Siin Giala 45:5 - LAWA A BOO SONBORE

⁵ Sɛnɛ, sisia, ka baran n yɔrɔ kɔsɛ, ka foo busu ka dinin li, ka maa sã sii kɛ laanka maa tá kànaa kɛ-n wa. A giala, Lawa na á ma dia ka nyɛɛn kànaa, màn mɛn bɛ́ toɛ, ka kirisibaa.

LAWA A BOO SONBORE 2011

⁵ Sɛnɛ, sisia, ka baran n yɔrɔ kɔsɛ, ka foo busu ka dinin li, ka maa sã sii kɛ laanka maa tá kànaa kɛ-n wa. A giala, Lawa na á ma dia ka nyɛɛn kànaa, màn mɛn bɛ́ toɛ, ka kirisibaa.

Siin Giala 45:5 ပူးပေါင်းရင်းမြစ်များ

Siin Giala 37:28

Madiã minin pii-kɔlen bɛ́ kiɛ̃ walan, bɛn nə́ Zozɛfu bɔ, ǹ nə́ bɔ nyankɔrɔ zuzulu lɛ nɛ, ǹ nə́ sã Isimayeli tɔrɔn la, ǹ dinin wɔrɔ we fuə, bɛn nə́ woo-n Ezipti gána nɛ.

Siin Giala 47:25

Ǹ nə́ tɔ́n pɛ Zozɛfu ni: «Wɔ nyin si. Bǐɛ̃ kɔ wɔ ganaa doo, n wɔ baa Faarahɔn a bɛ̀rɛn lɛa.»

Siin Giala 50:19

Zozɛfu tɔ́n pɛ ǹ nɛ: «Ka baran nyɛ́ɛ baa wa. Masɛ n Lawa bǎã-n ya?

Siin Giala 50:20

A na á goã ka gɔ́ɔ̃ nɛ, mà ka sii baraa zɛnaa ma nɛ, sɛnɛ, Lawa bɔyaa á baa sii bǐɛ̃ lɛa, á min gigiã nyin si, ka ka yii bɛ́ a ganaa lɔn pelo.

Siin Giala 50:21

Sisia, ka baran nyɛ́ɛ baa wa: man die kaa màn-bii boe, ma kaa nɛnyaanan dɔn wɔ bɔ.» Á ǹ foo wɔraa ka boo kɔɔ̃n nɛ.

Samayeli2 12:12

A giala, ma nə ń sii lɛ zɛnaa ka durii ni. Sɛnɛ, masɛ n die toɛ a n zɛnaa wɔlɔ fúlu-a, Izirayeli minin lɛn tumaa yɔrɔ-a.»

Samayeli2 17:14

Abusalɔn laanka Izirayeli minin lɛn tumaa tɔ́n pɛ mà Arkaan giĩ Usayii a doree lɛ á soɛ Ayitofɛli wɔ lɛ nɛ. A giala, Dɛnaa Lawa na á goã giɛ li lɛlɛndun a Ayitofɛli a doree sonbore lɛ ziziɛ̃, màn mɛn bɛ́ toɛ, a bɔ̀n da Abusalɔn ganaa.

Zɔbu 1:21

«Ma gɔn kooro na á daa, ma gɔn kooro n die woe. Dɛnaa Lawa din na á kɔ, Dɛnaa Lawa din na á si. Dɛnaa Lawa din tɔ nə n saa lon.»

Luku 23:34

Yezu pɛ: «Maa Díi, ǹ sã toa ǹ nɛ, a giala, ǹ bɛ́ màn mɛn zɛnɛɛ ǹ ba bɛ doɛ̃ wa.» Ǹ bɛ́ re Yezu a mɔnaan gii kɔn, maǹ nə́ n pã.

Korɛnti2 2:11

màn mɛn bɛ́ toɛ, *Sɛtaan nyan boo wɔ la wa. A giala, wɔ tá a nya ǹ dí doɛ̃.

Korɛnti2 2:7

Bɛ lɛ nɛ sisia, ka bǐɛ̃ kɔ ka a sii toa nɛ, ka a foo taã, ń giɛ foo-ziziɛ̃ gole nyan saa a bɔ a yiri la wa.

Filemɔn 1:15

N ba taasɛ, mà Lawa din na á toa Onezimu nə́ n na á n bɔ n ganaa, biikoo boɛɛn gɔ́ɔ̃ nɛ, màn mɛn bɛ́ toɛ, ka wusoo ka kaa kun yǎa duduu wa?

Samayeli1 1:19

Ɛlkaanaa laanka a kion minin nə́ yoo baayɛlɛ yiisoone, ǹ nə́ Lawa guguru kɔ, bɛ kio, ǹ nə́ n bɔyaa ǹ nə́ woo ǹ piɛ Ramaa. Ɛlkaana giã kun ka a lɔ Anɛɛ nɛ. Dɛnaa Lawa nə́ n yiri koa Anɛɛ li.