Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Siin Giala 39:2 - LAWA A BOO SONBORE

2 Dɛnaa Lawa goã kun ka Zozɛfu ni, a nya ǹ dí tumaa siĩn kɔ. Zozɛfu giã a dɛnaagiĩ lɛ a kion.

အခန်းကိုကြည့်ပါ။ ကော်ပီ

LAWA A BOO SONBORE 2011

2 Dɛnaa Lawa goã kun ka Zozɛfu ni, a nya ǹ dí tumaa siĩn kɔ. Zozɛfu giã a dɛnaagiĩ lɛ a kion.

အခန်းကိုကြည့်ပါ။ ကော်ပီ




Siin Giala 39:2
32 ပူးပေါင်းရင်းမြစ်များ  

Lawa nə́ n dɔ nɛginin lɛ lɛ, yǎa á gole kɔ. Á giã Paaran don, á n baa sa-zũli gole lɛa.


Bɛa biikoo li, Abimelɛki laanka a sɔraasin goledɛnaa Piikɔlɔ pɛ Abrahamu ni: «Ń bɛ́ sii mɛn tumaa zɛnɛɛ, Lawa tá kunun n ni ka a din tumaa nɛ.


Dɛnaa nə́ n din nyaa nɛ, bɛ lɛ a pinaa tèlò-n, á pɛ nɛ: «Masɛ nə n di Abrahamu a Lawa lɛa. N baran nyɛ́ɛ baa wa, ma tá kunun n ni. Ma á re barka we n ne, ma n tɔrɔn mɔnaa. Man die bɛ zɛnɛɛ maa bɛ̀rɛgiĩ Abrahamu taman yii.»


Ǹ nə́ Izaaki lɛ si kɛnɛn: «Wɔ́ gɔsɛ wɔ yɛ, Dɛnaa tá kunun n ni. Bɛ lɛ nɛ, wɔ pɛ, wɔa yǎa wɔsɛn nə n liɛ kɔn nɛ, wɔ lɛ kɔ kɔn la we.


Á ke, ma á kunun n ni! N bɛ́ re woe bǎã woo bǎã nɛ, ma á re n tamaɛ, ma á re toɛ, n nə n bɔyaa n da gána kɛ nɛ. Ma a re n toɛ walan duduu wa, ma n lɛ kɔ n la ka sii mɛn tumaa nɛ, yǎa ma bɛ tumaa zɛnɛɛ n nɛ.»


Kòso kion-lɛduə̃li lɛ dí mɛn toa Zozɛfu gɔn, a din goã giɛ ǹ kɔn walan doo wa, a giala, mà Dɛnaa goã kun Zozɛfu ni. A bɛ́ á goã dí woo dí nyɛɛ, Dɛnaa goã a tumaa bǐɛ̃ koe a gɔn.


Bɛ́ yɛ mà Dɛnaa tá kun ni, a bɛ́ dí mɛn tumaa nyɛɛ, a nà a tumaa bǐɛ̃ koe a gɔn.


Dɛnaa Lawa goã kun ni, bɛ̀ á sii woo sii zɛnaa bɛ n bǐɛ̃ koe. Á n gòãn dii Asiirii gána a kii ganaa, a goã a pàã giulun doo wa.


Eleyazaara a nɛ Pinaasi na á goã ǹ nyɛɛnaandɛnaa lɛa lɛlɛ, a giala Dɛnaa Lawa goã kun ni.


Davida a nɛgiĩ Salomɔn gòã wɔ tán a kiibaa gɔ́ɔ̃ nɛ. Dɛnaa Lawa, a Lawa na á goã kun ni a ná a tɔ saa lon parsiini.


A n ka da mɛn bɛ́ ǹ nə́ zumu tà lɛ-a, a na a nɛ koe a biikoo li, a luu a bɛbɛnɛ wa. Bɛa dɛnaa kɛ bɛ́ sii mɛn tumaa zɛnɛɛ, a n bǐɛ̃ koe.


Lawa tɔ́n pɛ: Ka a lɛ da dɛ! Ka dɔ̃ mà ma din nə Lawa lɛa! Má gɔ̀lɔ̀baa yɛ gánan la, má gɔ̀lɔ̀baa yɛ tɔrɔn la.


Lawa bɛ́ á boo da, gánan nə́ gigini, tɔrɔn nə́ bìn da, tán nə́ yo ka nyɔɔ nɛ, nyɛ́ɛ gɔn.


Bɛ̀ á lɛ dia ma la, ma á re n nyii la. Bɛ̀ fuu yɛ, ma á re goɛ̃ kun ni. Ma á re boe ma da, ma gugurubaa kɔ la.


Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.


Ta ma n mu zuzulu kuri, ma tá kunun n ni. Ta ma n tà kuri, mu á re n kuĩ wa. Ta ma n tɔ we tɛ bii, a re n kuĩ wa. Tɛ buə̃ lɛwɔn ba re miɛ n-a wa.


Man die n biɛ ka zan kungɔn bɛ́ lɔn, min kɔn ná a boe la a nɔɔ a kaa wa. Ǹ tá re yui n gialaa, sɛnɛ, ǹ ba re boe n la wa. Sonbore, ma á re goɛ̃ kunun n ni, ma á re n kirisibiɛ. Dɛnaa Lawa a da ǹ boo ne


«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»


Giĩ lɛ Filipi lɛ si: «Man siɛ lɔn ma a giala ma, bɛ̀ min na a yɔrɔ pɛ ma-n wa?» Á lɛ dia Filipi la, á wɔ wotoro lɛ nɛ á giã a li.


Min mɛnɛn tumaa bɛ́ bɛ̀rɛbaa gɔ́ɔ̃ nɛ, bɛn doamaa nɛ ǹ ga ǹ goledɛnan ganaa, mà ǹ doamaa-n ka guguru kɔ lɛ piɛ̃ nɛ. Màn mɛn bɛ́ toɛ, Lawa tɔ baraa baran n pɛ wa, baraa dɔ baran n pɛ, minin daraa ǹ boo kɛ wɔ paǹ li wa.


A n toa n yii n koo, min kɔn ba re golee n yɔrɔ-a a yɔ bɔ n ganaa wa. A giala, masɛ goã kun ka Muizu-n lɔn ke, man die goɛ̃ kun ka n dɔ-n miɛ̃. Ma a die n gɔn boe n ganaa wa, ma a re n toɛ walan duduu wa.


Ma din bie má pɛ n nɛ, máa n nə n gù we yii n nə n foo taã wa ya? N baran nyɛ́ɛ baa wa, n baran toa n gù gã wa. A giala, masɛ Dɛnaa Lawa mɛn lɛ á ke n Lawa lɛa, ń bɛ́ re woe bǎã woo bǎã nɛ, masɛ tá kunun n ni.»


Dɛnaa Lawa goã kun ka Zozoe ne. Zozoe tɔ bɔ gána lɛ paǹ tumaa nɛ.


Dí-nyalin lɛn min goon ná a lɛ si: «Sonbore, Zesee lɛ, Bɛtlehɛmu min lɛa, ma bɛa nɛginin kɔn yɛ, á boe a dɛ la. Zia-baali sonbore ne, á nɛginin lɛa, á boo diɛ ka yiri ni, a n giĩ siĩn dɔ lɛa. Dɛnaa Lawa tá kun ni.»


A soon lɛn tumaa gɔ́ɔ̃ nɛ, á goã gɔ̀lɔ̀baa yii, a giala Dɛnaa Lawa goã kun ni.


Sayulu yɛ, á dɔ̃ dɔn, mà Dɛnaa Lawa goã kun ka Davida nɛ, mà a nɛlɔ, Mikaali tá Davida narɛ.


Samayeli bɛ́ gole koe woe, Dɛnaa Lawa goã kun ni, a boon lɛn kɔn goã kooro, lɛ-pã baã wa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ