Siin Giala 41:32 - LAWA A BOO SONBORE

³² Bɛ̀ ń yǎa ń narɛɛ lɛ wɔ gunyin paa, bɛ n nyɛɛ mà Lawa din a sii yɔrɔ boe ne, a n die n nanaɛ a zɛnaa dɔ li.

LAWA A BOO SONBORE 2011

³² Bɛ̀ ń yǎa ń narɛɛ lɛ wɔ gunyin paa, bɛ n nyɛɛ mà Lawa din a sii yɔrɔ boe ne, a n die n nanaɛ a zɛnaa dɔ li.

Siin Giala 41:32 ပူးပေါင်းရင်းမြစ်များ

Siin Giala 37:7

Ma n má n narɛ, ka wɔ ǹ *belee kuri, wɔ́ n yii gɔn sara yii kiɛ tán. Bǎã goon ne gɔrɔ, masɛ a gɔn sara yii yoo, á n tele á golee lon. Kaa gɔn sara yiin lɛn nə́ daa masɛ wɔ lɛ lɛnpɛnɛ, ǹ nə́ kaa tán a giulun.»

Siin Giala 37:9

Bɛ kio, Zozɛfu wusoo á narɛɛ kɔsɔ wɔ doo, á bɛ dɔ laakalaa ǹ golon lɛn manɛ. Á pɛ ǹ nɛ: «Á ke. Man má n narɛ doo, ka wasa nɛ, ka mui laanka leere fulugoon ne, ǹ nə́ daa kaa tán ma giulun.»

Siin Giala 41:25

Zozɛfu tɔ́n pɛ Faarahɔn nɛ: «N narɛɛ màn paa lɛ tumaa a binyəə n goon. Lawa bɛ́ re sii mɛn zɛnɛɛ, a na á saa lɛlɛ, á bɛ lɛ da n yiri-a.

Siin Giala 41:28

Faarahɔn, boo mɛn bɛ́ masɛ lɛ-n ma pɛ n nɛ, a din nə ka kɛ nɛ. Lawa bɛ́ re sii mɛn zɛnɛɛ, a na á bɛ lɛ nyaa n nɛ.

Siin Giala 41:31

Bòo mɛn bɛ́ re die bɛ kio ke lɛn, á re baraa koe parsiini, minin dinin ba re màn-bii a tan giala doɛ̃ wa.

Izayii 30:33

Tɛ kɔn yɔrɔ boemaa nɛ haalɛ bibi, a n Asiiriin kii wɔ lɛa. Yala zuzulu pəmə goon gɔ́ɔ̃ nɛ, maǹ nə́ gɔn da kɔn la buurii ni tɛ lɛ wɔ lɛa. Dɛnaa Lawa lɛ gɔ́ɔ̃ ǹ piɛ̃ ke ka kiribi tɛdɛnaa bɛ́ lɔn, bɛ n die tɛ lɛ diɛ.

Minin nimi 23:19

Lawa bie min lɛa, a tɔn soɛ bɔ wa! A bie minbuiin nɛ lɛa, a tɔn wusoo a kio-n wa! A ba boo diɛ, bɛ̀ a ná a ba a lɛ piɛ̃ wa! A boo diɛ a n lɛ bɔ wa!

Matiə 24:35

Lon laanka tán tá re kiɛ̃, sɛnɛ, masɛ a boon kɛn ba re kiɛ̃ wa, maǹ goɛ̃ yǎa duduu.

Matiə 25:34

Kii lɛ á die pii a gusin-dɛnan lɛn manɛ: «Ma Di Lawa barka da kasɛn mɛnɛn ganaa, á kiibaa ǹ bǎã zɛnaa á koa ka nɛ haalɛ kanaa a giala kɔ waáraa, ka da giã kaa bǎã nɛ.

Matiə 25:41

Bɛ kio, kii lɛ á die pii a gɔsɛdɛnan lɛn manɛ: «Lawa bɛ́ á barka bɔ kasɛn mɛnɛn nɛ, ka n zɔ̃ ka n bɔ masɛ ganaa! Tɛ mɛn bɛ́ a ba nimi wa, Lawa zɛnaa *Sɛtaan laanka a dia dí-a wolen manɛ, ka wo walan.

Marki 10:40

Sɛnɛ min mɛn bɛ́ re giɛ̃ masɛ gusin hinlaa masɛ gɔsɛ, masɛ bie bɛ yɔrɔ boe wa, Lawa bǎãn lɛn zɛnaa min mɛnɛn manɛ, bɛa dɛnan wɔn manɛ.»

Korɛnti1 2:9

Sɛnɛ, a n ka Lawa a sɛ́wɔ bɛ́ á pɛ lɔn: «Min mɛnɛn bɛ́ Lawa narɛ, a màn mɛn zɛnaa á koa bɛn manɛ, min kɔ́n yii bin nə n miã yɛ wa, min kɔ́n too bin ma wa, min kɔ́n a taasiɛ tɔn dɔ a ganaa wa.»

Korɛnti2 13:1

Maa gunyin sɔɔbaa ǹ wɔ n ke, má n die die kaa piɛ. «Sii tumaa n die n yɔrɔ boe ka siére paa hinlaa sɔɔ a boo ne», ka Lawa a sɛ́wɔ bɛ́ á pɛ lɔn.

Sii-nyaan 9:15

Ǹ nə́ lon a dia dí-a wole màn sii lɛ kaa. Maǹ nə́ goã ǹ nə́ ǹ yɔrɔ bɔ lɛlɛndun bɛa biikoo kɛ lɛ a lɛa, bɛa lɛawaa lɛ a lɛa, bɛa mui lɛ a lɛa, bɛa lɛ̀ kɛ lɛ nɛ, ǹ doamaa nɛ ǹ minbuiinin talakɔn sɔɔbaa ǹ wɔ dɛ ǹ gã.