Siin Giala 32:4 - LAWA A BOO SONBORE

⁴ Zakɔba minin dia ǹ golo Ezawu li a nyɛɛnɛ Seyiri gána nɛ, Edɔmu don.

LAWA A BOO SONBORE 2011

⁴ Zakɔba minin dia ǹ golo Ezawu li a nyɛɛnɛ Seyiri gána nɛ, Edɔmu don.

Siin Giala 32:4 ပူးပေါင်းရင်းမြစ်များ

Siin Giala 23:6

«Giĩ lɛ, n too kɔ wɔ lon! Lawa na á n baa kii lɛa wɔsɛn bii. Wɔsɛn bǎã lɛ mɛn a gere yala bɛ́ siĩni, n lɔ lɛ gere bĩ walan. Wɔa min kɔ́n ba re boe la a n piã, mà a ba a yala koe n la, n nə n lɔ gere bĩ a-n wa.»

Siin Giala 25:30

Á tɔ́n pɛ Zakɔba nɛ: «Toa ma zii tã kɛ kɔ́n bɔ ma da ma lɛ-n, a giala, bòo n die ma dii. Bɛ lɛ nɛ, ǹ nə́ tɔ́n Ezawu bíi Edɔmu, bɛ giala mà "Tã".»

Siin Giala 27:29

Lawa die a toa tɔrɔ kɔsɔn nə dí nya n nɛ, minin nə kaa tán n giulun, ǹ nə n guguru kɔ. Lawa die a n koa n dɔɔ̃nɔn mìi la, n dan a nɛnyaanan nə kaa tán n giulun, ǹ nə n guguru kɔ. Bɛ̀ min lɛn pɛpiã bíi n li, a kũ ǹ dɛnaa din mìi ni. Bɛ̀ min lɛn bǐɛ̃ bíi n li, lɛn bǐɛ̃ kɔ bɛa dɛnaa lɛ.»

Siin Giala 27:37

Izaaki tɔ́n boo lɛ saa, á pɛ Ezawu ni: «Má Zakɔba koa n mìi la, má n dɔɔ̃nɔn tumaa kɔ la bɛ̀rɛ lɛa. Má pɛ máa Lawa die a belee kɔ la, ka duvɛ̃ dii ni. Ma n boe la, ma wàa zɛnaa n nɛ doo, maa nɛ?»

Siin Giala 31:41

Ma lɛ̀ fuə n ke n kion. Má dí nya n nɛ lɛ̀ fulusii gɔ́ɔ̃ nɛ, n nɛlɔ min paa kɛn lɛa. Ma dí nya n nɛ lɛ̀ sɔrɔ gɔ́ɔ̃ nɛ, màn mɛn bɛ́ toɛ, ma tɔɔn yɛ. Sɛnɛ, ń maa saraa bɔyaa gunyin fù.

Siin Giala 32:18

Á pɛ bɛ̀rɛgiĩ bibinaan nɛ, á laa a ganaa: – Bɛ̀ ma gologiĩ Ezawu kaa n lɛ, yǎa a nɔ̀n da n la mà die a min ni n ni? Mà n nə n woe maa? Mà tɔɔn kɛn n nyɛɛnɛ, mà die wɔn manɛ?

Siin Giala 32:5

Zakɔba pɛ dia dí-a wolen lɛn nɛ á laa ǹ ganaa mà ǹ pɛ Ezawu ni mà a bɛ̀rɛgiĩ Zakɔba n kɛ pii: «Má giã Laban li má belebɔ, yǎa sisia.

Siin Giala 33:14

Bǐɛ̃ kɔ, n wo wɔ nyɛɛnɛ. Ma din tá re tɔ we tɔɔn lɛn kio boɛboɛ, kun ka nɛnyaanan lɛn nɛ, yǎa ma doe n li Seyiri gána nɛ.»

Siin Giala 33:8

Ezawu nɔ̀n da: «Ma kaa tɔɔn mɛnɛn lɛ, n nə n die wàa zɛnɛɛ ka bɛn tumaa nɛ?» Zakɔba tɔ́n pɛ: «Man má daa n mɛ bɔ n nɛ, ka bɛn nɛ.»

Siin Giala 36:8

Ezawu lɛ ǹ tá bíi Edɔmu, bɛ giã Seyiri a kelen la.

Siin Giala 36:9

Edɔmu minin digolo Ezawu mɛn bɛ́, á goã giã-n Seyiri a kelen la, bɛ tɔrɔn man ka kɛn nɛ:

Siin Giala 4:7

Bɛ̀ ń zɛnaa doɛ̃, n tá re n mìi siɛ lon. Sɛnɛ, bɛ̀ n zɛnaa doɛ̃ wa, sii baraa tá n kiɛnlɛ-a, kɔɔ̃naa we n ganaa, á n giɛ li mà a n kũ a giã n mìi la. Sɛnɛ, n doa n nə n si sii baraa lɛ la.»

Kiin1 20:32

Ǹ nə́ tɔ́n gɛ̀ koa ǹ mɔnaan lɛn yii ǹ bɔsɔ-n, ǹ nə́ biɛn da ǹ mìi ni, ǹ nə́ woo dɔ Izirayeli gána a kii lɛ li, ǹ nə́ pɛ nɛ: «N dí-nyali Bɛn-Adaadi na á pɛ, mà asɛ nə n nyín nyankoe!» Akaabu nə́ n toa mà a yii á tɔn koo? Ma asɛ dɔɔ̃n nɛ dɔn!

Bɔ bɛ̀rɛbaa nɛ 32:22

Aarɔn ná a lɛ si: – Diɛ̃giĩ, ma nə n nyankoe, n foo baran yoo wa. N dinmaa á doɛ̃, mà zaman kɛ lɛ yii á fuu, a sii baraa zɛnaa.

Suusun 15:1

Lɛ si ka bɔlɔ kɔɔ̃n nɛ n foo wɛɛ. Sɛnɛ, boo baraa n foo diɛ yoo ganaa.

Suusun 25:15

Bɛ̀ n nə foo kũ n bele bɔ nɛ, ń tá kiri-wɔle yiri wɛɛ. Boo kɔɔ̃n tá boe la a min kakaarɛ basã.

Suusun 6:3

Bɛ̀ á miɛ̃, ń bɛ́ re ń sii giɔ̀mɔ dɛnaa la lɔn, bɛ á ke: Wo goã-kũ da a ganaa, n nə n laa a ganaa, n na a nyankɔ.

Boo-laakalaali 10:4

Bɛ̀ goledɛnaa foo yoo n li, giã ka n din ni. A giala, boo ma foo la tá min kanbiɛ sii baraa dadaran ganaa.

Izayii 21:11

Duumaa a boo gii. Lɛ-dɛ n boe Seyiri a n pii: «Wɔlɔ-lɛduə̃li, ma n wàa boo diɛ tèlò paǹ li?» «Wɔlɔ-lɛduə̃li, ma n wàa boo diɛ tèlò paǹ li?»

Luku 14:11

A giala min woo min, a tá n din siɛ lon, Lawa á re bɛ gisĩ, min mɛn bɛ́, n din boɛɛn koe, Lawa á re bɛ siɛ lon.

Piɛrɛ1 3:6

Saaraa na á goã zɛnɛɛ miɛ̃, a na á goã n zuũ Abrahamu bɔlɔ sii, a n bíi mà "Asɛ a dɛnaagiĩ". Kasɛn man bɛa Saaraa lɛ a nɛlɔn lɛa pelo, bɛ̀ ka á bǐɛ̃ zɛnɛɛ miɛ̃, ka n ka a toɛ màn kɔ́n tá nyɛ́ɛ diɛ ka ganaa wa.

Sii yɔrɔ-bɔlen 5:4

Dɛnaa Lawa, n bɛ́ ń bɔ Edɔmu gána nɛ ń daa, n bɛ́ ń gisĩ ń nə n bɔ Seyiiri kele kɛ la, tán bìn da, mu bɔ lon á kaa, la bɔ labaran nɛ á kaa.

Samayeli1 26:17

Sayulu Davida lɛn gɔ́ɔ̃ dɔ̃, á tɔ́n pɛ: «Maa nɛgiĩ Davida, n din lɛn gɔ́ɔ̃ nɛ?» Davida ná a lɛ si: «Maa dɛnaagiĩ kii, ma din lɛn gɔ́ɔ̃ nɛ.»