Siin Giala 49:3 - LAWA A BOO SONBORE

³ Urubɛn, nsɛ lɛ n maa nɛ bibinaa lɛa. Nsɛ lɛ n maa giĩbaa ǹ nɛ bibinaa lɛa, bɛ̀ pàã bɛ́ ma lon ǹ mɛn waáraa. Barka tá n lon, pàã tá n lon, á la ǹ dɔɔ̃nɔn kɛn wɔ nɛ.

LAWA A BOO SONBORE 2011

³ Urubɛn, nsɛ lɛ n maa nɛ bibinaa lɛa. Nsɛ lɛ n maa giĩbaa ǹ nɛ bibinaa lɛa, bɛ̀ pàã bɛ́ ma lon ǹ mɛn waáraa. Barka tá n lon, pàã tá n lon, á la ǹ dɔɔ̃nɔn kɛn wɔ nɛ.

Siin Giala 49:3 ပူးပေါင်းရင်းမြစ်များ

Siin Giala 29:32

Leyaa nɔ̀ si, á nɛgiĩ yɛ, a ná a tɔ kɔ Urubɛn (bɛ giala mà "Ga min a sii Walan"). A giala, a na á pɛ: «Dɛnaa ga maa nɔmaa ganaa, ma zuũ lɛ á die ma narɛ kanna.»

Siin Giala 35:22

Izirayeli bɛ́ bɛa bǎã lɛ nɛ, a nɛgiĩ Urubɛn giã kun ka a bɛ̀rɛlɔ Biilaa nɛ ǹ kɔ́n pinaa. Izirayeli ma, á busu a ganaa parsiini. Zakɔba na á nɛgiĩ fulupaa yɛ.

Siin Giala 35:23

A lɔ Leyaa nə́ ǹ mɛnɛn yɛ nɛ: Urubɛn ná a nɛgiĩ bibinaa lɛa. Bɛ kio Simiɔn, Levii, Zudaa, Isakaara ka Zabulɔn nɛ.

Siin Giala 46:8

Zakɔba tɔrɔn mɛnɛn nə da Ezipti gána nɛ, bɛn tɔn man ka kɛn nɛ: Zakɔba din laanka a nɛnyaanan nɛ, ka a nɔ̀ɔnɔn nɛ. Zakɔba a nɛ bibinaa nə ka Urubɛn nɛ.

Siin Giala 48:18

Á pɛ ǹ di lɛ-n kɛnɛn: «Díi, a bie miɛ̃ wa, a giala, kɛ lɛ n gole, n gusin a gɔn da bɛ lɛ mìi ni.»

KZS1 2:1

Zakɔba lɛ, a tɔ dɔ ń Izirayeli, bɛa nɛnyaanan man ka kɛn nɛ: Urubɛn nɛ, Simiɔn nɛ, Levii ni, Zudaa nɛ, Isakaara nɛ, Zabulɔn nɛ,

KZS1 5:1

Urubɛn na á goã Izirayeli a nɛgiĩ bibinaa lɛa. Sɛnɛ a bɛ́ á giã kun ka ǹ di a lɔ goon nə́, a goledɛnaabaa lɛ na á dɔ Izirayeli a nɛgiĩ Zozɛfu a nɛgiĩn ganaa, Zozɛfu lɛ dɔ n Izirayeli a nɛ goon lɛa. A bɛ́ á n baa miɛ̃, ǹ goã giɛ Urubɛn ganaa nɛgiĩ gole lɛa doo wa. Zudaa sɛ màn gole baa á la ǹ dɔɔ̃nɔn lɛn manɛ. A din lɛ tɔrɔ goon na á Izirayeli gána a kii baa. Sɛnɛ, a laanka bɛ yii ni, nɛgiĩ goledɛnaabaa na á dɔ Zozɛfu ganaa. Zakɔba a nɛgiĩ bibinaa Urubɛn lɛa nɛgiĩn man ka kɛn nɛ: Anɔɔki ni, Paluu ni, Ɛsirɔn nɛ, ka Karmii ni.

Loen 105:36

Gána lɛ a sumun tumaa nɛ, Lawa wɔ, á nɛgiĩ bibinaan kɛn tumaa dɛ, ǹ tɔntɔraabaa ǹ nɛgiĩn kɛn lɛn.

Loen 78:51

Á Ezipti minin nɛgiĩ bibinaan tumaa dɛ, á ǹ gɔn binaa nɛgiĩn dɛ ǹ kionən tumaa nɛ.

Ezekieli 48:6

Urubɛn tɔrɔn wɔ n Efrayimu tɔrɔn wɔ para li.

Minin nimi 1:20

Ǹ nə́ Izirayeli tɔrɔn lɛn gogoonmaa a minin nimi tanlɛ yii li, sumu lɛ yii li. Giĩn mɛnɛn tumaa lɛ̀ fuə bɛ́ nɛ, ka lɛ̀ fuə ka kio ne, ǹ nə́ boe sɔraasibaa la, ǹ nə́ bɛn tɔn goa. Maǹ nə́ minin nimii lɛ giala kɔ Zakɔbu a nɛgiĩ bibinaa Urubɛn tɔrɔn ganaa. Ǹ minbuiin lɛ mɛn yɛ, bɛa kaa kun: Urubɛn tɔrɔn: min duu pusiwensɔrɔ ka biɛsooro (46 500) Simiɔn tɔrɔn: min duu posoorowenmanangɔrɔ ka biɛsɔɔ (59 300) Gaadi tɔrɔn: min duu pusiwensooro ka biɛsɔrɔ ka posooro (45 650) Zudaa tɔrɔn: min duu pɔsɔbaawensii ka biɛsɔrɔ (74 600) Isakaara tɔrɔn: min duu posoorowensii ka biɛsii (54 400) Zabulɔn tɔrɔn: min duu posoorowensɔbaa ka biɛsii (57 400) Zozɛfu a nɛgiĩ Efrayimu tɔrɔn: min duu pusi ka biɛsooro (40 500) Zozɛfu a nɛgiĩ Manaasee tɔrɔn: min duu pɔsɔɔwenpaa ka biɛpaa (32 200) Bɛnzamɛn tɔrɔn: min duu pɔsɔɔwensooro ka biɛsii (35 400) Dan tɔrɔn: min duu pɔsɔrɔwenpaa ka biɛsɔbaa (62 700) Asɛɛrɛ tɔrɔn: min duu pusiwengoon ka biɛsooro (41 500) Nɛfutalii tɔrɔn: min duu posoorowensɔɔ ka biɛsii (53 400).

Minin nimi 26:5

Bibinaa nɛ, Zakɔba a nɛgiĩ bibinaa Urubɛn a tanlɛn manɛ. Tanlɛn mɛnɛn nə bɔ Urubɛn lɛ a nɛnyaanan nɛ, bɛn lɛn kaa kun nə Urubɛn tanlɛn lɛn lɛa: Enɔki a tanlɛ minin manɛ, Paluu a tanlɛ minin ni,

Timəə dí-pɛn 21:17

Sɛnɛ, a bɛ́ a lɔ mɛn lɛ narɛ wa, a doamaa nɛ a lɛ kɔ mà bɛa nɛgiĩ lɛ n nɛ lɛ a bibinaa lɛa, a na a wɔ gii baa paa a kɔ la, a gɔn mànan tumaa gɔ́ɔ̃ nɛ. A giala, bɛa nɛgiĩ kɛ lɛ na a kakabaa waáraa a nɛ bibini lɛa. Kiã baa ǹ wɔ gii lɛ n doe a din ganaa.

Timəə dí-pɛn 27:13

Tɔrɔn mɛnɛn dɔn bɛ́ re golee Ebaali kele la lɛn baraa bíi taman yii, bɛn dɔn man ka kɛn nɛ: Urubɛn tɔrɔn manɛ, Gaadi tɔrɔn nɛ, Asɛɛrɛ wɔn nɛ, Zabulɔn wɔn nɛ, Dan laanka Nɛfutalii wɔ nɛ.

Timəə dí-pɛn 33:6

Lawa die a Urubɛn tɔrɔn lɛn toa. A laanɛ ǹ ba tɛ wa, Lawa die a ǹ nyin toa.»

Sii-nyaan 3:14

Sɛ́wɔ kɛ kiɛ̃ n dia Lawodiseen Lawa a sɔmɔ a lon a dia dí-a wole la: «Masɛ mɛn bɛ́ ǹ nə́ ma bíi «A n miɛ̃», masɛ mɛn bɛ́ Lawa a siére bɔlɔgoondɛnaa taãn lɛa, masɛ mɛn bɛ́ Lawa a màn-zɛnaan tumaa bɔ ma nɛ, man pii n ni: