Siin Giala 47:6 - LAWA A BOO SONBORE

⁶ Ezipti gána lɛ bɛ́ tán n yɔrɔ-a. Bǎã mɛn bɛ́ siĩni, bɛ kɔ ǹ la, ǹ giã a nɛ. Ǹ tá boe la, ǹ giã Gosɛnɛ gána nɛ. Bɛ̀ ń tá boo sii la wolen doɛ̃ ǹ bii, bɛn bɔ, n nə ǹ koa maa tɔɔn mìi la.»

LAWA A BOO SONBORE 2011

⁶ Ezipti gána lɛ bɛ́ tán n yɔrɔ-a. Bǎã mɛn bɛ́ siĩni, bɛ kɔ ǹ la, ǹ giã a nɛ. Ǹ tá boe la, ǹ giã Gosɛnɛ gána nɛ. Bɛ̀ ń tá boo sii la wolen doɛ̃ ǹ bii, bɛn bɔ, n nə ǹ koa maa tɔɔn mìi la.»

Siin Giala 47:6 ပူးပေါင်းရင်းမြစ်များ

Siin Giala 13:10

Lɔti nə́ n yii saa á ga Zurdɛ̃ bǎã tumaa ganaa. Á yɛ mà mu á bɛa bǎã lɛ boe parsiini, á goã ka Dɛnaa a lɛlɛ a dù gɔrɔ kɛ bɛ́ lɔn, ka Ezipti gána bɛ́ lɔn, bɛ̀ Dɛnaa bɛ́ a tɔn Sodɔmu laanka Gomɔɔrɔ kiwi bɔ̀n baa ǹ mɛn waáraa wa.

Siin Giala 13:9

Gána lɛ a bǎã tumaa bie ke n yɔrɔ-a wa ya? Daa wɔ na kɔn. Bɛ̀ ń woo a gɔsɛ a lɛ̀gɔn la, masɛ n woe a gusin a lɛ̀gɔn la. Bɛ̀ n gusin a lɛ̀gɔn la saa, masɛ n woe gɔsɛ a lɛ̀gɔn la.»

Siin Giala 20:15

Á pɛ nɛ: «Maa gána lɛ á ke n yɔrɔ-a, bǎã mɛn bɛ́ kɔɔ̃nɛ n ganaa, giã walan.»

Siin Giala 34:10

Bɛ̀ ka n lɛ kɔ bɛ ganaa, ka á re boe la, ka giã kun ka wɔ nɛ, gána lɛ nɛ. Gána lɛ á die ka dɔn wɔ biɛ. Bɛ̀ bǎã mɛn kɔɔ̃n kɔ ka ganaa, ka giã walan, ka pii kɔ ka dinin foo yii li, ka màn yɛ.»

Siin Giala 45:10

Ń ta re giɛ̃ Gosɛnɛ gána nɛ, n wɔlɔ n kunu ma din ganaa, n din laanka n nɛnyaanan nɛ, n nɔ̀ɔnɔn nɛ, n sèren laanka n bòen ne, ka n diin ni, ka n gɔn màn tumaa nɛ.

Siin Giala 46:34

ka pɛ nɛ kɛnɛn: «Wɔ n tɔɔ-lɛduə̃lin lɛa haalɛ wɔa nɛgininbaa waáraa a da sisia yaa, ka wɔ digolon nə goã a lɛa lɔn.» Bɛ̀ ka pɛ miɛ̃, á re Gosɛnɛ gána kɛ koe ka la ka giã a nɛ, a giala, Ezipti minin ba lɛ koe tɔɔ-lɛduə̃li ganaa wa.

Siin Giala 47:11

Zozɛfu giã ǹ bǎã kɔ ǹ di laanka ǹ dɔɔ̃nɔn lɛn la. Á tán kɔ ǹ la, Ezipti gána lɛ a bǎã sonbore ne, Ramusɛsi kiwi, ka Faarahɔn bɛ́ á pɛ lɔn.

Siin Giala 47:16

Zozɛfu tɔ́n pɛ ǹ nɛ: «Bɛ̀ wɔrɔ banban, ka kaa tɔɔn kɔ ma la, ma á die màn-bii koe ka la, kaa tɔɔn lɛn giɔ̀mɔ lɛa.»

Siin Giala 47:4

Bòo lɛ na á kaka kɔ Kanaan gána-n parsiini, buu dɔ din banban doo, wɔa tɔɔn tá soɛ̃ wa. Bɛ lɛ nɛ, wɔ́ daa gùli kɔ kànaa. Bǐɛ̃ kɔ, n bǎã kɔ wɔ la Gosɛnɛ gána nɛ, wɔ giã walan.»

Siin Giala 47:5

Faarahɔn tɔ́n pɛ Zozɛfu ni: «N din di laanka n din dɔɔ̃nɔn bɛ́ nɛ, ǹ nə́ daa n li.

Kiin1 11:28

Zeroboamu na á goã min kaka lɛa, a foo n tã. A Zeroboamu toa dí gialaa nyɛɛ, Salomɔn nə́ n yiri kɔ li, á tɔ́n bɔ á da pàã dí mìi la, Manaasee tɔrɔn laanka Efrayimu tɔrɔn nə́ goã nyɛɛ.

KZS2 26:10

Á gɔnda ǹ kionən dɔ diə gole gánan kɛn dɔn nɛ. Á mu kurəə ǹ yala gigiã fɔ̃, a giala, a tɔɔn man mɔnaa nɛ *Sefelaa a nyankɔrɔ lɛ kɛ nɛ, ka yìsi mu lɛ a bǎãn kɛn nɛ. A Buu-kɔsɔlen tan, a duvɛ̃ wuru dí-nyalin tan dí nyɛɛ tenenən mìi ni ka Karmɛli kele ne, a giala, tán dí n kɔɔ̃n a ganaa.

Bɔ bɛ̀rɛbaa nɛ 18:21

Sɛnɛ, bɛ tumaa kio, toa n min barkadɛnan dɔ̃ zaman lɛ bii, nyɛ́ɛ baa Lawa-n wolen lɛa, foo n doa nɛ ǹ ganaa. Ǹ bɛ́ ǹ ba boe la, ǹ min mɛnɛn lɛ pii wa, n bɛn bɔ, n nə ǹ koa zaman lɛ mìi la kiin lɛa, min duu gogoon (1 000) mìi la ka min paabibiɛ nɛ, ka min poposooro ne, ka min fùfù ni.

Bɔ bɛ̀rɛbaa nɛ 18:25

Izirayeli nɛnyaanan lɛn tumaa bii, Muizu min barkadɛnan bɔ, á ǹ koa zaman lɛ mìi la: kiin lɛa min duu gogoon mìi la, ka min paabibiɛ nɛ, ka min poposooro ne, ka min fùfù ni.

Bɔ bɛ̀rɛbaa nɛ 9:10

Ǹ nə́ kùsì tiriki wùsu lɛ bɔ, ǹ nə́ golee Faarahɔn yɔrɔ-a, Muizu zũ lon. Á boreen bɔ minbuiinin laanka tɔɔn ganaa, ǹ nə́ puru ǹ nə́ baayɛrɛn baa.

Bɔ bɛ̀rɛbaa nɛ 9:21

Ǹ mɛn bɛ́ a Dɛnaa a boo lɛ si parsii boo lɛa wa, bɛ na a dí-nyalin laanka a tɔɔn kaa kion wa.

Suusun 21:1

Kii foo n mu zii lɛa Dɛnaa Lawa gɔn. Bǎã mɛn bɛ́ kɔɔ̃n a ganaa, a na a yɔrɔ diɛ walan.

Suusun 22:29

Min mɛn bɛ́ dí nyɛɛ sɔnbɔraanɛ, ga bɛa dɛnaa ganaa. Á boe la a wo n din nyaa kii ni, bɛ á soɛ a giã minin bii, ǹ nə́ ǹ ba ǹ mɛnɛn doɛ̃ wa.

Zeremii 40:4

Kanna kəni, zɔrɔkan kɛn n gɔnɔn ganaa, man bɛn boe ma ǹ bɔ n ganaa. Bɛ̀ n tá li n da Baabilonii kun ka masɛ nɛ, n moɛ̃, ma á re giɛ n walan. Bɛ̀ n ba li dɔn wa, n baran da wa. Bɛ̀ gána lɛ a paǹ mɛn kɔɔ̃n kɔ n ganaa, n tá boe la n wo walan n din gɔn wìi á lɛ-a.»

Zaã a sɛ́wɔ 17:2

N din nə́ n pàã kɔ masɛ la minbuiinin tumaa mìi la. A kɔnpɛ ka bɛ lɛ nɛ, n min mɛn tumaa kɔ masɛ la, má nyin nyabaã kɔ bɛn lɛn la.

Samayeli1 21:7

Ǹ bɛ́ ǹ nə́ buuru mɛn kɔ Lawa la, Lawa a wúlu-bɔle lɛ tɔ́n bɛ kɔ Davida la. A giala, buuru kɔsɔ goã a tan wa, bɛ̀ á n bɔ bɛa buuru kɛ lɛ nɛ, koa nɛ Dɛnaa Lawa yɔrɔ-a, a gɔ ǹ wɔ lɛa. Bɛ̀ ǹ tá re siɛ ǹ mɛn pinaa, maǹ buuru fuu koɛ a bǎã nɛ.