Siin Giala 45:3 - LAWA A BOO SONBORE

³ Bɛ kio, á tɔ́n pɛ ǹ dɔɔ̃nɔn lɛn nɛ kɛnɛn: «Ma din Zozɛfu ni. Ma di lɛ yii á tɔn koo?» Sɛnɛ, ǹ dɔɔ̃nɔn lɛn nə boo la, ǹ ná a lɛ si gɔ̀nɔn bìn diɛ gɔn wa.

LAWA A BOO SONBORE 2011

³ Bɛ kio, á tɔ́n pɛ ǹ dɔɔ̃nɔn lɛn nɛ kɛnɛn: «Ma din Zozɛfu ni. Ma di lɛ yii á tɔn koo?» Sɛnɛ, ǹ dɔɔ̃nɔn lɛn nə boo la, ǹ ná a lɛ si gɔ̀nɔn bìn diɛ gɔn wa.

Siin Giala 45:3 ပူးပေါင်းရင်းမြစ်များ

Siin Giala 37:20

Ka daa wɔ dɔ a ganaa wɔ dɛ, wɔ a gere saa, wɔ zũ nyankɔrɔ kɛ goon ne. Bɛ̀ wɔ dɔ piɛ, wɔ á re pii, wáa don màn babaraa na á kũ. Bɛ̀ a narɛɛn lɛn man die n biɛ lɔn kəni, wɔ á re yii.»

Siin Giala 42:21

Sɛnɛ, maǹ nə́ goã pii kɔn nɛ: «Ebe! Wɔ́ sii la wɔ diɛ̃ kɛ la lɛlɛ dɛ. A bɛ́ a foo-ziziɛ̃ lɛ gɔ́ɔ̃ nɛ ǹ mɛn waáraa, wɔ́ yɛ. Sɛnɛ, á wɔ nyankɔ á fɔ̃ li, wɔ n too kɔ a lon wa. Bɛ lɛ na á toa, bɛ miã foo-ziziɛ̃ kɛ tá wɔ dɔn yii pelo.»

Siin Giala 42:22

Urubɛn tɔ́n pɛ ǹ nɛ: «Táa má pɛ ka-n lɛlɛ lɛn máa ka baran sii la nɛ lɛ la wa! Ka bɛ́ ka n too kɔ ma lon wa, Lawa n bɛ lɛ a gɛ̀ dòo boe wɔ ganaa pelo.»

Siin Giala 43:27

Zozɛfu fòo da ǹ nɛ. Bɛ kio, á pɛ: «Ka giĩ gole mɛn boo da mà ka di ni, á kaka? Á tɔn a tan?»

Zɔbu 23:15

Bɛ lɛ na á toa, a yɛ din tá ma foo biɛ niɛ̃, bɛ̀ má n taasɛ nɛ, ma nyín nə soe.

Zɔbu 4:5

A bɛ́ nə n din mìi-n kanna, á ke, n ba sii n ganaa wa. Sii bɛ́ nə n din mìi-n kanna, n foo á ke á ziziɛ̃.

Zakarii 12:10

Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

Marki 6:50

Ǹ tumaa yɛ lɔn, ǹ nyín yii soo. Bɛa bǎã-n gɔrɔ, Yezu tɔ́n boo da ǹ nɛ, á pɛ ǹ nɛ: «Ka n foo taã. Masɛ nɛ. Ka baran nyɛ́ɛ baa wa.»

Luku 5:8

Simɔn Piɛrɛ bɛ́ á bɛ yɛ, á kaa tán Yezu giulun, á pɛ: «Dɛnaa, n zɔ̃ n nə n bɔ masɛ ganaa, a giala masɛ n sii baraa-zɛnaali lɛa.»

Nya ǹ dín 7:13

Ǹ wusoo a woo paabaa ǹ wɔ ke, Zozɛfu nə́ n din pɛ ǹ dɔɔ̃nɔn lɛn manɛ, ǹ nə́ dɔ̃, yǎa kii lɛ dɔ na a bɔ ǹ bǎã dɔ̃.

Nya ǹ dín 9:5

Sooli tɔ́n nɔ̀n da: «Dɛnaa, die n ka nsɛ nɛ?» Boo-diɛ lɛn lɛ pɛ nɛ: «Yezu n ka masɛ nɛ, n bɛ́ fuu nyɛɛ Yezu mɛn nɛ ke lɛn.

Sii-nyaan 1:7

Ka ga a ganaa! Yezu n die labaran bii! Min tumaa á re yii, haalɛ min mɛnɛn bɛ́ ǹ nə́ fɔ̃. Kanaa a tɔrɔn tumaa la á re paparɛ a lɛa. Hiĩ, a n miɛ̃!