Siin Giala 41:38 - LAWA A BOO SONBORE

³⁸ Faarahɔn tɔ́n pɛ ǹ nɛ: «Wɔ á re min kɔsɔ yii ka giĩ kɛ bɛ́ lɔn Lawa Yiri ná a lon?»

LAWA A BOO SONBORE 2011

³⁸ Faarahɔn tɔ́n pɛ ǹ nɛ: «Wɔ á re min kɔsɔ yii ka giĩ kɛ bɛ́ lɔn Lawa Yiri ná a lon?»

Siin Giala 41:38 ပူးပေါင်းရင်းမြစ်များ

Siin Giala 41:37

Zozɛfu a boo lɛ kɔɔ̃n kɔ Faarahɔn laanka a pàãdɛnan tumaa ganaa.

Ɛsidrasi 7:25

Nsɛ Ɛsidrasi, n Lawa a sii-doɛ̃ mɛn lɛ bɛ́ n gɔn, sii yɔrɔ bɔlen laanka kiri-kurulin koa ka bɛ nɛ, ǹ Efrati tà a lɛ̀nyɛɛn gɔn la a zaman tumaa a kiri kuru, ǹ mɛnɛn tumaa bɛ́ n Lawa lɛ a dí-pɛn doɛ̃. Min mɛnɛn bɛ́ ǹ ba bɛa dí-pɛn kɛn lɛn doɛ̃ wa, bɛn daraa ǹ ganaa.

Zɔbu 32:8

Sɛnɛ, taãn-pɛ á soɛ, yiri n boe Lawa li, Pàãyiidɛnaa ǹ yiri koe min la.

Suusun 14:35

Dí-nyali yiridɛnaa n kɔɔ̃n kii ganaa. Sɛnɛ min mɛn bɛ́ sìi diɛ a ganaa, a foo n yui bɛ li.

Suusun 22:29

Min mɛn bɛ́ dí nyɛɛ sɔnbɔraanɛ, ga bɛa dɛnaa ganaa. Á boe la a wo n din nyaa kii ni, bɛ á soɛ a giã minin bii, ǹ nə́ ǹ ba ǹ mɛnɛn doɛ̃ wa.

Izayii 19:11

Soan kiwi a kiãn man gàãnaan lɛa. Min mɛnɛn bɛ́ yiri koe Eziptin kii la, baãnaan manɛ. Maǹ pii-n kɛnɛn: «Man yiridɛnaa goon a nɛ lɛa, lɛlɛ kiin nɛ n ka ma nɛ.» Wàa nə n diɛ bɛa pɛ ganaa?

Minin nimi 27:18

Dɛnaa Lawa Muizu lɛ si kɛnɛn: «Nunu a nɛgiĩ Zozoe kũ, n nə n gɔn da la. Zozoe lɛ n min lɛa, masɛ yiri ń la.