Siin Giala 40:19 - LAWA A BOO SONBORE

¹⁹ Lɛawaa sɔɔ kɛ kio, Faarahɔn lɛ á die n mìi kuri, a bɔ a ganaa, a nə n dinmaa lɔɔ da ganaa, lon bàanan nə da n siĩ mui.»

LAWA A BOO SONBORE 2011

¹⁹ Lɛawaa sɔɔ kɛ kio, Faarahɔn lɛ á die n mìi kuri, a bɔ a ganaa, a nə n dinmaa lɔɔ da ganaa, lon bàanan nə da n siĩ mui.»

Siin Giala 40:19 ပူးပေါင်းရင်းမြစ်များ

Siin Giala 40:13

Lɛawaa sɔɔ kɛ kio, Faarahɔn á die wusii, a bǐɛ̃ kɔ n ganaa. Á die wusii a n saa a n da n dí ni, bɛ̀ n Faarahɔn lɛ a mu mi ǹ paan kɔ la, ka n bɛ́ ń goã zɛnɛɛ lɛlɛ lɔn.

Siin Giala 40:17

Tiɛrɛɛn lɛ a mɛn bɛ́ lon, Faarahɔn lɛ foo dùũ buuru tɔrɔ tumaa na á goã bɛ gɔ́ɔ̃ nɛ, bàanan nə́ goã die mui ma mìi ni.»

Siin Giala 40:18

Zozɛfu tɔ́n pɛ nɛ: «N narɛɛ lɛ giala n ka kɛ nɛ: Tiɛrɛɛn sɔɔ kɛ n lɛawaa sɔɔ lɛa.

Siin Giala 40:20

A lɛawaa sɔɔbaa ǹ wɔ na á n baa Faarahɔn lɛ a yɛ ǹ zɔ́n zɛnaa pinaa lɛa. Á màn-bii gigiã zɛnaa, á kɔ a pàãdɛnan tumaa la. Bɛ lɛ a pinaa, á yɔ kɔ kii la wolen goledɛnaa lɛ laanka buuru-dalin goledɛnaa lɛ waa, á soo ǹ ne ǹ tumaa yɔrɔ-a.

Siin Giala 40:22

Sɛnɛ, á buuru-dalin goledɛnaa lɛ sɛ lɔɔ lon da ganaa. Zozɛfu narɛɛn lɛn giala pɛ lɔn, a na á n zɛnaa miɛ̃.

Siin Giala 41:13

Siin lɛn dɔn nə́ n zɛnaa, ǹ nə́ kɔnpɛ a da ǹ boo lɛ-n ka te. Ǹ nə́ wusoo ǹ nə ma saa maa dí ni, ǹ nə́ buuru-dalin goledɛnaa lɔɔ da ganaa lon.»

Samayeli2 21:10

Ayia a nɛlɔ Rispaa mɔnaa kəkə saa á naa tán gɛ̀fu la. Á giã walan, a saa ɔrzi kurii waáraa ganaa, yǎa la wusoo á kaa, á daa nɛnyaanan lɛn gere yaa tán. Bɛ̀ lɛ̀ waa, a toɛ bàanan tá miɛ̃ ǹ gere la wa. Tèlò-n, a na á goã don màn babaraan lui ǹ gere ganaa.

Samayeli2 21:6

Ka a din lɛ tɔrɔ min sɔbaa kɔ wɔsɛn la. Wɔsɛn tá re bɛn lɛn bɔlɔ diɛ biɛ nɛ Dɛnaa Lawa yɔrɔ-a, Gibeya kiwi. Dɛnaa Lawa Sayulu mɛn bɔ á koa kii lɛa, bɛ na á goã giã-n walan.» Kii nə́ ǹ lɛ si mà asɛ á re bɛa min sɔbaa lɛ koe ǹ la.

Suusun 30:17

Min mɛn bɛ́ yaa we ǹ di ganaa, a na a ba ǹ dan bɔlɔ sii wa, zankoon tá re a yii nànan fɔfoɛ̃, zèwon nə muĩ.

Ezekieli 39:4

N din ni, n sɔraasin ni ka zaman mɛn tumaa dɔ bɛ kunun n ni, ka tumaa á re giɛ̃ Izirayeli a kelen kɛn la. Ma á re n gere koe zèwon la, bàan mɛn tumaa bɛ́ siĩ mui, ka don màn babaraan tumaa nɛ.

Nya ǹ dín 20:27

A giala, ma màn kɔ́n duru ka la wa, sɛnɛ, má Lawa a dí nya ǹ gɔn lɛ tumaa boo da ka nɛ ka lenlen.

Galaasi minin 3:13

Koe mɛn goã wɔ mìi-n dí-pɛn lɛ-tii a lɛa, Krita na á wɔ kirisibaa bɛ lɛ ganaa. A giala, koe bɔ a dinmaa lɛ ganaa wɔ a lɛa. Ka Lawa a sɛ́wɔ bɛ́ á pɛ lɔn: «Bɛ̀ ǹ nə́ min mɛn gere da da la, koedɛnaa n ka bɛ nɛ.»

Zozoe 10:26

Bɛ kio, Zozoe kii sooro lɛ dɛ ǹ nə́ gã, á ǹ geren lɔɔ lon da sooro ganaa. Maǹ nə́ goã loɛ-n dan lɛn ganaa, yǎa wasa woo mɛ.

Zozoe 8:29

Ayiin kii lɛ sɛ, á bɛ bɔlɔ da biɛ-n da ganaa, yǎa wasa woo mɛ. Wasa bɛ́ á mɛ, Zozoe pɛ minin manɛ, mà ǹ na a gere fore ǹ bɔ da lɛ ganaa. Ǹ ná a gere lɛ saa ǹ nə́ woo zũ tán kiwi lɛ a kiɛnlɛ-a, ǹ nə́ kɔlɔ da kɔn la a lalan ka teleen. Bɛa kɔlɔ dakɔnla gole lɛ á tɔn a tan haalɛ pelo.

Samayeli1 17:44

Filisiti min lɛ pɛ Davida-n doo: «Kiɛ̃ n da kànaa, man siĩ kɔ bàanan laanka don mànan la.»

Samayeli1 17:46

Pelo dinin, Dɛnaa Lawa tá re n we ma gɔn, masɛ n die n dii, man mìi na. Pelo dinin, man die Filisiti sɔraasin geren koe bàanan laanka don mànan la, tán kuturu tá re doɛ̃, mà Izirayeli a Lawa tan.