Siin Giala 43:9 - LAWA A BOO SONBORE

⁹ Ma din tá n mìi koɛ a sii li. Bɛ̀ má n bɔyaa nɛ, má daa kɔ n la wa, n nɔ̀n da ma din la ka a sii ni. Bɛ̀ ma da nɛ ń yii yɛ wa, a zɛ̀rɛ n ma ganaa biikoo tumaa li.

LAWA A BOO SONBORE 2011

⁹ Ma din tá n mìi koɛ a sii li. Bɛ̀ má n bɔyaa nɛ, má daa kɔ n la wa, n nɔ̀n da ma din la ka a sii ni. Bɛ̀ ma da nɛ ń yii yɛ wa, a zɛ̀rɛ n ma ganaa biikoo tumaa li.

Siin Giala 43:9 ပူးပေါင်းရင်းမြစ်များ

Siin Giala 31:39

Bɛ̀ don mànan nə́ n tɔɔ mɛn kũ, ma bin na a siĩ lɛkaran goa, má daa ǹ kɔ n la wa, ma din nə nɛn bɛ̀ ma ǹ saraa. Bɛ̀ minin nə́ tɔɔ mɛn koã ma li penlee-n hinlaa tèlò-n, n nə ǹ goɛ̃ bɛ̀ n bɛ liɛ ma la.

Siin Giala 42:37

Urubɛn tɔ́n pɛ ǹ díi lɛ nɛ: «Bɛ̀ man bɔyaa ka Bɛnzamɛn nɛ, má daa kɔ n la wa, n maa nɛgiĩ min paa kɛ dɛ a dòo. N sii bɔ a nɛ, ma á die n bɔyɛɛ nɛ, ma da kɔ n la.»

Siin Giala 43:10

Bɛ̀ wɔ bie wɔ́ n lɔlɔɔ kɛnɛn wa, bɛ̀ wɔ́ woo, wɔ́ n bɔyaa gunyin paa kanna.»

Siin Giala 9:5

Bɛ̀ tɔɔ min dɛ, ma á re dɔlɔ boe a ganaa. Bɛ̀ min nə́ ǹ miã dɛ, ma á re dɔlɔ boe bɛa dɛnaa ganaa.

Samayeli2 14:9

Tekoan lɔ lɛ wusoo á pɛ kii ni: «Maa dɛnaagiĩ kii ganaa, sii kɛ lɛ a dɔlɔ die a ma din laanka ma dikion minin kũ. Zɛ̀rɛ ba kii-a a kiibaa kɛ gɔ́ɔ̃-n wa.»

Kiin1 1:21

Bɛ̀ a baa miɛ̃ wa, n wɔ tii li kio, ǹ tá re sii baraa a dɔlɔ boe masɛ laanka maa nɛ Salomɔn ganaa kooro.»

Zɔbu 17:3

Lawa, n din lɛ kɔ kəni, n nə n mìi koa maa sii li. Bɛ̀ á n bɔ n din ni, die kɔsɔ n die lɛ koe, mà asɛ tá n doe ma lɛ?

Loen 119:122

N din nə n mìi koa n bɛ̀rɛgiĩ a yii-nyɛɛ yɛ sii li. N nyan toa din gole-kɔlen kɛn nə bɔ ma yii-n doo wa.

Ezekieli 3:18

Bɛ̀ ma pɛ min baraa nɛ má á re giɛ̃, bɛ̀ n nə n gɔn waa-n wa, bɛ̀ n boo da min baraa lɛ nɛ, màn mɛn bɛ́ toɛ, a na a tɔ wɔ ǹ gɔn baraa kɛ kaa ń giɛ a yii á goɛ̃ koo wa, min baraa lɛ á re giɛ̃ sɛn. Sɛnɛ, man die a gɛ̀ lɛ a sii diɛ n din mìi ni.

Ezekieli 3:20

A din yii goon ne, bɛ̀ min pepere dɔ ná a peperebaa kaa, á n sii kɔkɔrɔ zɛnɛɛ, a giala mà má n da a gɔ̀ɔ̃ li, ma á re dii a sã lɛ taman yii a gã. Bɛ̀ n nə n gɔn waa-n sɛn wa, a n die giɛ̃ a sii baraan lɛn taman yii. A sii peperen mɛnɛn zɛnaa lɛlɛ, ma bie re giɛ bɛn ganaa wa. Sɛnɛ, man die a gɛ̀ lɛ a sii diɛ n din mìi ni.

Ezekieli 33:6

Sɛnɛ, bɛ̀ wɔlɔ-lɛduə̃li lɛ zɔ́ɔn yɛ die ka zia nɛ, bɛ̀ a bɛn pɛ á n gɔn waa minin man wa, bɛ̀ zia lɛ daa yǎa a min mɛn dɛ, man die a gɛ̀ lɛ a sii diɛ wɔlɔ-lɛduəli lɛ din mìi ni.»

Ezekieli 33:8

Bɛ̀ má pɛ min baraa nɛ, máa sàabaa ba la wa máa á re giɛ̃, bɛ̀ n boo da min baraa lɛ nɛ, n nə n gɔn waa-n wa, bɛ̀ a wusoo a zɛnaa ǹ sii kio wa, min baraa lɛ á re giɛ̃ a sii baraa a lɛa sɛn. Sɛnɛ, man die a gɛ̀ lɛ a sii diɛ n din mìi ni.

Luku 11:50

Bɛ lɛ taman yii, ka Lawa a boo gii-dalin mɛnɛn tumaa dɛ, a kũ kanaa diɛ biikoo ganaa, bɛa dɔlɔ á die n boe pelo minin kɛn ganaa.

Ebrəə 7:22

Bɛa yɔrɔ kɛ la, lɛ kɔ kɔn la mɛn bɛ́ soɛ lɛlɛ wɔ nɛ, á n Lawa laanka minbuiin nɛ bii ni, Yezu n bɛa yɔrɔ bɔ lɛ a tamaali lɛa wɔsɛn nɛ.