɛawaa pusi ka tèlò pusi ni. Ma màn yiikoonaa mɛn tumaa zɛnaa má da tán, ma á re bɛn tumaa papaɛ̃, ma bɔ kanaa.»

Siin Giala 9:9

«Ma dinmaa n die lɛ kɔ kɔn la we kɔn ka nɛ, ma doa kɔn ka ka tɔrɔn dɔn nɛ ka kio,

Zɔbu 22:16

Maǹ nə́ gã, bɛ̀ ǹ gɛ̀ ná a tɔn dɔ wa, mu nə́ ǹ kionən goa á kiɛ̃ ǹ nɛ.

Loen 107:34

Á boe la a tán sonbore bɔyaa a baa fu ka yìsi bɔ ǹ bǎã nɛ, bǎã lɛ a minin baraabaa taman yii.

Loen 29:10

Dɛnaa Lawa n kii lɛa mu gole kɛ lalan, a n die goɛ̃ kiibaa la yǎa duduu.

Bɔ bɛ̀rɛbaa nɛ 14:17

Ma á re toɛ Ezipti minin lɛn too kaka kɔ, màn mɛn bɛ́ toɛ, ǹ wɔ mu lɛ li ka kio. Má tɔn ma din tɔ bɔ ǹ sii zɛnaa Faarahɔn ganaa, ka a ziabaa ǹ mànan tumaa nɛ, a wotoron ne, ka a sùi lɛ-kũlin ni.

Izayii 51:12

Ma din nə foo doa koe ka la. Sonbore, ma din ni! Maa zaman, a n siɛ lɔn ka á nyɛ́ɛbiɛ minbuiin nɛn manɛ? Ǹ tumaa n giɛ̃, maǹ nə n gɔn nyɔmiɛ ka buu bɛ́ lɔn!

Izayii 54:9

Man die sii zɛnɛɛ ka Nowee a waáraa bɛ́ lɔn. Má goã má lɛ-kɔ wɔ máa mu á re tán bii doo wa. A din goon ne, man lɛ kɔ we pelo, máa ma foo á re yui n li doo duduu wa, máa ma a re parɛɛ n li doo wa.

Ezekieli 34:11

Masɛ Dɛnaa Lawa n kɛ pii: «Á ke, kanna kəni, ma dinmaa n die ma a sèren lɛn basa boe, ma ga ǹ walan.

Ezekieli 34:20

Bɛ lɛ na á toa masɛ Dɛnaa Lawa á kɛ pii: «Á ke, ma dinmaa n die kiri kuri maa tɔɔ lɛ a kasiɛ̃ wolen laanka a pɛrɛɛ wolen bii.

Ezekieli 5:8

Bɛ lɛ taman yii, masɛ Dɛnaa Lawa n kɛ pii: «Ma dɔ á die ka gialaa. Man die dɔlɔ boe ka ganaa kiwi lɛ bii, tɔrɔ kɔsɔn kɛn tumaa yɛ.

Ezekieli 6:3

N die n pɛ kɛnɛn: «Izirayeli a kelen lɛn, ka n too kɔ Dɛnaa Lawa a boo li. Dɛnaa Lawa n boo kɛ lɛ diɛ kelen wɔ paǹ li, tentenen ne, kele biin laanka nyankɔrɔ lɛn nɛ. Man die zia kiɛ ka ganaa, ma kaa wúlu bɔ ǹ bǎãn kɛn ziziɛ̃.

Ozee 5:14

Man die n biɛ ka yàra bɛ́ lɔn Efrayimu tɔrɔn kɛn ganaa, man baa ka yàra ten bɛ lɔn Zudaa minin ganaa. Ma dinmaa n die ǹ tɔtoɛ̃ ma kiɛ̃. Man die woe ǹ ne, min kɔn dɔ ná a re yii a ǹ si ma la wa.

Lawa a wúlu-bɔlen 26:28

masɛ dɔ á re n parsii boe ka li. Masɛ dinmaa bɛ́ re dɔlɔ babaraa mɛn boe ka ganaa, kaa sii baraan lɛn taman yii, bɛ á re ka doree.

Amɔɔsi 9:6

Min mɛn a giã ǹ bǎã á ke lon, asɛ mɛn bɛ́ á lon zɛnaa á kɔ tán lɛ, yìsi mu bíi bɛ̀ a kaa tán la, a tɔ mà Dɛnaa Lawa.

Matiə 24:39

Ǹ nə n gɔ́ɔ̃ bii ka sii kɔ́n nɛ wa, yǎa mu gole lɛ daa, á ǹ yii goa á kiɛ̃ ǹ nɛ. A n die n biɛ miɛ̃ Min a Nɛgiĩ a daa pinaa dɔ nɛ.

Luku 17:27

Minin man nə́ goã màn bii, ǹ nə́ màn mii. Giĩn man nə́ goã lɔn we, lɔn nə́ we giĩn li, yǎa Nowee a wɔ goo-n pinaa. Mu gole lɛ tɔ́n daa á ǹ tumaa papaã.

Rɔmu minin 5:21

Sii baraa na a din pàã a golebaa nyɛɛ ka gɛ̀ nɛ. Sɛnɛ, Lawa a bǐɛ̃baa lɛ sɛ pàã á gole taãn-taãnɛ. Bɛ nə n nyɛɛ wɔ nɛ, ka Lawa a lɛ kɔ wɔ ganaa min peperen lɛa kɛ nɛ, ka nyin nyabaã kɛ dɔ nɛ, á kɔ wɔ la, ka wɔa Dɛnaa Yezu Krita barka nɛ.

Rɔmu minin 6:23

Sii baraa a saraa n ka gɛ̀ nɛ. Sɛnɛ, Lawa din na á bǐɛ̃ zɛnaa wɔ nɛ kooro, bɛ n ka nyin nyabaã wole kɛ nɛ, wɔa tá kun Dɛnaa Yezu Krita-n gɔ́ɔ̃ nɛ.

Timəə dí-pɛn 32:39

Ka dɔ̃ ka bɛ lɛ-n kəni, mà ma din lɛ nɛ, ma din goon lɛ nɛ, lawa kɔsɔ ba n tii ma-a wa. Ma din nə gɛ̀ dii, ma din nə yiikoonaabaa koe, ma din nə busu diɛ min ganaa, ma din nə busu nyɛɛ. Min kɔn ba boe la a min kũ a si ma la wa.

Ebrəə 11:7

Golee Lawa li na á toa, Nowee Lawa a gɔn waaman kɛ si parsii lɛa. Yii bɛ́ a tɔn sii mɛn yɛ wa, Lawa na á n gɔn waa-n ka bɛ nɛ. Á goo zɛnaa a ná a kion minin kirisibaa nɛ. Dɔlɔ nə́ n bɔ kanaa ganaa, sɛnɛ, Lawa ga Nowee ganaa min pepere lɛa, a goleemali a lɛa.

Piɛrɛ1 3:20

minin mɛnɛn nə́ n piã lɛlɛ ka bɔlɔ-si ni, bɛ̀ Lawa bɛ́ ǹ sii sii a ganaa, Nowee a mu la ǹ goo zɛnaa biikoo lɛ li. Zaman boɛɛn dinsɔɔ̃ na á kirisibaa bɛa goo kɛ lɛ gɔ́ɔ̃ nɛ, mu gole kɛ lɛ din dɔ barka nɛ, bɛ giala mà min kiwisi dinsɔɔ̃.

Piɛrɛ2 2:5

Lawa lɛlɛ a kanaa minin kɛn dɔn toa wa, sɛnɛ, a bɛ́ piã Lawa-n wolen kɛn bii ka mu gole ne, a na á Nowee laanka min sɔbaa kɔsɔ kanbaa bɛ ganaa, Nowee mɛn goã peperebaa boo laakalɛɛ.