Siin Giala 48:5 - LAWA A BOO SONBORE

⁵ Sisia, nɛgiĩ min paa ke, ǹ nə́ yɛ Ezipti gána nɛ, bɛ̀ masɛ bɛ́ ma tɔn da n li wa, ma din wɔn man ka bɛn nɛ. Efrayimu laanka Manaasee n die masɛ wɔn biɛ, ka Urubɛn laanka Simiɔn bɛ́ maa wɔn lɛa lɔn.

LAWA A BOO SONBORE 2011

⁵ Sisia, nɛgiĩ min paa ke, ǹ nə́ yɛ Ezipti gána nɛ, bɛ̀ masɛ bɛ́ ma tɔn da n li wa, ma din wɔn man ka bɛn nɛ. Efrayimu laanka Manaasee n die masɛ wɔn biɛ, ka Urubɛn laanka Simiɔn bɛ́ maa wɔn lɛa lɔn.

Siin Giala 48:5 ပူးပေါင်းရင်းမြစ်များ

Siin Giala 46:20

Zozɛfu nɛgiĩ paa yɛ a lɔ Azenati la Ezipti gána nɛ: Manaasee laanka Efrayimu ni. Onə kiwi a wúlu-bɔle Potifeeraa a nɛ n ka a lɔ lɛ nɛ.

Siin Giala 48:1

Bɛa siin lɛn kio, ǹ nə́ daa pɛ Zozɛfu ni, mà ǹ di lɛ a lon wa. Zozɛfu ná a nɛgiĩ min paa lɛ kũ, Manaasee laanka Efrayimu ni, ǹ nə́ woo kun.

Siin Giala 48:6

Sɛnɛ, n bɛ́ re nɛnyaanan mɛnɛn yii bɛn kio, n din wɔn man ka bɛn nɛ. Ǹ tá re bɛn bíi, ǹ nə ǹ kíɛ̃ gii kɔ ǹ la, kun ka ǹ golon ne.

Loen 77:16

Zakɔba laanka Zozɛfu a nɛnyaanan kɛn, n din a zaman lɛa, n din nə ń bɛn bɔ bɛ̀rɛbaa nɛ, ka n din pàã nɛ. Doa.

Izayii 43:1

Kanna kəni Zakɔba, Dɛnaa Lawa n kɛ pii n ni, asɛ mɛn nə n zɛnaa, á n da kanaa, Izirayeli: N nyan nyɛ́ɛ baa wa, A giala, n si sii la wole n ka ma din ni. Má n bíi ka n tɔ nɛ, Ma n ma din wɔ lɛa.

Ezekieli 16:8

Bɛ kio, ma bɛ́ má wusoo má bɔ walan doo, má n yɛ. Bɛa biikoo li, bɛ̀ ń dɔ lɔbaa ganaa. Ma tɔ́n maa mɔnaa lɛkoro lɛ bɔ má kɔ n lɛ, má n sìi duru ni. Bɛ kio má n lɛ kɔ n la, má n liɛ n nɛ. Máa n masɛ wɔ baa ka bɛa yɔrɔ lɛ nɛ. Ma din Dɛnaa Lawa a da ǹ boo ne.

Ezekieli 47:13

Dɛnaa Lawa tɔ́n pɛ kɛnɛn: «Izirayeli tɔrɔ fulupaa lɛ bɛ́ re gána mɛn lɛ gii kɔn, man die a gèlè nyɛɛ ka nɛ. Bɛ̀ ka á gii, ka die ka Zozɛfu tɔrɔn kɛn wɔ baa paa.

Lawa a wúlu-bɔlen 20:26

Ka goã ma din wɔn lɛa yoreene. A giala, Dɛnaa Lawa dinmaa n yoreene. Ma din ni má ka na má ka bɔ kɔn ka tɔrɔ kɔsɔn nɛ, màn mɛn bɛ́ toɛ, ka maa wɔn baa.

Malakii 3:17

Dɛnaa Lawa Pàãyiidɛnaa tɔn pɛ: «Ma bɛ́ re má pàã nyɛɛ ǹ mɛn pinaa, ma á re bɛn doɛ̃ maa wɔn lɛa, maǹ die ma din a zaman biɛ. Ma á re giɛ ǹ walan ka díi bɛ́ giɛ a nɛ walan lɔn n mɛn bɛ́ a guguru koe.

Minin nimi 1:10

Zozɛfu a nɛgiĩ Efrayimu tɔrɔn bii: Amiwudu a nɛgiĩ Elisamaa; Zozɛfu a nɛgiĩ Manaasee tɔrɔn bii: Pedsuuru a nɛgiĩ Gamulieli;

Korɛnti2 6:18

Ma á re kaa díi biɛ, ka dɔn tá re maa nɛgiĩn biɛ ka maa nɛlɔn nɛ. Dɛnaa Pàãyiidɛnaa na á pɛ miɛ̃.»

Efɛɛzi minin 1:5

a na á saa lɛlɛ, á wɔ baa a din a nɛnyaanan lɛa ka Yezu Krita barka nɛ. A na á zɛnaa miɛ̃, a giala mà bɛ á kɔɔ̃n a ganaa.

Ebrəə 11:21

Golee Lawa li na á toa, Zakɔba bɛ́ re giɛ̃, á Lawa bǐɛ̃ bíi Zozɛfu a nɛnyaanan li. A na á Lawa nyankɔ, bɛ̀ a n doa-n a bàlà ganaa.

Zozoe 13:7

Kanna kəni, gána kɛ gii tɔrɔ manangɔrɔ kɛ bii, ka Manaasee tɔrɔ minin kɛn talɛɛ gialakun ni.»

Zozoe 14:4

Sonbore, Zozɛfu a nɛgiĩn lɛn man nə́ tɔrɔ màn paa baa: Manaasee laanka Efrayimu ni. Levii tɔrɔn lɛn sɛn, ǹ bǎã kɔ bɛn la gána lɛ-n wa. Bɛ̀ á n bɔ giã ǹ kiwin laanka lɛkoro lɛ-a bǎãn nɛ, ǹ tɔɔn laanka ǹ gɔn màn gialakunun wɔ lɛa.