Siin Giala 46:3 - LAWA A BOO SONBORE

³ Lawa tɔ́n pɛ nɛ: «Masɛ n Lawa lɛa, n di bɛ́ á goã Lawa mɛn guguru koe. Ezipti gána a woo baran nyɛ́ɛ da n ganaa wa, a giala, ma á re n tɔrɔn mɔnɛɛ walan.

LAWA A BOO SONBORE 2011

³ Lawa tɔ́n pɛ nɛ: «Masɛ n Lawa lɛa, n di bɛ́ á goã Lawa mɛn guguru koe. Ezipti gána a woo baran nyɛ́ɛ da n ganaa wa, a giala, ma á re n tɔrɔn mɔnɛɛ walan.

Siin Giala 46:3 ပူးပေါင်းရင်းမြစ်များ

Timəə dí-pɛn 26:5

Bɛ kio kəni, a golee a Lawa, Dɛnaa Lawa yɔrɔ-a a pɛ kɛnɛn: «Ma digolo na á goã Aramu tɔrɔ lɛa n binbirin boe. Á woo Ezipti gána nɛ, á giã walan gùlibaa nɛ, kun ka minin kɛn nɛ ǹ nə́ goã diɛ zii. Ǹ goã tɛ dinin wa. A bɛ́ walan, a minin lɛn nə́ mɔnaa, ǹ nə́ gána gole baa, pàã nə́ ǹ lon.

Siin Giala 12:2

Ma á re n tɔrɔ mɔnɛɛ. Ma á re barka we n ne, ma n tɔ bɔ. Min kɔsɔn wɔ á re bǐɛ̃ koe n wɔ gɔ́ɔ̃ nɛ.

Nya ǹ dín 27:24

Á pɛ ma nɛ: «Nsɛ Pooli baran nyɛ́ɛ baa wa, pàã nɛ, nsɛ golee Rɔmu kii gole gole lɛ yɔrɔ-a, kiri nə n wɔ n ganaa. Á pɛ dɔn, ma ma miãn mɛnɛn bɛ́ kun ka ma nɛ mu-kurii kɛ lɛ gɔ́ɔ̃ nɛ, mà Lawa á die bɛn dɔn boe a nɛ maa lɛa.»

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Siin Giala 35:11

Lawa pɛ-n doo: «Man Lawa Pàãyiidɛnaa lɛa. Ma á die toɛ n nɛ gigiã yɛ, n tɔrɔ mɔnaa ǹ gána baa. Ń tá re tɔrɔ gigiã a díi biɛ. KIIN tá re boe n tɔrɔn bii.

Nya ǹ dín 7:17

Lawa bɛ́ á lɛ kɔ Abrahamu la ka sii mɛn nɛ, bɛa zɛnaa biikoo bɛ́ á diri, Zakɔba tɔrɔn lɛn nə́ mɔnaa ka giãgiãgiã Ezipti gána nɛ.

Timəə dí-pɛn 10:22

Ka digolon bɛ́ woe Ezipti, bɛ̀ man min pɔsɔbaa dinsɔɔ̃. Sɛnɛ, sisia, kaa Lawa, Dɛnaa Lawa á ke á ka mɔnaa, ka lon a leeren bɛ́ lɔn.

Timəə dí-pɛn 1:10

A giala, Dɛnaa Lawa, kaa Lawa lɛ ka bulubɔ, ka á ke mɔnaa-n pelo, ka lon a leeren bɛ́ lɔn.

Siin Giala 47:27

Zakɔba giã Ezipti gána nɛ, Gosɛnɛ tán la. A tɔrɔn lɛn nə́ tándɛnan baa, ǹ nə́ nɛnyaanan yɛ, ǹ nə́ mɔnaa parsiini.

Siin Giala 22:17

ma á re barka we n ne, ma n tɔrɔn mɔnaa, ka lon a leeren laanka kɔ̀ mu lɛ-a ǹ nyɔɔsɔ̃ bɛ́ lɔn. N tɔrɔn tá re ǹ zɔ́ɔn giã ǹ bǎã sii ǹ la.

Siin Giala 18:18

Abrahamu tɔrɔn tá re mɔnɛɛ, ǹ gána gole baa, pàã nə́ ǹ lon, bɛa sàabiɛ wa. Kanaa a tɔrɔn tumaa wɔ á re bǐɛ̃ koe a wɔ gɔ́ɔ̃ nɛ.

Siin Giala 15:13

Dɛnaa tɔ́n pɛ nɛ: «A dɔ̃ taãnɛ, mà n tɔrɔn tá re giɛ̃ gána kɔ́n nɛ, gána mɛn bɛ́ a ba ǹ wɔ lɛa wa. Min kɔsɔn tá re ǹ biɛ bɛ̀rɛn lɛa, ǹ fuu nyaa ǹ nɛ lɛ̀ biɛsii (400) gɔ́ɔ̃ nɛ.

Siin Giala 15:1

Bɛa siin lɛn kiɛ̃ kio, Dɛnaa nə́ n din nyaa Abramu ni, á pɛ nɛ kɛnɛn: «Abramu, masɛ din nə n tamaa wole lɛa, n baran nyɛ́ɛ baa wa. N saraa á die gole koe parsiini.»

Zeremii 40:9

Ayikaamu a nɛgiĩ, Safan a nɔɔn Gadalia pɛ sɔraasin lɛn laanka ǹ nyɛɛnaandɛnan manɛ: «Ka nyan toa nyɛ́ɛ ka kũ ka dí nya Baabilonii minin ma-n wa. Ka giã gána lɛ nɛ, ka dí nya Baabiloniin kii ni. Bɛ á re toɛ kaa sii tumaa bǐɛ̃ kɔ.

Siin Giala 17:1

Abramu lɛ̀ pɔmanangɔrɔwenmanangɔrɔ, Dɛnaa nə́ n din nyaa nɛ, á pɛ nɛ kɛnɛn: «Ma din nə Lawa Pàãyiidɛnaa lɛa. Tɔ wɔ masɛ yɔrɔ-a pepere, zɛ̀rɛ baran goã n ganaa wa.

Siin Giala 48:16

Lon a dia dí-a wole mɛn bɛ́, á ma kirisibaa sii baraa tumaa ganaa, a din die a barka da nɛgininin kɛn ganaa. Lawa toa ma tɔ nə n bíi ka ǹsɛn lɛn barka nɛ, ka ma di gole Abrahamu laanka ma di Izaaki wɔ bɛ́ n bíi lɔn. Lawa die a n tɔrɔ mɔnaa gána lɛ nɛ.

Siin Giala 48:19

Sɛnɛ, ǹ di lɛ nə́ n piã, á pɛ nɛ: «Maa nɛgiĩ, ma á doɛ̃. Manaasee dɔ tɔrɔn tá re mɔnɛɛ, a tɔ á re gole koe. Sɛnɛ, ǹ diɛ̃ lɛ tɔ á re gole koe, a la a wɔ nɛ, a tɔrɔn dɔn tá re mɔnɛɛ, ǹ la a wɔn manɛ.»

Bɔ bɛ̀rɛbaa nɛ 14:13

Muizu pɛ zaman lɛ nɛ: «Ka baran nyɛ́ɛ baa wa. Ka golee kiĩni ka ga Dɛnaa a minin kirisibaa ǹ sii kɛ ganaa a n die zɛnɛɛ ka-n pelo. Sonbore, ka yii bɛ́ Ezipti minin mɛnɛn ganaa pelo ke, ka yii ba re ǹ yii doo duduu wa.

Bɔ bɛ̀rɛbaa nɛ 1:12

Sɛnɛ, ǹ bɛ́ giɛ li mà ǹ màn da Izirayeli nɛnyaanan lɛn nɔmaa li ǹ mɛn waáraa, bɛa biikoo lɛ din ni, màn nə́ miɛ̃ ǹ mɔnaa li, ǹ nə́ bǎã siɛ. Ǹ sii goã nyɛ́ɛ diɛ Ezipti minin ganaa.