Siin Giala 32:7 - LAWA A BOO SONBORE

⁷ Dia dí-a wolen lɛn nə́ n bɔyaa, ǹ nə́ daa Zakɔba li, ǹ nə́ pɛ nɛ: «Wɔ́ woo n golo Ezawu lɛ li. A dɔ á zii la die n diɛ n lɛ, ka giĩ biɛsii-n (400) kun ni.»

LAWA A BOO SONBORE 2011

⁷ Dia dí-a wolen lɛn nə́ n bɔyaa, ǹ nə́ daa Zakɔba li, ǹ nə́ pɛ nɛ: «Wɔ́ woo n golo Ezawu lɛ li. A dɔ á zii la die n diɛ n lɛ, ka giĩ biɛsii-n (400) kun ni.»

Siin Giala 32:7 ပူးပေါင်းရင်းမြစ်များ

Siin Giala 32:11

Masɛ mɛn bɛ́ n bɛ̀rɛ lɛa, n bǐɛ̃ mɛn tumaa zɛnaa ma nɛ ka bɔlɔgoondɛnaabaa nɛ, ma doamaa bie-n duduu wa! A giala, ma bɛ́ Zurdɛ̃ tà kuri ǹ mɛn waáraa má n woe, bɛ̀ maa bàbàla goon toto kɛ dinsɔɔ̃ n ma gɔn. Sɛnɛ, sisia, ma á ke má n bɔyaa ka gɔn mànan nɛ kuru paa.

Siin Giala 32:3

A bɛ́ á ǹ yɛ lɔn gɔrɔ, á n lɛ dɛ kɛnɛn: «Eh! Lawa a zia nɛn man ka kɛn nɛ.» Á bɛa bǎã lɛ bíi Maanayimu (bɛ giala mà "Zia-baali kuru paa").

Siin Giala 32:8

Nyɛ́ɛ Zakɔba kũ parsiini, a gɔ̀nɔn bìn da. Minin mɛnɛn bɛ́ kun ni, sèren laanka bòen ne ka diin ni, ka nyɔɔmaan lɛn nɛ, á ǹ tala kɔn wɔlɔ paa.

Siin Giala 33:1

Zakɔba nə́ n yii saa á ga, á Ezawu yɛ die ka giĩ biɛsii-n (400) kun ni. Á nɛnyaanan lɛn gii Leyaa laanka Raseli bii, ka bɛ̀rɛlɔ min paa lɛ nɛ.

Siin Giala 35:3

Ka yoo wɔ n ta Betɛli. Lawa mɛn bɛ́, á maa nyankɔ lɛ si, maa nɔmaa biikoo li, man die wúlu bɔ ǹ bǎã doe bɛ-n walan. Ma bɛ́ woe bǎã woo bǎã nɛ, a din Lawa lɛ n kun ka ma nɛ.»

Loen 107:6

Ǹ bɛ́ fuu lɛ gɔ́ɔ̃ nɛ, ǹ nə́ n lɛ dɛ Dɛnaa Lawa ganaa, Dɛnaa Lawa nə́ ǹ si ǹ nɔmaa kɛ la.

Loen 112:5

Min mɛn bɛ́ nɔmaa-wɔle makara doɛ̃, á n giɔ̀mɔ diɛ a ganaa, a ná a sii yɔrɔ boe ka peperebaa nɛ, bɛa dɛnaa wɔ á re bǐɛ̃ koe.

Loen 142:4

Ma gù yii bɛ́ á gã ma din-a, n din tá doɛ̃, ma bɛ́ woe maa. Ma zii mɛn saa má n tɔ we la, ǹ nə́ kan koa maa zii la.

Loen 31:13

Minin yiri bɔ ma nɛ ka man má gã, ǹ yiri bɔ ma nɛ, ka màn ziziɛ̃ nɛ.

Loen 61:2

Lawa, n too kɔ maa lɛ-dɛ li, n too kɔ maa nyankɔ li.

Bɔ bɛ̀rɛbaa nɛ 14:10

Faarahɔn bɛ́ á diri, Izirayeli nɛnyaanan nə́ n yii saa, ǹ nə́ ga. Ǹ nə́ yɛ mà Ezipti minin lɛn man nə́ zii saa, ǹ tá ǹ kio lui. Nyɛ́ɛ nə́ ǹ kũ parsiini, ǹ nə́ n lɛ dɛ Dɛnaa Lawa ganaa.

Suusun 2:11

Sii bɔkɔnlɛ á re n tamaɛ̃, yirikɔɔ̃baa nə n lɛduə̃.

Izayii 28:26

A Lawa na á bɛa sii zɛnaa ǹ gɔn kɛ lɛ nyaa nɛ, á daraa a ganaa.

Matiə 10:16

Haya! Masɛ n ka diɛ ka sèren bɛ́ woe don ginin bii lɔn. Bɛ lɛ taman yii, ka yiri bɔ ka dinin li ka miɛ̃ bɛ́ yiri boe a din li lon, sɛnɛ, ka goã basiɛ̃-n ka zɛrɛkantoan bɛ́ lɔn, ka baran basaã kɔ wa.

Matiə 8:26

Yezu tɔ́n pɛ ǹ nɛ: «Wàa na á baa ka tá nyɛ́ɛ biɛ miɛ̃, kaa golee Lawa li a kiɛɛrɛ dɛ!» Bɛa bǎã-n gɔrɔ, Yezu yoo, á paraa piɛ̃ lɛ laanka tà mu lɛ li. Wɔlɔ nyɛɛ ka kiĩn.

Zaã a sɛ́wɔ 16:33

Man má kɛ pɛ ka nɛ, màn mɛn bɛ́ toɛ, ka goã là nyantoro la masɛ li. Kanaa kɛ gɔ́ɔ̃ nɛ ka n nɔmaa la, sɛnɛ, ka n foo taã, má gɔ̀lɔ̀baa si kanaa la.»

Nya ǹ dín 14:22

Ǹ nə́ Lawa-nyankɔlen foo taã bɛa kiwin lɛn nɛ, ǹ nə́ ǹ nyankɔ mà ǹ nə n doa ǹ wo nyɛɛnɛ golee Lawa li gɔ́ɔ̃ nɛ. Ǹ nə́ pɛ ǹ nɛ, mà ǹsɛn doamaa nɛ ǹ nɔmaa gigiã bii wɔsɔ ǹ kiɛ̃, ǹ tɔn wɔ Lawa kiibaa ǹ bǎã lɛ nɛ.

Korɛnti2 1:4

Lawa din nə ma foo taɛ̃ maa fuu-yɛ tumaa gɔ́ɔ̃ nɛ. Ma foo tãbaa mɛn yɛ a din li, a n mà ma boo la ma fuu-yɛlen tumaa foo taã ka bɛ lɛ nɛ.

Timote2 3:12

Min mɛnɛn tumaa bɛ́ li dinin, ǹ nyɛ́ɛ baa Lawa nɛ, ǹ kɔ Yezu *Krita lɛ, bɛn tumaa á re fuu yii.