Siin Giala 39:9 - LAWA A BOO SONBORE

⁹ N ba gole masɛ-n kion kɛ lɛ din gɔ́ɔ̃-n wa. A ma kurəə sii kɔ́n ganaa wa, bɛ̀ á n bɔ n din kɛ lɛ nɛ, a lɔ lɛa. Ma n boe la, ma bɛa sii bɔnɛɛ kɛ zɛnaa lɔn, ma wɔ Lawa lon?»

LAWA A BOO SONBORE 2011

⁹ N ba gole masɛ-n kion kɛ lɛ din gɔ́ɔ̃-n wa. A ma kurəə sii kɔ́n ganaa wa, bɛ̀ á n bɔ n din kɛ lɛ nɛ, a lɔ lɛa. Ma n boe la, ma bɛa sii bɔnɛɛ kɛ zɛnaa lɔn, ma wɔ Lawa lon?»

Siin Giala 39:9 ပူးပေါင်းရင်းမြစ်များ

Siin Giala 13:13

Bɛa kiwi lɛ dɔ a minin man nə́ goã we Lawa lon parsiini, ka ǹ zɛnaa ǹ sii babaraan nɛ.

Siin Giala 20:3

Sɛnɛ, Lawa daa Abimelɛki la ka narɛɛ nɛ, á pɛ nɛ kɛnɛn: «Lɔ ke ń bɔ, n tá re giɛ̃ bɛ lɛ taman yii, a giala, a n zuũ li.»

Siin Giala 20:6

Lawa tɔ́n pɛ nɛ a din narɛɛ lɛ nɛ: «Masɛ dɔ á doɛ̃, máa n nə́ n zɛnaa ka gɔ́ɔ̃ fubaa nɛ, ma dinmaa lɛ dɔ n man kurəə wɔ masɛ lon ganaa. Bɛ lɛ nɛ, ma toa ń nə́ n mɔrɔ lɔ lɛ-a wa.

Siin Giala 20:9

Bɛ kio, Abimelɛki Abrahamu bíi, á pɛ nɛ: «Wàa mɛn sii n ke, ń zɛnaa wɔsɛn nɛ? Man má wàa sii la n la, sii baraa lɛa, n nə́ yui sii baraa gole kɛ diɛ ma laanka maa gána minin mìi ni? Zɛnaa ǹ sii bie ka kɛ nɛ ń zɛnaa masɛ-n wa dɛ.

Siin Giala 24:2

Ǹ kɔn pinaa, Abrahamu pɛ a kion a bɛ̀rɛgiĩ goon ne, ǹ mɛn lɛ bɛ́ zizi á la a kion a bɛ̀rɛ gialakunun kɛn manɛ, a n giã nɛ a gɔn mànan tumaa mìi la: «N gɔn da masɛ gisi li.

Siin Giala 39:10

Á goã Zozɛfu gialaa miɛ̃ baraabaraa, mà a waa kun ka asɛ nɛ, a ga asɛ li, sɛnɛ, Zozɛfu goã n too koe a lon wa.

Siin Giala 41:40

N din nə die giɛ̃ maa kion mìi la. Maa minin tumaa á re n bɔlɔ sii, maa kiibaa kɛ dinsɔɔ̃ n die masɛ diɛ n nyɛɛnɛ.»

Siin Giala 42:18

A lɛawaa sɔɔbaa ǹ wɔ pinaa, Zozɛfu tɔ́n pɛ ǹ nɛ: «Ka bɛ́ re sii mɛn zɛnɛɛ ka tɔn la, bɛ ǹ ka kɛ nɛ. Ma á nyɛ́ɛ biɛ Lawa nɛ.

Samayeli2 11:27

A bɛ́ á ǹ zuũ lɛ a gɛ̀ koa á nya, Davida min dia á woo kũ á daa nɛ a din a piɛ. A ná a lɔ baa, á nɛgiĩ yɛ a wɔ lɛa. Sɛnɛ, Davida sii mɛn zɛnaa, a kɔɔ̃n kɔ Dɛnaa Lawa ganaa wa.

Samayeli2 12:13

Bɛ kio, Davida pɛ Natan nɛ: «Má sii babaraa la Dɛnaa Lawa la.» Natan tɔ́n pɛ Davida nɛ: «A bɛ́ miɛ̃, Dɛnaa Lawa nə́ n sii baraa lɛ toa n nɛ. N ba re giɛ̃ wa.»

Nehemii 5:15

Sɛnɛ pàãdɛnan mɛnɛn nə goã masɛ nyɛɛnɛ, bɛn man nə́ goã zaman lɛ nɔmiɛ̃, ǹ nə́ màn-bii laanka duvɛ̃ sii ǹ la, ka wɔrɔ pupusi dɔ nɛ. Haalɛ ǹ dí-nyalin dinin man nə́ goã pàã nyɛɛ zaman lɛ nɛ. Sɛnɛ masɛ, nyɛ́ɛ baa Lawa yii-n lɛ taman yii, ma bɛ miã zɛnaa wa.

Nehemii 6:11

Má tɔ́n na a lɛ si: «Ma din giĩ kɛ miã yoo ma baa si? Masɛ kɛ miã mɛn nə boe la a wɔ Lawa a kion, a la? Ma a we a-n wa.»

Zɔbu 31:23

A giala Lawa a dɔlɔ ke, bɛ lɛ na á goã nyɛ́ɛ diɛ ma ganaa. Ma a boe la ma sii kɔn zɛnaa Lawa gole kɛ yɔrɔ-a wa.

Loen 51:4

Maa kɔkɔrɔbaa ǹ siin kɛn tuturu, n ma *yoreen kɔ n ma bɔ maa sã ǹ sii ni.

Bɔ bɛ̀rɛbaa nɛ 20:14

- N baran naarɛbaa zɛnaa wa.

Suusun 6:29

Min mɛn bɛ́ baa sii ǹ miã kɔsɔ a lɔ kio, a din yii goon ne. Bɛ̀ n mɛn nə n gɔn da a ganaa, ń tá re a mìi gɔ́ɔ̃ ǹ sii yii.

Suusun 6:32

Sɛnɛ giĩ mɛn bɛ́ naarɛbaa zɛnɛɛ kun ka lɔ mɛn bɛ́ zuũ li, yiriwɛɛnaa nɛ. A na a din a yiikoonaabaa ziziɛ̃.

Boo-laakalaali 7:26

Má yɛ dɔn, lɔ mɛn nə́ ke ka kan bɛ́ lɔn, bɛ á kɔɔsɛ á la gɛ̀ nɛ. Bɛa lɔ lɛ a kɔn-narɛɛ n ka zɔ̀ɔ bɛ́ lɔn, a gɔnɔn man ka zɔrɔkan bɛ́ lɔn. Min mɛn a sii bɛ́ kiɛ Lawa foo la, bɛ tá kanbiɛ a ganaa. Sɛnɛ, a gɔn nə doe sii baraa-zɛnaali ganaa.

Zeremii 28:16

Bɛ lɛ nɛ, Dɛnaa Lawa á kɛ pii: «Man die n lui ma n bɔ tán la. N tá re giɛ̃ miɛ̃la a lɛ̀ kɛ lɛ nɛ, a giala, ń zaman lɛ da gòãn dii ganaa Dɛnaa Lawa-a.»

Zeremii 50:7

Bɛ̀ min woo min kaa ǹ lɛ, a n basaã koe ǹ bii. Ǹ zɔ́ɔn man nə́ goã pii: Wɔ sii kɔn la ǹ la baraa wa! Ǹ dinin maǹ nə́ wɔ Dɛnaa Lawa lon, ke, ǹ kiri pepere-wɔle lɛa, ǹ digolon nə goã n foo doɛ ǹ mɛn lɛ ganaa.

Lawa a wúlu-bɔlen 20:10

Bɛ̀ giĩ mɛn naarɛbaa zɛnaa kun ka ǹ miã kɔsɔ a lɔ nɛ, giĩ mɛn naarɛbaa lɛ zɛnaa, a zɛnaa kun ka lɔ mɛn dɔ nɛ, ka ǹ paanan dɛ ǹ gã.

Lawa a wúlu-bɔlen 6:2

Sii nyaa ǹ zii kɛ pɛ Aarɔn laanka a nɛgiĩn manɛ: *Wúlu màn tiɛ̃ lɛ a bɔ ǹ gɔn nə́ ke: A bɛ́ n wúlu màn tiɛ̃ lɛa, a doamaa nɛ a goã *wúlu bɔ ǹ bǎã lɛ a tɛ la, a saa tèlò ganaa a wo baayɛlɛ yaa, tɛ n kuĩ a ganaa miɛ̃.

Minin nimi 32:23

Sɛnɛ, bɛ̀ ka zɛnaa miɛ̃ wa, ka n sii liɛ Dɛnaa Lawa la. Ka dɔ̃ sɛn, mà kaa sii baraa lɛ tá ka kio.

Luku 12:48

Ǹ mɛn dɔ bɛ́, a goã a dɛnaagiĩ foo sii doɛ̃ wa, yǎa a sii zɛnaa á n dɔlɔ bɔ ma ganaa boe, bɛa dɔlɔ a gole koe wa. Ǹ bɛ́ ǹ nə́ màn gigiã kɔ min mɛn la, maǹ die màn gigiã nɔ̀n diɛ bɛa dɛnaa la. Ǹ bɛ́ ǹ nə́ màn gigiã koa min mɛn li, maǹ die màn gigiã liɛ bɛa dɛnaa la.

Korɛnti1 4:2

Ǹ bɛ́ ǹ nə́ màn tamaa min mɛnɛn li, maǹ giɛ li mà ǹ goã min pepere taãnan lɛa.

Tiitii 2:10

Ǹ doamaa bie ǹ nə ǹ mìinaan màn kɔ́n koã wa. Ǹ doamaa nɛ ǹ nə n dinin nyaa min sonboren lɛa, bɔlɔgoondɛnan lɛa, biikoo tumaa li. Bɛa yɔrɔ kɛ lɛ la, daraa ǹ yɔrɔ mɛn bɛ́ wɔ Kirisibaali Lawa wɔ gɔn la, ǹ tá re gugurubaa koe bɛ la sii tumaa gɔ́ɔ̃ nɛ.

Ebrəə 13:4

Min tumaa zín wɔ kɔn-wɔ nɛ. Giĩ laanka lɔ goã bɔlɔgoondɛnan lɛa. A giala, mà Lawa á re kiri kuri naarɛbaalin laanka min kɔrɔn la.

Zaã1 3:9

Min mɛn bɛ́ Lawa a nɛ lɛa, bɛ sii baraa zɛnaa lɛ da, a giala yiikoonaabaa ǹ pàã mɛn bɛ́ boe Lawa li, bɛ tá a nɛ. A bɛ́ n Lawa a nɛ lɛa, a boe la a sii baraa zɛnaa a wo-n ma.

Sii-nyaan 21:8

Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»

Sii-nyaan 22:15

Sɛnɛ, min baraan nɛ, minin yiri sã ǹ dagòã-bɔlen ne, min gɛsɛn nɛ, gɛ̀-dɛlen ne, dì wúlu-bɔlen ne, ka min mɛnɛn tumaa bɛ́ soɛ-bɔ narɛ, ǹ ná a sii zɛnɛɛ, bɛn kɔ́n ba re we kiwi lɛ gɔ́ɔ̃-n wa.