Siin Giala 4:10 - LAWA A BOO SONBORE

¹⁰ Lawa tɔ́n pɛ nɛ: «Wàa mɛn sii n ke ń zɛnaa? N diɛ̃ lɛ mà tá n toɛ tán, n lɛ dii ma ganaa, mà ma asɛ a gɛ̀ dòo bɔ.

LAWA A BOO SONBORE 2011

¹⁰ Lawa tɔ́n pɛ nɛ: «Wàa mɛn sii n ke ń zɛnaa? N diɛ̃ lɛ mà tá n toɛ tán, n lɛ dii ma ganaa, mà ma asɛ a gɛ̀ dòo bɔ.

Siin Giala 4:10 ပူးပေါင်းရင်းမြစ်များ

Siin Giala 18:20

Dɛnaa tɔ́n pɛ Abrahamu ni: «Ǹ bɛ́ zɛ̀rɛ mɛn koɛ Sodɔmu minin laanka Gomɔɔrɔ minin ganaa, á gole parsiini, ǹ sii baraa dɔ mɔnaa.

Siin Giala 3:13

Dɛnaa Lawa pɛ lɔ lɛ nɛ: «Wàa na á baa ń kɛ zɛnaa?» Lɔ lɛ ná a lɛ si: «Miɛ̃ na á ma bebele, má da nɛ lɛ bii.»

Siin Giala 9:5

Bɛ̀ tɔɔ min dɛ, ma á re dɔlɔ boe a ganaa. Bɛ̀ min nə́ ǹ miã dɛ, ma á re dɔlɔ boe bɛa dɛnaa ganaa.

Kiin2 9:26

«Ma Naabɔti mà yɛ gunun, ka a nɛnyaanan wɔ nɛ. Dɛnaa Lawa a da ǹ boo ne. Man die bɛ lɛ miã zɛnɛɛ n dɔ nɛ, a din wuru goon kɛ lɛ nɛ. Dɛnaa Lawa a da ǹ boo ne!» Sisia kəni, Zoramu lɛ bɔ n zũ bɛa wuru lɛ nɛ, ka Dɛnaa Lawa goã a ná a boo da lɔn.

KZS2 28:9

Bɛa kiwi lɛ nɛ, Dɛnaa Lawa a boo gii-dali goon tan a tɔ n Odɛdi. Á woo n da Izirayeli a sɔraasin lɛn lɛ, bɛ̀ ǹ bɛ́ die Samarii. Á pɛ sɔraasin lɛn manɛ: «Dɛnaa Lawa, ka digolon Lawa foo na á goã yoo-n Zudaa minin li, bɛ lɛ nɛ á ǹ wɔ ka gɔn. Sɛnɛ, ka ǹ dɛ ka kakaarɛbaa nɛ á la yii ni, yǎa á dɔ lon.

Zɔbu 16:18

Haya tán, n nyan pii kɔ ma mà kɛ lɛ wa koe! Toa maa lɛ-dɛ kɛ dɔ bǎã tumaa nɛ!

Zɔbu 24:12

Kiwi gɔ́ɔ̃ nɛ, minin manə n dinin didii, là paparɛɛ wolen manə n lɛ didii, Lawa dɔ ba n too koe ǹ nyankɔ li wa.

Loen 50:21

N màn mɛn zɛnaa, a din lɛ n ke. Ma á boe la man lɛ tã kɛ lɛ-a sonbore? Ma n taasɛ mà n miãn ka masɛ nɛ? N sii mɛn la, man die n zɛ̀rɛ biɛ, ma a tumaa pɛ ma kaa tán n giulun.

Loen 72:14

Min mɛnɛn bɛ́ n kakaarɛ koe ǹ ganaa, ǹ nə́ ǹ nɔmɛɛ, á re ǹ sii bɛn la, a giala, mà ǹ nyin lɛ barka á gole a yii li.

Loen 9:12

Dɛnaa Lawa mɛn bɛ́ giã-n *Siɔn, ka daa wɔ loe lɔ wɔ a tɔ bɔ nɛ. Ka a nya ǹ dí dadaran kɛn laakalaa tɔrɔn bii.

Loen 9:13

Dɛnaa Lawa din bɛ́ n gɛ̀ dòo boe, bɛ lɛ n ke, a yiri a boe wa. A yiri a boe ka doobaan lɛ-dɛ-n wa.

Bɔ bɛ̀rɛbaa nɛ 3:7

Dɛnaa pɛ: «Má maa zaman lɛ a nɔmaa yɛ Ezipti gána nɛ, má ǹ lɛ-dɛ ma ǹ lɛduə̃li baraan kɛn dɛ gɔn. Sonbore, ma tá ǹ fuun lɛn doɛ̃.

Izayii 5:7

Dɛnaa Lawa Pàãyiidɛnaa a rezɛ̃ wuru n ka Izirayeli ni. Dan mɛnɛn nə goã kɔɔ̃nɛ a ganaa parsiini, bɛ n ka Zudaa a zaman nɛ. Dɛnaa Lawa nə n yii diɛ peperebaa la, sɛnɛ bǎã tumaa nɛ, peperebaabaã nɛ. A nə n yii diɛ sonborebaa la, sɛnɛ bǎã tumaa nɛ, sonborebaabaã nɛ.

Minin nimi 35:33

Ka bɛ́ re goɛ̃ gána mɛn lɛ nɛ, ka doamaa bie ka bɛ gɔgɔrɛ kɔ wa. Sonbore, gɛ̀-dɛ n sii lɛa, sii mɛn nə́ ke gána gɔgɔrɛ koe. Bɛ̀ ǹ nə́ mà kaa gána lɛ nɛ, màn kɔn ba boe la a bɛ tuturu wa, yǎa mà-kaali lɛ mà.

Nya ǹ dín 5:3

Sɛnɛ, Piɛrɛ pɛ nɛ: «Ananiasi, wàa na á baa ń toa *Sɛtaan nə́ n gɔ́ɔ̃ tii kɛnɛn, á n diɛ soɛ bɔ ganaa Lawa a Yiri Fu ni? Táa ma nə n tán giɔ̀mɔ lɛ kɔ́n bɔ.

Nya ǹ dín 5:9

Piɛrɛ tɔ́n wusoo á pɛ nɛ: «A na á saa lɔn ka kɔn wɔ ma kɛnɛn, ka wɔ Dɛnaa a Yiri Fu lon? Haya! Minin mɛnɛn nə wo n zuũ gere bĩ, bɛn nə́ wusoo ǹ nə́ daa, ma á ke ǹ gòã wuu miɛ kiɛnlɛ-a, maǹ die n dɔ gere siɛ.»

Timəə dí-pɛn 21:1

Kaa Lawa, Dɛnaa Lawa bɛ́ re gána mɛn lɛ koe ka la mà a kaa wɔ baa, ǹ tá boe la ǹ min dɛ ǹ da tán, min na a gere yɛ don walan, sɛnɛ, ǹ nə́ ǹ ba a dɛli doɛ̃ wa.

Ebrəə 11:4

Golee Lawa li na á toa, Abeli *wúlu màn mɛn bɔ á kɔ Lawa la, bɛ́ siĩn kɔ á la Kanyɛ wɔ nɛ. Bɛa golee Lawa li lɛ a lɛa nɛ, Lawa siére pɛ a wɔ gɔn la, mà min pepere ne, a giala, a din na á lɛ kɔ a bǐɛ̃ mànan lɛn ganaa. A golee Lawa li lɛ taman yii, a laanɛ á gã, a n tɔn boo diɛ.

Ebrəə 12:24

Ká n mɔrɔ Yezu ganaa, asɛ mɛn bɛ́ á lɛ kɔ kɔn la dii lɛ a zɛlɛ baa. Ka ǹ ká n mɔrɔ a mà kɛ ganaa min pii, mà mɛn bɛ́ dí gole nyɛɛ á la Abeli wɔ nɛ.

Zaaki 5:4

A da yaa, ka dí-nyalin mɛnɛn goa ka ǹ kaa kaa wuru dí ganaa, bɛn saraa ǹ giɔ̀mɔ á ka bɔlɔ-a. Bɛ lɛ nɛ ǹ tá n lɛ dii ka ganaa. Kaa *belee-kurulin lɛn lɛ-dɛ kaa Dɛnaa Lawa Pàãyiidɛnaa too ne.

Zozoe 7:19

Zozoe tɔ́n pɛ Aakan nɛ: «Maa nɛgiĩ, bǐɛ̃ kɔ n taãn pɛ Dɛnaa Lawa yɔrɔ-a, Izirayeli minin Lawa lɛ. N sii mɛn zɛnaa, bǐɛ̃ kɔ n pɛ ma-n kɛnɛn kɛnɛn, n nyan toa n pɛ mà ma nə n duri masɛ la wa.»

Samayeli1 13:11

Samayeli pɛ: «Wàa mɛn sii n ke ń zɛnaa?» Sayulu ná a lɛ si: «Masɛ ga a ganaa, zaman lɛ n sasawɛɛ ma toɛ walan, n dinmaa lɛ biikoo mɛn bɔ ń koa, n bɛ́ n ba die bɛ li wa, ka bɛ dɔ nɛ, Filisiti minin lɛn nə́ n sɔkɔn Mikmaasi,