Siin Giala 49:1 - LAWA A BOO SONBORE

¹ Zakɔba ná a nɛgiĩn lɛn bíi, á pɛ ǹ nɛ: «Ka n lɛ sɔkɔn, màn mɛn bɛ́ toɛ, sii mɛn bɛ́ re ka yii biɛ̃, ma bɛ pɛ ka nɛ:

LAWA A BOO SONBORE 2011

¹ Zakɔba ná a nɛgiĩn lɛn bíi, á pɛ ǹ nɛ: «Ka n lɛ sɔkɔn, màn mɛn bɛ́ toɛ, sii mɛn bɛ́ re ka yii biɛ̃, ma bɛ pɛ ka nɛ:

Siin Giala 49:1 ပူးပေါင်းရင်းမြစ်များ

Loen 105:15

Ka baran n gɔn da maa yii-gɔgoɛ̃ wolen kɛn-a wa. Ka baran sii baraa zɛnaa maa boo gii-dalin kɛn man wa.

Loen 25:14

Min mɛnɛn bɛ́ nyɛ́ɛ biɛ Dɛnaa Lawa nɛ, a nə n gɔ́ɔ̃ pii bɛn manɛ, a na a lɛ kɔ kɔn la ǹ boo lɛ giala pii bɛn manɛ.

Izayii 2:2

Lɛawaa kɔn tá re doe Dɛnaa Lawa a kion lɛ bɛ́ kele mɛn la, a mìi la á re liɛ kelen tumaa wɔ nɛ, á re goɛ̃ tentelen tumaa lalan. Tɔrɔn tumaa á re yiɛ ǹ wo walan girigiri.

Izayii 22:14

Sɛnɛ, Dɛnaa Lawa Pàãyiidɛnaa boo durii kɛ pɛ ma nɛ: «Ma nə n liɛ, ma a sii baraa kɛ toɛ ka-n duduu kaa yiikoonaabaa gɔ́ɔ̃-n wa.» Dɛnaa Lawa Pàãyiidɛnaa na á pɛ kɛnɛn.

Izayii 39:6

Á ke, ǹ kɔn pinaa, màn mɛn tumaa bɛ́ n kii kion lɛ nɛ, n din nə màn mɛn tumaa sɔkɔn n nyɛɛnɛ, ǹ tá re a yii goɛ ǹ wo ǹ ne Baabilonii. Màn kɔn ba re goɛ̃ kànaa wa. Dɛnaa Lawa na á pɛ.

Izayii 48:14

Ka tumaa nə n sɔkɔn, ka n too kɔ! Die n ka bii á bɛa boon kɛn da. Dɛnaa Lawa bɛ́ min mɛn narɛ, a bɛ́ li mà a sii mɛn zɛnaa *Baabilonii ni, asɛ n die bɛ zɛnɛɛ, á n die n pàã nyɛɛ Kaldee minin manɛ.

Izayii 53:1

Wɔ boo mɛn ma, die na á golee li? Die na á Dɛnaa Lawa a boo sii la dɔ̃?

Zeremii 23:20

Dɛnaa Lawa sii mɛn yɔrɔ bɔ á koa a yɔrɔ-a, yǎa bɛ lɛ piɛ̃, a foo-yoo baraa kɛ tɔn golee. Bɛ kio, ka á re a giala miɛ.

Amɔɔsi 3:7

A din goon ne: A dí-nyalin kɛn a boo gii diɛ, Dɛnaa Lawa a sii kɔn zɛnɛɛ, bɛ̀ a ná a n gɔ́ɔ̃ pii bɛn ma-n wa.

Misee 4:1

Lɛawaan kɔnɔn tá re doe, Dɛnaa Lawa a kion lɛ bɛ́ kele mɛn la, bɛ á die goɛ̃ ǹ miã kelen mìi la, lon tentenen tumaa mìi la, tɔrɔn tá re yiɛ girigiri bɛ̀ ǹ wo la.

Minin nimi 24:14

Kanna kəni, man die woe ma tɔrɔ minin li. Sɛnɛ, Izirayeli minin lɛn bɛ́ re sii mɛn zɛnɛɛ ka nyɛɛn biɛ̃, Balaaki, n tɔrɔ minin manɛ, daa ma bɛ lɛ pɔrɔ n nɛ.»

Luku 2:26

a na á goã á nyaa nɛ mà Dɛnaa Lawa bɛ́ á nyin-sili mɛn boo da, mà a die giɛ̃ bɛ̀ a yii ná a bɛ yɛ wa.

Nya ǹ dín 2:17

A màn mɛn pɛ, bɛ n ka kɛ nɛ Lawa pɛ: «Biikoo a nya waáraa ma á re ma yiri kɛ koe min tumaa la. Kaa nɛgiĩn laanka kaa nɛlɔn tá re maa boo gii diɛ. Ma á re boo diɛ kaa min golen manɛ ka narɛɛn nɛ, ma á re boo diɛ kaa nɛ tenən manɛ ka sii-yɛn nɛ.

Timəə dí-pɛn 31:12

Ka zaman lɛ sɔkɔn, giĩn ni, lɔn nɛ ka nɛnyaanan nɛ, ka gùlin mɛnɛn dɔn bɛ́ giã nɛ ka kiwin ni, màn mɛn bɛ́ toɛ, ǹ nə n too kɔ dí-pɛn sɛ́wɔ lɛ a boon li, ǹ boo la ǹ nyɛ́ɛ baa kaa Lawa, Dɛnaa Lawa yii ni, ǹ nə n yiri dɔ koa li, ǹ dí-pɛn sɛ́wɔ lɛ a boon tumaa tamaa.

Timəə dí-pɛn 4:30

A biikoo din tá die, bɛ̀ bɛa siin kɛn lɛn tá ka mìi ni ǹ mɛn waáraa, ká n nɔmaa gɔ́ɔ̃ nɛ, ka á re n bɔyɛɛ ka da yǎa kaa Lawa, Dɛnaa Lawa li. Ka á re n too koe a lon bɛa biikoo li.

Timote1 4:1

Yiri Fu n pii foaãnɛ, mà lɛawaan mɛnɛn bɛ́ die, mà minin tɛnɛn tá re n piɛ̃ ka Lawa a zii tɔ-wɔ nɛ. Mà ǹ tá re n parɛɛ yiri sã ǹ boon ganaa, ka nɔ̀ɔnɔn minin daraa ǹ boon ne.

Timote2 3:1

N yiri koa li n dɔ̃, mà biikoo giala-nyɔmiɛ li, lɛawaa kakan tá re yii.

Ebrəə 1:2

Sɛnɛ sisia, giala-nyɔmiɛ biikoo kɛ li, Lawa na á boo da wɔ nɛ, ka a din a Nɛgiĩ kɛ barka nɛ. Lawa na á kanaa da ka bɛa Nɛgiĩ kɛ lɛ pàã nɛ, a na á ná a din dɔ bɔ á koa, mà a màn din tumaa a dɛnaa baa.

Ebrəə 13:1

Ka toa dɔɔ̃nbaa ǹ kɔn-narɛɛ goã ka bii.

Sii-nyaan 4:1

Bɛ kio, má kiɛnlɛ yɛ á n bũ lon. Ma goã má lɛn mɛn ma boe lɛlɛ ka bɛn wɔ bɛ́ lɔn, bɛ́ tɔ́n pɛ ma nɛ: «Da dii kànaa, sii mɛn bɛ́ re n zɛnɛɛ bɛ kio, ma á re nyɛɛ n nɛ.»