Siin Giala 5:29 - LAWA A BOO SONBORE

²⁹ A ná a tɔ kɔ mà Nowee (bɛ giala mà "Foobasiɛ̃"). A giala, a na á goã pii mà Dɛnaa lɛn pipiã bíi tán mɛn li, mà bɛa dí bɛ́ nɔmaa babaraa mɛn diɛ ǹsɛn mìi ni, mà kɛ n die foo basiɛ̃ koe ǹsɛn la bɛ gɔ́ɔ̃ nɛ.

LAWA A BOO SONBORE 2011

²⁹ A ná a tɔ kɔ mà Nowee (bɛ giala mà "Foobasiɛ̃"). A giala, a na á goã pii mà Dɛnaa lɛn pipiã bíi tán mɛn li, mà bɛa dí bɛ́ nɔmaa babaraa mɛn diɛ ǹsɛn mìi ni, mà kɛ n die foo basiɛ̃ koe ǹsɛn la bɛ gɔ́ɔ̃ nɛ.

Siin Giala 5:29 ပူးပေါင်းရင်းမြစ်များ

Siin Giala 5:28

Lemɛki lɛ̀ paabiɛ ka pɔkiwisiwenpaa (182), á nɛgiĩ yɛ.

Siin Giala 5:30

Nowee a yɛ kio, Lemɛki wusoo á lɛ̀ biɛsooro ka pɔmanangɔrɔwensooro (595) zɛnaa kanaa. Á nɛgiĩ kɔsɔn laanka nɛlɔn yɛ.

Siin Giala 7:23

Dɛnaa na á zɛnaa miɛ̃, á màn yiikoonaa tumaa papaã á bɔ tán la: minbuiinin ni, màn yiikoonaan nɛ, a dadaran nɛ ka a bɔnboɛɛnɛn nɛ, ka bàanan dinin ni. Lawa nə́ ǹ tumaa papaã, á ǹ bɔ tán la. Nowee dinsɔɔ̃ na á la, kun ka a minin ni, ka màn mɛn tumaa bɛ́ goo lɛ-n kunun ǹ ni.

Siin Giala 9:24

Nowee a yɔ lɛ bɛ́ á toɛ̃, á n bɔ a yii ganaa ǹ mɛn waáraa, a nɛgiĩ boɛɛn lɛ sii mɛn zɛnaa, á bɔ a siére-a.

Izayii 54:9

Man die sii zɛnɛɛ ka Nowee a waáraa bɛ́ lɔn. Má goã má lɛ-kɔ wɔ máa mu á re tán bii doo wa. A din goon ne, man lɛ kɔ we pelo, máa ma foo á re yui n li doo duduu wa, máa ma a re parɛɛ n li doo wa.

Ezekieli 14:14

Ta Nowee ǹ miã n bɛa gána lɛ nɛ, Danieli ni ka Zɔbu ni, bɛn min sɔɔ kɛ lɛ, ǹ peperebaa lɛ n die ǹ dininsɔɔ̃nɔn kirisibiɛ. Ma din Dɛnaa Lawa a da ǹ boo ne.

Ezekieli 14:20

Haalɛ ta Nowee ǹ miãn man gána lɛ bii, ka Danieli laanka Zɔbu ni, bɛ̀ masɛ din Lawa yiikoonaa kɛ golee li, ǹ ba boe la ǹ nə ǹ nɛgiĩn laanka ǹ nɛlɔn dinin kirisibaa wa. Ǹ dininsɔɔ̃nɔn man die kirisibiɛ ǹ peperebaa taman yii. Ma din Dɛnaa Lawa a da ǹ boo ne.

Matiə 24:37

A n baa lɔn Nowee a biikoo li, a n die n biɛ miɛ̃ Min a Nɛgiĩ a daa pinaa.

Rɔmu minin 8:20

Kanaa màn din tumaa na a gialaa ziziɛ̃. A din a sii baraa a lɛa bie wa, a giala, Lawa na á ná a dɔ da minbuiin nɛ a dɔlɔ lɛ nɛ. Sɛnɛ, Lawa wusoo á foo-doa kɔ a din a da ǹ màn kɛ la.

Ebrəə 11:7

Golee Lawa li na á toa, Nowee Lawa a gɔn waaman kɛ si parsii lɛa. Yii bɛ́ a tɔn sii mɛn yɛ wa, Lawa na á n gɔn waa-n ka bɛ nɛ. Á goo zɛnaa a ná a kion minin kirisibaa nɛ. Dɔlɔ nə́ n bɔ kanaa ganaa, sɛnɛ, Lawa ga Nowee ganaa min pepere lɛa, a goleemali a lɛa.

Piɛrɛ1 3:20

minin mɛnɛn nə́ n piã lɛlɛ ka bɔlɔ-si ni, bɛ̀ Lawa bɛ́ ǹ sii sii a ganaa, Nowee a mu la ǹ goo zɛnaa biikoo lɛ li. Zaman boɛɛn dinsɔɔ̃ na á kirisibaa bɛa goo kɛ lɛ gɔ́ɔ̃ nɛ, mu gole kɛ lɛ din dɔ barka nɛ, bɛ giala mà min kiwisi dinsɔɔ̃.

Piɛrɛ2 2:5

Lawa lɛlɛ a kanaa minin kɛn dɔn toa wa, sɛnɛ, a bɛ́ piã Lawa-n wolen kɛn bii ka mu gole ne, a na á Nowee laanka min sɔbaa kɔsɔ kanbaa bɛ ganaa, Nowee mɛn goã peperebaa boo laakalɛɛ.