Siin Giala 39:3 - LAWA A BOO SONBORE

³ Bɛ́ yɛ mà Dɛnaa tá kun ni, a bɛ́ dí mɛn tumaa nyɛɛ, a nà a tumaa bǐɛ̃ koe a gɔn.

LAWA A BOO SONBORE 2011

³ Bɛ́ yɛ mà Dɛnaa tá kun ni, a bɛ́ dí mɛn tumaa nyɛɛ, a nà a tumaa bǐɛ̃ koe a gɔn.

Siin Giala 39:3 ပူးပေါင်းရင်းမြစ်များ

Siin Giala 21:20

Lawa nə́ n dɔ nɛginin lɛ lɛ, yǎa á gole kɔ. Á giã Paaran don, á n baa sa-zũli gole lɛa.

Siin Giala 21:22

Bɛa biikoo li, Abimelɛki laanka a sɔraasin goledɛnaa Piikɔlɔ pɛ Abrahamu ni: «Ń bɛ́ sii mɛn tumaa zɛnɛɛ, Lawa tá kunun n ni ka a din tumaa nɛ.

Siin Giala 21:23

Bɛ lɛ taman yii, n liɛ masɛ nɛ ka Lawa nɛ kànaa sisia, mà n ba re masɛ bebele, n nə n bɔ ma li wa. N ba re maa nɛnyaanan dɔn laanka maa nɔ̀ɔnɔn bebele, n nə n bɔ ǹ li wa. Man kũ doɛ̃ lɔn, ń bɛ́ giã-n gána mɛn nɛ, n masɛ laanka bɛ lɛ dɔ kũ doɛ̃ miɛ̃.»

Siin Giala 26:24

Dɛnaa nə́ n din nyaa nɛ, bɛ lɛ a pinaa tèlò-n, á pɛ nɛ: «Masɛ nə n di Abrahamu a Lawa lɛa. N baran nyɛ́ɛ baa wa, ma tá kunun n ni. Ma á re barka we n ne, ma n tɔrɔn mɔnaa. Man die bɛ zɛnɛɛ maa bɛ̀rɛgiĩ Abrahamu taman yii.»

Siin Giala 26:28

Ǹ nə́ Izaaki lɛ si kɛnɛn: «Wɔ́ gɔsɛ wɔ yɛ, Dɛnaa tá kunun n ni. Bɛ lɛ nɛ, wɔ pɛ, wɔa yǎa wɔsɛn nə n liɛ kɔn nɛ, wɔ lɛ kɔ kɔn la we.

Siin Giala 30:27

Laban tɔ́n pɛ nɛ: «Bɛ̀ ma sii tá kɔɔ̃nɛ n ganaa, n nə n too kɔ ma lon. Maa mànan nə́ nyaa ma nɛ, mà n din a lɛa nɛ, Dɛnaa barka wɔ ma nɛ.

Siin Giala 30:30

Ma bɛ́ ma tɔn da ǹ mɛn waáraa wa, màn taãn bɛ́ a goã n lon wa. Sɛnɛ, maa daa kɛ lɛ gɔ́ɔ̃ nɛ, Dɛnaa barka wɔ n nɛ, n gɔn màn mɔnaa parsiini. Masɛ n die ma din a kion dí nyɛɛ biĩ kəni?»

Siin Giala 39:2

Dɛnaa Lawa goã kun ka Zozɛfu ni, a nya ǹ dí tumaa siĩn kɔ. Zozɛfu giã a dɛnaagiĩ lɛ a kion.

Siin Giala 39:21

Lawa bǐɛ̃ zɛnaa nɛ, a ná a sii kɔɔ̃n kɔ kòso kion-lɛduə̃li ganaa.

Siin Giala 39:23

Kòso kion-lɛduə̃li lɛ dí mɛn toa Zozɛfu gɔn, a din goã giɛ ǹ kɔn walan doo wa, a giala, mà Dɛnaa goã kun Zozɛfu ni. A bɛ́ á goã dí woo dí nyɛɛ, Dɛnaa goã a tumaa bǐɛ̃ koe a gɔn.

Kiin2 18:7

Dɛnaa Lawa goã kun ni, bɛ̀ á sii woo sii zɛnaa bɛ n bǐɛ̃ koe. Á n gòãn dii Asiirii gána a kii ganaa, a goã a pàã giulun doo wa.

KZS1 22:13

N wɔ á re bǐɛ̃ koe bɛ̀ n kɔ dí-pɛn kɛn lɛ ka landa boon kɛn nɛ Dɛnaa nə́ n kɔ Muizu la Izirayeli wɔ lɛa. Toa n goã kaka n foo tã, nyɛ́ɛ nyan nə n kũ wa, n nyan nə n foo ziziɛ̃ wa.

KZS1 9:20

Eleyazaara a nɛ Pinaasi na á goã ǹ nyɛɛnaandɛnaa lɛa lɛlɛ, a giala Dɛnaa Lawa goã kun ni.

KZS2 1:1

Davida a nɛgiĩ Salomɔn gòã wɔ tán a kiibaa gɔ́ɔ̃ nɛ. Dɛnaa Lawa, a Lawa na á goã kun ni a ná a tɔ saa lon parsiini.

KZS2 26:5

Oziasi ga Lawa li Zakarii a yiikoonaabaa tumaa waáraa, asɛ mɛn bɛ́ Lawa a sii-yɛn doɛ̃. A goã giɛ li biikoo mɛn tumaa li, Lawa toa a siin ni yɔrɔ yɛ.

Nehemii 2:20

Má tɔ́n nə ǹ lɛ si kɛnɛn: «Lon a Lawa din nə die sii kɛ lɛ bǐɛ̃ koe a kɔ wɔ la. Wɔsɛn kɛn, a dí-nyalin lɛa, wɔ n die yui wɔ kion lɛ dɔ. Sɛnɛ, ka kɛn, ka gii ba re goɛ̃ màn kɔn nɛ Zeruzalɛmu wa, ka sii ba re goɛ̃ sii kɔn nɛ Zeruzalɛmu wa, min ba re n yiri gisĩ ka ni Zeruzalɛmu wa.»

Loen 1:3

A n ka da mɛn bɛ́ ǹ nə́ zumu tà lɛ-a, a na a nɛ koe a biikoo li, a luu a bɛbɛnɛ wa. Bɛa dɛnaa kɛ bɛ́ sii mɛn tumaa zɛnɛɛ, a n bǐɛ̃ koe.

Zakarii 8:23

Masɛ Dɛnaa Lawa Pàãyiidɛnaa n kɛ pii ka nɛ: Bɛa waáraa, tii tɔrɔ fù, ǹ tumaa n bɔlɔ totoro pii, bɛn tá re n gɔn parɛɛ *Zuifu min a mɔnaa lɛkoro ganaa, ǹ pɛ nɛ: «Wɔ n li wɔ wo kunun n ni. A giala, wɔ ma mà Lawa n kun ka nɛ.»

Matiə 5:16

Kaa bólon fúlu doamaa nɛ a kũ minin yɔrɔ-a miɛ̃, màn mɛn bɛ́ toɛ minin nə kaa zɛnaa ǹ sii sonboren yɛ, ǹ boo la ǹ kaa Díi Lawa guguru kɔ.

Korɛnti1 16:2

Didie tumaa bɛ́ wɔrɔ mɛn yii, a kɔnpɛ ka a din pàã yii ni, dimaasi gogoon tumaa li, á boe la a bɛ koa a din li, bɛ̀ ma baa die. Ka zɛnaa miɛ̃, màn mɛn bɛ́ toɛ, ka nyan nə n yii da maa daa la ka tɔn bobo wa.

Timəə dí-pɛn 2:7

A giala, kaa Lawa, Dɛnaa Lawa lɛ barka da ka ganaa, kaa nya ǹ dí tumaa gɔ́ɔ̃ nɛ, a din na á ga ka walan. Kaa Lawa, Dɛnaa Lawa lɛ lɛ̀ pusi n ke kun ka nɛ, màn kɔn tɔn nyaabaa ka-a wa.

Zozoe 1:9

Ma din bie má pɛ n nɛ, máa n nə n gù we yii n nə n foo taã wa ya? N baran nyɛ́ɛ baa wa, n baran toa n gù gã wa. A giala, masɛ Dɛnaa Lawa mɛn lɛ á ke n Lawa lɛa, ń bɛ́ re woe bǎã woo bǎã nɛ, masɛ tá kunun n ni.»

Sii-nyaan 3:9

Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, maǹ soɛ boe, maǹ *Sɛtaan a lɛ-kaakun minin lɛa, ma á re ǹ kuĩ ka pàã nɛ, ǹ da kaa tán ka giulun. Ǹ tá re doɛ̃ ka bɛ nɛ, mà ma á ka narɛ.

Samayeli1 18:14

A soon lɛn tumaa gɔ́ɔ̃ nɛ, á goã gɔ̀lɔ̀baa yii, a giala Dɛnaa Lawa goã kun ni.

Samayeli1 18:28

Sayulu yɛ, á dɔ̃ dɔn, mà Dɛnaa Lawa goã kun ka Davida nɛ, mà a nɛlɔ, Mikaali tá Davida narɛ.

Samayeli1 3:19

Samayeli bɛ́ gole koe woe, Dɛnaa Lawa goã kun ni, a boon lɛn kɔn goã kooro, lɛ-pã baã wa.