Siin Giala 45:18 - LAWA A BOO SONBORE

¹⁸ ǹ nə ǹ di laanka ǹ minin tumaa goa, ǹ nə́ n bɔyaa ǹ da ma li kànaa. Ma á re gána lɛ a bǎã sonbore koe ǹ la, màn mɛn bɛ́ toɛ, ǹ gána lɛ a kɔɔ̃nbaa yɛ.

LAWA A BOO SONBORE 2011

¹⁸ ǹ nə ǹ di laanka ǹ minin tumaa goa, ǹ nə́ n bɔyaa ǹ da ma li kànaa. Ma á re gána lɛ a bǎã sonbore koe ǹ la, màn mɛn bɛ́ toɛ, ǹ gána lɛ a kɔɔ̃nbaa yɛ.

Siin Giala 45:18 ပူးပေါင်းရင်းမြစ်များ

Siin Giala 27:28

Pele mɛn bɛ́ boe lon, Lawa die a bɛ gisĩ n la, n màn mɛn da n wuru-n, a die a bɛ bǐɛ̃ kɔ, n *belee gigiã yɛ, ka duvɛ̃ dii ni.

Siin Giala 45:17

Á tɔ́n pɛ Zozɛfu ni: «A pɛ n dɔɔ̃nɔn lɛn nɛ, mà ǹ *belee boroon kaa ǹ tɔɔn lɛn la, ǹ wusoo ǹ wo Kanaan gána nɛ,

Siin Giala 46:34

ka pɛ nɛ kɛnɛn: «Wɔ n tɔɔ-lɛduə̃lin lɛa haalɛ wɔa nɛgininbaa waáraa a da sisia yaa, ka wɔ digolon nə goã a lɛa lɔn.» Bɛ̀ ka pɛ miɛ̃, á re Gosɛnɛ gána kɛ koe ka la ka giã a nɛ, a giala, Ezipti minin ba lɛ koe tɔɔ-lɛduə̃li ganaa wa.

Siin Giala 47:6

Ezipti gána lɛ bɛ́ tán n yɔrɔ-a. Bǎã mɛn bɛ́ siĩni, bɛ kɔ ǹ la, ǹ giã a nɛ. Ǹ tá boe la, ǹ giã Gosɛnɛ gána nɛ. Bɛ̀ ń tá boo sii la wolen doɛ̃ ǹ bii, bɛn bɔ, n nə ǹ koa maa tɔɔn mìi la.»

Loen 147:14

A din nə là nyantoro koe kaa gána la. A din nə ka toe ka tán-kɔsiɛ màn tumaa a sonbore ne.

Loen 81:16

Min mɛnɛn bɛ́ Dɛnaa Lawa biɛ zɔ́ɔ, bɛn tá re die a gòã kuĩ, a giala, mà ǹ dɔn biikoo na á kiɛ̃ kəni ka lenlen, yǎa duduu.

Izayii 28:1

Wàa koe-n ka kɛ nɛ Samarii ganaa! Efrayimu a yɔ-milin man nə n dinin koɛ kiwi k a lɛa. Ǹ dinin yii li a n ka kii bafolo bɛ́ lɔn tenten mìi ni nyankɔrɔ basa sonbore kɛ nɛ. Sɛnɛ, ka da buũ gere bɛ́ lɔn yɔ-milin mìi ni, kiwi lɛ dɔ n die n biɛ miɛ̃.

Izayii 28:4

Da buũ geren kɛn, nyaǹ sonbore lɛa Samarii kiwi lɛ ganaa, tenten mìi ni nyankɔrɔ basa sonbore kɛ nɛ, bɛn tá re n biɛ ka gɔ́rɔ nɛ bɛ́ lɔn, á ma, a niɛ̃ biikoo ná a tɔn dɔ wa: Bɛ̀ min mɛn yɛ, bɛa dɛnaa n siɛ a bii goon lɛa.

Minin nimi 18:12

Izirayeli minin lɛn bɛ́ re màn lɛ bibinaan mɛnɛn koe masɛ la, masɛ n bɛn dɔn koe n la: nyɔɔ dii a sonbore ne, duvɛ̃ dii a sonbore ne, ka *belee wɔ nɛ.

Minin nimi 18:29

Bɛ̀ ǹ nə́ màn woo màn kɔ ka la, ka masɛ wɔ lɛpiɛ̃ bɔ bɛa sonbore ne, ka kɔ masɛ la maa wɔ lɛa.

Timəə dí-pɛn 32:14

A din na á diin laanka sèren nyɔ kɔ ǹ la ǹ nə́ mi. A din na á siĩ nyɔɔnaa kɔ ǹ la ǹ nə́ sɔ̃, sère nyɔɔnaan manɛ, Basan a sère gɔ̀lɔ̀n kɛn tɔrɔn manɛ, ka butumun nyɔɔnaan nɛ. Á *belee sonbore kɔ ǹ la ǹ nə́ bii, á duvɛ̃ kɔ ǹ la ǹ nə́ mi, *rezɛ̃ da a nɛ kɛ lɛ.