Siin Giala 32:30 - LAWA A BOO SONBORE

³⁰ Zakɔba tɔ́n nɔ̀n da la: «Bǐɛ̃ kɔ, n nə n tɔ pɛ ma nɛ.» Mà Zakɔba ganaa: «Wàa na á baa, ń tá nɔ̀n diɛ ka ma tɔ nɛ?» A din bǎã lɛ nɛ, á lɛn bǐɛ̃ bíi Zakɔba li.

LAWA A BOO SONBORE 2011

³⁰ Zakɔba tɔ́n nɔ̀n da la: «Bǐɛ̃ kɔ, n nə n tɔ pɛ ma nɛ.» Mà Zakɔba ganaa: «Wàa na á baa, ń tá nɔ̀n diɛ ka ma tɔ nɛ?» A din bǎã lɛ nɛ, á lɛn bǐɛ̃ bíi Zakɔba li.

Siin Giala 32:30 ပူးပေါင်းရင်းမြစ်များ

Siin Giala 16:13

Agaara tɔ́n nɔ̀n da a din la kɛnɛn: «Min mɛn yii bɛ́ á masɛ yɛ, masɛ yii bɛa Dɛnaa lɛ yɛ sonbore?» Dɛnaa Lawa mɛn boo da nɛ, á tɔ kɔ a ganaa kɛnɛn: «A n Lawa lɛa, Lawa mɛn yii bɛ́ masɛ ganaa.»

Siin Giala 28:19

Á bɛa bǎã lɛ bíi Betɛli, bɛ giala mà "Lawa a Kion". Sɛnɛ lɛlɛ, kiwi lɛ tɔ na á goã Luuzu.

Siin Giala 35:9

Zakɔba bɛ́ boe Mezopotamii gána-n die, Lawa wusoo á n din nyaa-n doo, á barka wɔ a nɛ.

Kiin1 12:25

Zeroboamu kungɔn dɔ Sisɛmu kiwi ganaa, Efrayimu kele yii ni, á giã walan. Bɛ kio, á soo walan, á woo kungɔn dɔ Penuweli kiwi ganaa.

Bɔ bɛ̀rɛbaa nɛ 33:14

Dɛnaa Muizu lɛ si: «Ma n giɛ li masɛ dinmaa daa, ma wo susui kɔ ǹ la?»

Izayii 6:5

Má tɔ́n pɛ kəni: «Koe bɔ ma ganaa! Maa wɔ nya lenlen! A giala, man gɔ̀dɛnaa lɛa, ma bɛ́ giã-n tɔrɔn mɛnɛn dɔn bii, bɛn dɔn man gɔ̀dɛnan lɛa. A giala ma yii Kii gole yɛ, Dɛnaa Lawa Pàãyiidɛnaa lɛ!»

Izayii 9:5

A giala, nɛnyaan tiɛɛ̃n na á yɛ, nɛginin ni, wɔa wɔ lɛa. Kiibaa nə́ n kɔ la. A tɔ n die goɛ̃: Doroo wole sonbore, Lawa Pàãyiidɛnaa, Díi lɛa, yǎa duduu, là nyantoro kii.

Minin nimi 12:8

Masɛ n boo diɛ nɛ, wɔ bobo kɔn, ma boo lɛ toɛ̃ nɛ, ma ń ma a toɛ ti wa má n din nyaa nɛ, á maa siĩnbaa yɛ a yɔrɔ-a. A n siɛ lɔn kəni, ka tá masɛ a dí-nyali Muizu lɛ tɔ pii?»

Zaã a sɛ́wɔ 1:18

Min kɔ́n bin Lawa yɛ ka a yii-n wa, sɛnɛ, Nɛgiĩ goon toto kɛ lɛ Lawa lɛa, giã-n Díi Lawa din li, bɛ lɛ na á nyaa wɔ nɛ, wɔ dɔ̃.

Korɛnti1 13:12

Sisia, wɔ yii n màn yii nuùnaà nɛ kooro ka damalon wɔ bɛ́ lɔn, sɛnɛ ǹ kɔ́n pinaa, wɔ á re goɛ̃ kɔn yɔrɔ-a dəndəənəə ne. Sisia maa màn-doɛ̃ lɛ lɛ a piɛ̃-n wa, sɛnɛ, ǹ kɔ́n pinaa maa màn-doɛ̃ lɛ lɛ á re piɛ̃ ka Lawa bɛ́ ma doɛ̃ lɔn.

Korɛnti2 3:18

Wɔsɛn mɛnɛn tumaa bɛ́ tapara nə́ n bɔ wɔ siã, wɔsɛn man Dɛnaa a gugurubaa a siĩnbaa nyɛɛ. Wɔ́ n bɔyaa wɔ́ kɔnbɔ ka Dɛnaa din ni, wɔ́ wusoo wɔ́ gugurubaa yɛ, bɛ ń gole á la lɛlɛ wɔ kɛ nɛ. Dɛnaa din na á bɛa dí kɛ lɛ nya ka a Yiri Fu barka nɛ.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Galaasi minin 1:6

Dɔɔ̃nɔn lɛn, kɛ masɛ tɔwaa kaa wɔ paǹ li parsiini! Lawa na á ka bíi Yezu Krita a bǐɛ̃ pàã ganaa. Sɛnɛ, asɛ mɛn ka bíi, ká n yɔrɔ bɔyaa, ká bɔ la bǎã goon ne, ká n yɔrɔ da Boo Tii Kɔɔ̃n kɔsɔ la.

Efɛɛzi minin 1:17

Wɔa Dɛnaa Yezu Krita a Lawa, Díi mɛn bɛ́ gugurubaa ná a wɔ lɛa, bɛ die a Yiri Fu kɔ ka la, bɛ Lawa nyaa ka nɛ, ka boo la ka dɔ̃ taãnɛ.

Timəə dí-pɛn 34:10

A saa bɛ lɛ ganaa, Lawa a boo gii-dali kɔsɔ tɔn yɛ Izirayeli gána-n doo duduu ka Muizu bɛ́ lɔn wa. A din lɛ laanka Dɛnaa Lawa nə ǹ nə́ goã boo diɛ bɛ̀ ǹ dia kɔn la.

Timəə dí-pɛn 5:24

Ǹ nə́ pɛ: «Wɔa Lawa, Dɛnaa Lawa lɛ á ke á ná a gugurubaa laanka a golebaa nyaa wɔ nɛ. Wɔ́ a lɛ ma tɛ lɛ bii. Wɔ́ yɛ pelo kəni, wɔa Lawa á boe la a boo da ka min ni, ǹ dɛnaa yii wusoo a goã koo.

Kolɔɔsi minin 1:15

Yii bɛ́ a ba Lawa yii wa, Krita lɛ sɛ na a kɔnboe lɛa yii n yii. A din nə màn zɛnaa tumaa a bibinaa lɛa.

Timote2 1:10

Wɔa Dɛnaa Yezu Krita bɛ́ á daa kanaa kəni, wɔ Lawa a bǐɛ̃baa gole lɛ yɛ. Boo Tii Kɔɔ̃n barka nɛ, wɔ á doɛ̃ wáa Yezu gɛ̀ pàã nya, á toa wɔ nyin nyabaã yɛ.

Ebrəə 11:27

Golee Lawa li na á toa, á soo Ezipti gána nɛ, a ná a nyɛ́ɛ baa kii a foo-yoo kɛ-n wa. Á n foo kaka kɔ, ka n pɛ mà yii bɛ́ a Lawa mɛn yii wa, mà asɛ yii n bɛ ganaa.

Zozoe 5:13

Zozoe bɛ́ Zerikoo kiwi lɛkoro-a, á n yii saa á ga, bɛ̀ giĩ goon nə́ ke golee ne a nyɛɛnɛ ka a gɔya sa nɛ a gɔn. Zozoe nə́ n zɔ̃ á dɔ a li, á nɔ̀n da la kɛnɛn: «Ma n kun ka wɔsɛn nɛ hinlaa, ma n kun ka wɔsɛn zɔ́ɔn nɛ?»

Sii yɔrɔ-bɔlen 13:17

Manoa tɔ́n nɔ̀n da la kɛnɛn: N tɔ n die? N tɔ pɛ masɛ nɛ, màn mɛn bɛ́ toɛ, bɛ̀ n da ǹ boon lɛn sii nə́ n zɛnaa, wɔ boo la wɔ n guguru kɔ.

Sii yɔrɔ-bɔlen 13:18

Dɛnaa Lawa a lon a dia dí-a wole lɛ pɛ nɛ: Wàa na á baa, n tá nɔ̀n diɛ ka ma tɔ nɛ? Ta má pɛ n nɛ, n ba re a giala miɛ wa.

Sii yɔrɔ-bɔlen 8:17

Sanabolo mɛn bɛ́ Penuweli kiwi lɛn nɛ, á bɛ dɔ nyanaa á kaa, á kiwi minin lɛn dɛ.

Sii yɔrɔ-bɔlen 8:8

Á kiɛ̃ walan, á woo Penuweli kiwi. Á boo da bɛn dɔn kiwi minin man miɛ̃. Penuweli kiwi minin dɔn ná a lɛ si ka Sukɔti minin bɛ́ ǹ nə́ goã ǹ ná a lɛ si lɔn.