Siin Giala 37:8 - LAWA A BOO SONBORE

⁸ Ǹ golon lɛn nə́ tɔ́n a lɛ si ǹ nə́ pɛ: «A nə n yiri ni, mà n nə ǹ die giɛ̃ wɔsɛn mìi la kii lɛa kən le?» Bɛa narɛɛn lɛn taman yii, ka a bɛ́ boon mɛnɛn dɔn diɛ, a tìĩ wusoo á bɔ ǹ golon lɛn nyin ni doo, á la lɛlɛ wɔ nɛ.

LAWA A BOO SONBORE 2011

⁸ Ǹ golon lɛn nə́ tɔ́n a lɛ si ǹ nə́ pɛ: «A nə n yiri ni, mà n nə ǹ die giɛ̃ wɔsɛn mìi la kii lɛa kən le?» Bɛa narɛɛn lɛn taman yii, ka a bɛ́ boon mɛnɛn dɔn diɛ, a tìĩ wusoo á bɔ ǹ golon lɛn nyin ni doo, á la lɛlɛ wɔ nɛ.

Siin Giala 37:8 ပူးပေါင်းရင်းမြစ်များ

Siin Giala 27:41

Ezawu Zakɔba baa zɔ́ɔ, ǹ di a lɛn bǐɛ̃ bíi li lɛ taman yii. Á pɛ a din gɔ́ɔ̃-n kɛnɛn: «Maa díi lɛ a gɛ̀ dɔ á nya. Bɛa pinaa, man die ma diɛ̃ Zakɔba dii.»

Siin Giala 37:4

Ǹ golon lɛn nə́ yɛ, mà Zozɛfu sii a kɔɔ̃nɛ ǹsɛn di lɛ ganaa, á la ǹsɛn tumaa nɛ. Ǹ golon lɛn nə́ da ǹ gɔ́ɔ̃ nɛ, ǹ boo la ǹ nə́ boo da-n doo ka bɔlɔ bǐɛ̃-n wa.

Siin Giala 37:9

Bɛ kio, Zozɛfu wusoo á narɛɛ kɔsɔ wɔ doo, á bɛ dɔ laakalaa ǹ golon lɛn manɛ. Á pɛ ǹ nɛ: «Á ke. Man má n narɛ doo, ka wasa nɛ, ka mui laanka leere fulugoon ne, ǹ nə́ daa kaa tán ma giulun.»

Siin Giala 42:10

Ǹ nə́ Zozɛfu lɛ si kɛnɛn: «Haayii dɛ! Wɔa dɛnaagiĩ, wɔ ǹ wɔ́ daa belee pii.

Siin Giala 44:18

Zudaa nə́ n zɔ̃ á dɔ Zozɛfu li, á pɛ nɛ: – Ń golebaa lɛ laanka *Faarahɔn wɔ n goon. Dɛnaagiĩ, sabara baa, n toa ma boo goon pɛ n nɛ, n foo baran yoo ma li wa.

Siin Giala 49:26

Là mɛn bɛ́ boe lɛlɛ a kelen kɛn nɛ, màn mɛn bɛ́ yii tenten zizin kɛn la, masɛ bɛ́ barka mɛn diɛ n ganaa, á la bɛ nɛ. Nsɛ Zozɛfu mɛn bɛ́ maa nɛgiĩ lɛa, nsɛ mɛn bɛ́ ǹ dɔɔ̃nɔn mìi la, bɛa barka lɛ n koe n kio lɛ miɛ̃.

Siin Giala 50:18

Bɛ kio, ǹ golon lɛn nə́ n gɔn bɔ ǹ dinin ganaa, ǹ nə́ kaa tán a giulun, ǹ nə́ pɛ nɛ: «Wɔ tá n gɔn, n bɛ̀rɛn lɛa!»

Loen 118:22

Kion-dɔlen nə n piã ka kɔlɔ mɛn nɛ, a din na á wusoo á kɛ gùrù dɔ ǹ kɔlɔ baa.

Bɔ bɛ̀rɛbaa nɛ 2:14

Giĩ lɛ mà a ganaa: «Die na á n koa kii laanka kiri-wɔle lɛa wɔsɛn mìi la? Ma n giɛ li n masɛ dɔ dɛ, ka n bɛ́ ń Ezipti min kɛ dɛ lɔn?» Nyɛ́ɛ Muizu kũ, á pɛ kɛnɛn: «Haya, maa sii lɛ bɔ kanaa kəni!»

Luku 19:14

Sɛnɛ, a kɔɔ̃n a din a gána minin ganaa wa. Ǹ nə́ minin dia a kio mà ǹ pɛ kii gole gole lɛ nɛ, mà ǹsɛn ba li a giã ǹsɛn mìi la wa.

Luku 20:17

Sɛnɛ, Yezu ga ǹ ganaa á pɛ: – Lawa a boo lɛ a paǹ kɛ n wàa mɛn giala pii: «Kion-dɔlen bɛ́ ǹ nə́ n piã ka kɔlɔ mɛn nɛ, bɛ lɛ na a wusoo á kɛ gùrù dɔ ǹ kɔlɔ baa?»

Nya ǹ dín 7:35

Muizu mɛn bɛ́ Izirayeli nɛnyaanan nə́ n piã nɛ, Lawa na á ná a lon a dia dí-a wole da daãn nɛ, a din lɛ bíi, mà a ǹ kii baa ka ǹ si sii la wole ne, ǹ nɔ̀n da min mɛn la lɛn mà «Die na á koa kii laanka kiri-wɔle lɛa?»

Timəə dí-pɛn 33:16

Gána sonbore kɛ lɛ a naforo ne, Lawa mɛn bɛ́ á n din nyaa daãn nɛ, bɛa bǐɛ̃ nɛ, bɛ die a dɔ Zozɛfu tɔrɔn kɛn ganaa, Zozɛfu mɛn bɛ́ á ǹ dɔɔ̃nɔn mìilandɛnaa baa.

Ebrəə 10:29

Sɛnɛ, min mɛn bɛ́ Lawa a Nɛgiĩ kɛ puusə koe, á n giɛ Lawa a lɛ kɔ kɔn la ǹ mà kɛ lɛ ganaa sàn kɔ ǹ màn lɛa, mà mɛn bɛ́ a ná a yoreen kɔ, á n boo baraa diɛ Lawa a bǐɛ̃baa ǹ Yiri Fu kɛ ganaa, ka a taasɛ mà bɛ doamaa-n ka dɔlɔ baraa-n wa?

Samayeli1 10:27

Sɛnɛ min kɔrɔn nə́ yɛ, ǹ nə́ goã pii kɛnɛn: «Wàa-n sɛn! Kɛ lɛ n die wɔsɛn boe a nɛ!» Ǹ pàã wɔ Sayulu n wa, ǹ bǐɛ̃ goon baa la wa. Sɛnɛ Sayulu giã ka a din ni.

Samayeli1 17:28

Eliabu lɛ, ǹ golon lɛn gole lɛa, Davida boo mɛn pɛ minin lɛn manɛ, á ma. A foo yoo Davida li, á pɛ nɛ: «Ma nə n daa wàa pɛ kànaa? Ma nə n die koa n sèren lɛn li don? Ma nə n yii we sii la, n taasiɛ a siĩn wa, zia lɛ a gamaa lɛa nɛ, ń daa.»

Samayeli1 18:8

Boo lɛ kɔɔ̃n kɔ Sayulu ganaa wa. A foo yoo parsiini, á tɔ́n pɛ: «Minin lɛ n boe pii mà masɛ n má min gigiã dɛ, sɛnɛ mà Davida na á min duu damata dɛ? A n giɛ wàa li kɛ kio, bɛ̀ kiibaa bie wa.»