Siin Giala 42:6 - LAWA A BOO SONBORE

⁶ Zozɛfu giã gána lɛ mìi la, a din na á goã belee siɛ̃ a minin tumaa la. Ǹ golon lɛn nə́ dɔ, ǹ nə́ kaa tán a giulun, ǹ nə́ n mìi kuməə tán.

LAWA A BOO SONBORE 2011

⁶ Zozɛfu giã gána lɛ mìi la, a din na á goã belee siɛ̃ a minin tumaa la. Ǹ golon lɛn nə́ dɔ, ǹ nə́ kaa tán a giulun, ǹ nə́ n mìi kuməə tán.

Siin Giala 42:6 ပူးပေါင်းရင်းမြစ်များ

Siin Giala 18:2

Abrahamu nə́ n mìi saa lon, á giĩ min sɔɔ yɛ golee-n lon kunu a din ganaa. A bɛ́ á ǹ yɛ, á n toa a zìã kiɛnlɛ-a, á baa si á woo n da ǹ lɛ, á kaa tán ǹ giulun,

Siin Giala 19:1

Lon a dia dí-a wole paa lɛ dɔ Sodɔmu kiwi wasamiɛ̃nɛ, bɛ̀ Lɔti á giã-n tán Sodɔmu *kiwi a kiɛnlɛ-a. A bɛ́ á ǹ yɛ lɔn, á yoo á woo n da ǹ lɛ, á kaa tán ǹ giulun, á n mìi kuməə tán.

Siin Giala 33:3

A dinmaa kiɛ̃ ǹ nyɛɛnɛ, á tɔ wɔ bɛ̀ a kaa tán gunyin sɔbaa, yǎa á woo á dɔ ǹ golo lɛ li.

Siin Giala 41:43

Bɛ kio, á da a wotoro paabaa ǹ wɔ gɔ́ɔ̃ nɛ, minin nə́ goã n lɛ dii a nyɛɛnɛ ǹ nə́ pii: «Ka zii da!» Faarahɔn Zozɛfu koa a gána tumaa mìi la ka bɛa yɔrɔ lɛ nɛ.

Siin Giala 41:54

Bòo bɛ́ re we lɛ̀ sɔbaa mɛn gɔ́ɔ̃ nɛ, bɛn nə́ n giala kɔ, ka Zozɛfu bɛ́ á pɛ lɔn. Bòo lɛ baraa kɔ gána kɔsɔn dinin tumaa nɛ, sɛnɛ, màn-bii goã Ezipti gána nɛ.

Siin Giala 41:57

Gána tumaa na á goã die belee pii Zozɛfu li Ezipti, a giala, bòo lɛ baraa kɔ bǎã tumaa nɛ.

Siin Giala 44:14

Zudaa laanka ǹ dɔɔ̃nɔn lɛn nə́ dɔ Zozɛfu a piɛ, ǹ nə́ woo yaa bɛ̀ á tɔn kion, ǹ nə́ kaa tán a giulun.

Siin Giala 45:26

Ǹ nə́ pɛ-n kɛnɛn: «Zozɛfu yii á tɔn koo dɛ! A din nə Ezipti minin tumaa mìi la dinin.» Sɛnɛ, ǹ boo lɛ bìn da Zakɔba foo ganaa wa, a giala, a waa ǹ la wa.

Siin Giala 45:8

Kasɛn bie ká ma dia kànaa wa, Lawa nɛ. A din na á masɛ koa gole kii kio, á ma koa kii lɛ a kion minin tumaa mìi la, á ma koa Ezipti gána tumaa mìi la.

Siin Giala 48:12

Zozɛfu nə́ ǹ kũ, á ǹ bɔ ǹ di lɛ gòã la, a din kaa tán a giulun.

Suusun 11:26

Min mɛn bɛ́ a *belee toɛ koa nɛ, zaman tá re n liɛ li. Sɛnɛ ǹ mɛn bɛ́ soe ne á n siɛ̃, zaman tá re Lawa bǐɛ̃ bíi li.

Izayii 60:14

Min mɛnɛn nə fuu nyaa n nɛ, bɛn nɔ̀ɔnɔn tá re n mɔrɛɛ n ganaa, ǹ mìi n kuməə ne. Min mɛnɛn nə n baa màn kooro lɛa, bɛn tá re n musin koɛ tán-a n yɔrɔ-a. Ǹ tá re n bíi: «Dɛnaa Lawa a kiwi, Izirayeli a Lawa sonbore a *Siɔn.»

Nya ǹ dín 7:10

A bɛ́ á nɔmaan mɛnɛn yɛ, Lawa bɔ bɛn dinin tumaa nɛ. Lawa sii-doɛ̃ gole kɔ la Ezipti a kii gole kɛ yɔrɔ-a, bɛa kii lɛ tɔ na á goã *Faarahɔn. Bɛ Zozɛfu bɔ á koa Ezipti gána mìi la, a ná a din dɔ a kion a naforon sii yɔrɔ bɔ toa a gɔn.

Sii-nyaan 3:9

Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, maǹ soɛ boe, maǹ *Sɛtaan a lɛ-kaakun minin lɛa, ma á re ǹ kuĩ ka pàã nɛ, ǹ da kaa tán ka giulun. Ǹ tá re doɛ̃ ka bɛ nɛ, mà ma á ka narɛ.

Samayeli1 20:41

Nɛginin lɛ woo. Davida nə́ n doa á yoo tán kɔlɔ lɛ a gusin a lɛ̀gɔn la, á para á mɛnaa tán a lɛ la, á n musi lɛn doa tán gunyin sɔɔ. Bɛ kio, Davida laanka Zonaatan nə́ n sɔɔ kɔn nɛ, ǹ nə́ wuu pɛ, Davida sɛ wɔ goã á là da.