Siin Giala 42:13 - LAWA A BOO SONBORE

¹³ Ǹ nə́ tɔ́n pɛ: «Wɔ n wɔ́ goã min fulupaa wɔ di la. Wɔ ǹ Kanaan minin lɛa. Min mɛn bɛ́ wɔ diɛ̃ boɛɛn lɛa, bɛ tá wɔ di li piɛ pelo pelo. Goon ke, bɛ banban.»

LAWA A BOO SONBORE 2011

¹³ Ǹ nə́ tɔ́n pɛ: «Wɔ n wɔ́ goã min fulupaa wɔ di la. Wɔ ǹ Kanaan minin lɛa. Min mɛn bɛ́ wɔ diɛ̃ boɛɛn lɛa, bɛ tá wɔ di li piɛ pelo pelo. Goon ke, bɛ banban.»

Siin Giala 42:13 ပူးပေါင်းရင်းမြစ်များ

Siin Giala 37:30

Á n bɔyaa á woo ǹ dinɛn lɛn li, á pɛ ǹ nɛ: «He, nɛ lɛ banban doo wa! Man die n doe maa kəni?»

Siin Giala 44:20

Wɔ n lɛ si wɔ́ pɛ wɔ́a wɔa díi tan, á zizi kɔ, a zizimaa lɛ nɛ mɛn yɛ, wáa bɛ á tɔn boɛɛn nɛ. Wáa ǹ gologiĩ gã. A dinsɔɔ̃ na á goã ǹ dan a nɛ lɛa sisia, a díi á narɛ parsiini.

Siin Giala 42:32

Wɔ́ pɛ nɛ: «Giĩ goon a nɛnyaanan man ka wɔsɛn nɛ, wɔ n wɔ́ goã nɛgiĩ fulupaa. Wɔa min goon na a banban, wɔ diɛ̃ boɛɛn kɛ tá wɔa díi li Kanaan gána-n pelo pelo.»

Siin Giala 43:7

Ǹ ná a lɛ si: – Giĩ lɛ na á nɔ̀n da wɔ la tiɛ̃tiɛ̃ nɛ, wɔsɛn dinin laanka wɔa kion minin wɔ paǹ li. Á nɔ̀n da wɔ la kɛnɛn: «Kaa díi yii á tɔn koo ya? Ka diɛ̃ tan ya?» Wɔ doamaa nɛ, wɔ bɛa nɔ̀n diɛn kɛn lɛn binyəə kɔ la. Sɛnɛ, wɔa boe la wɔ dɔ̃, mà a n die wusii a pɛ wɔ nɛ, mà wɔ wɔ diɛ̃ lɛ kũ, wɔ da-n wa.

Matiə 2:18

«Minin nə́ lɛ-dɛ ma boe Ramaa kiwi, ǹ nə́ wuu laanka bubui lɛ ma. Zakɔba a lɔ Raseli na a nɛnyaanan gɛ̀ wuu pii, a ba lɛ koe foo wɔraa ganaa wa, a giala ǹ kɔ́n ba a yɔrɔ-a doo wa.»

Matiə 2:16

Erɔdi bɛ́ á dɔ̃ mà doɛ̃ wolen lɛn ná asɛ bebele, a foo yoo parsiini. Á tɔ́n pɛ minin manɛ, mà ǹ wo Bɛtlehɛmu laanka a lɛkoro-an kiwin ni. Mà nɛginin mɛn din tumaa bɛ́ á dɔ lɛ̀ paa, hinlaa ta a na nyaabaa lɛ̀ paa ganaa, mà ǹ bɛ tumaa dɛ, a giala doɛ̃ wolen lɛn boo lɛ a diɛ lɛ̀ paa n ke Erɔdi ni.

Busii pɛ 5:7

Wɔ digolon nə́ sii baraa zɛnaa. Sɛnɛ, ǹ banban doo wa. Ǹ sii baraan gugurubaa na á kũ wɔ dinin mìi ni.

Zeremii 31:15

Dɛnaa Lawa n kɛ pii: Ginii lɛ n boe Ramaa kiwi, lɛ-dɛ kɔsɛkɔsɛ nɛ. Raseli n wuu pii a nɛnyaanan la. A ba lɛ koe foo wɔraa ganaa wa, a giala, ǹ kɔn ba a yɔrɔ-a doo wa.

Siin Giala 45:26

Ǹ nə́ pɛ-n kɛnɛn: «Zozɛfu yii á tɔn koo dɛ! A din nə Ezipti minin tumaa mìi la dinin.» Sɛnɛ, ǹ boo lɛ bìn da Zakɔba foo ganaa wa, a giala, a waa ǹ la wa.

Siin Giala 44:28

Goon soo a li á papaã, a yii mɛ a ganaa doo wa. Sàabaa ba la wa, mà don màn babaraan man nə́ kũ, ǹ nə́ pɔpɔsɛ kɔn.

Siin Giala 42:38

Zakɔba nə́ ǹ lɛ si: «Maa nɛ a woe kun ka n walan wa. Ǹ dannɛ gã, a dinsɔɔ̃ na a tan. Bɛ̀ sii mɛn wɔ lɛ zii la, maa zizimaa n die giɛ̃ ka foo-busii ni, ka dinin zɛnaa ǹ sii taman yii.»

Siin Giala 42:36

Zakɔba tɔ́n pɛ ǹ nɛ: «Táa ka n giɛ li, ka masɛ gɔn kooro toa! Zozɛfu bie a tan doo wa, Simiɔn banban, ka ǹ giɛ li, ka Bɛnzamɛn dɔ si ma la! Sii tumaa n masɛ mìi-n dɛ!»

Siin Giala 42:11

Wɔsɛn man giĩ goon a nɛnyaanan lɛa, min taãnan man ka wɔ nɛ, wɔ bie duru a da ga gána ganaa wolen lɛa wa.»

Siin Giala 42:12

Zozɛfu wusoo á pɛ ǹ nɛ: «Haayii dɛ! Ka ǹ ka daa ga gána lɛ a pàã wɛɛnaabaa ǹ bǎãn ganaa.»

Siin Giala 42:14

Zozɛfu nə́ n lɛn saa lon á pɛ: «Ma màn mɛn lɛ pɛ, a din ni. Ka ka n duru, ka daa ga gána lɛ ganaa.

Siin Giala 43:29

Zozɛfu bɛ́ á n yii saa lon, á ǹ diɛ̃, a din dannɛ Bɛnzamɛn yɛ, á pɛ: «Ka bɛ́ ka ka diɛ̃ boɛɛn mɛn boo da ma-n lɛlɛ, a din nə ke? Lawa die a n dɔ n lɛ, maa nɛ!»