Siin Giala 32:29 - LAWA A BOO SONBORE

²⁹ Giĩ lɛ tɔ́n pɛ nɛ: «Ǹ ba re n bíi Zakɔba doo wa, maǹ die n bíi Izirayeli sisia (bɛ giala mà "Yɔ Bɔ Lawa Ganaa Wole"). A giala, ń yɔ bɔ kɔn ka Lawa laanka minbuiinin ni, ń gɔ̀lɔ̀baa yɛ.»

LAWA A BOO SONBORE 2011

²⁹ Giĩ lɛ tɔ́n pɛ nɛ: «Ǹ ba re n bíi Zakɔba doo wa, maǹ die n bíi Izirayeli sisia (bɛ giala mà "Yɔ Bɔ Lawa Ganaa Wole"). A giala, ń yɔ bɔ kɔn ka Lawa laanka minbuiinin ni, ń gɔ̀lɔ̀baa yɛ.»

Siin Giala 32:29 ပူးပေါင်းရင်းမြစ်များ

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Zɔbu 11:7

N tá boe la n Lawa a sii zuzulun kɛn gɔsɛ n nə ǹ dɔ̃? N tá boe la n Pàãyiidɛnaa a siin kɛn lɛ-piɛ̃ giala ma?

Luku 1:19

Lon a dia dí-a wole lɛ tɔ́n pɛ nɛ: «Masɛ tɔ n Gabarayeli, man lon a dia dí-a wolen goledɛnaa goon lɛa, ma bɛ́ dí nyɛɛ Lawa mɛn nɛ, bɛ lɛ na á masɛ dia, mà ma da boo tii kɔɔ̃n kɛ pɛ n nɛ.

Ozee 6:1

Ka n kɛ pii kɔn nɛ: Ka daa wɔ wusoo wɔ wo Dɛnaa Lawa li: A din na á wɔ tɔtoɛ̃. A din nə die wɔa busu nyɛɛ. A din na á wɔ dɛ, A din nə die a dagòã boe.

Suusun 30:4

Die na á dii lon á wusoo á gisĩ? Die na á piɛ̃ kũ ka a gɔn nɛ? Die na á mɔnaa pɛnɛ mu ganaa? Die na á n yiin doa tán gèlè tumaa la? Ǹ dɛnaa tɔ n die? A nɛgiĩ tɔ n die? N tá bɛ doɛ̃?

Siin Giala 35:9

Zakɔba bɛ́ boe Mezopotamii gána-n die, Lawa wusoo á n din nyaa-n doo, á barka wɔ a nɛ.

Siin Giala 17:5

Minin ba re n bíi Abramu doo wa, sɛnɛ, n tɔ n die goɛ̃ Abrahamu (bɛ giala mà "Min gigiã a díi"), a giala, man die n biɛ tɔrɔ gigiã a díi lɛa.

Siin Giala 35:10

Lawa pɛ nɛ: «Ń tɔ na á goã Zakɔba. Sɛnɛ, ǹ ba re n bíi Zakɔba doo wa, n tɔ n Izirayeli sisia.» Bɛ lɛ nɛ, Lawa ná a tɔ kɔ Izirayeli.

Minin nimi 20:14

Muizu nə́ n toa Kadɛsi, á minin dia woe pii Edɔmu a kii ni kɛnɛn: «N dɔɔ̃n Izirayeli minin lɛn man pii: Nɔmaa mɛn tumaa wɔsɛn yɛ, n tá doɛ̃.

Kiin1 18:31

Á kɔlɔ fulupaa goã, Izirayeli tɔrɔn lɛn lɛ yii li, Zakɔba a nɛgiĩn tɔ bɛ́ tɔrɔn mɛnɛn lɛn ganaa. Zakɔba lɛ nɛ, Dɛnaa Lawa goã á pɛ nɛ mà a tɔ n die goɛ̃ Izirayeli.

Kiin2 17:34

Pelo, pelo, maǹ tɔn nə ǹ sii zɛnaa ǹ gɔn zizi la. Ǹ ba Dɛnaa Lawa guguru koe wa. Landa boon laanka sii yɔrɔ bɔ ǹ boon mɛnɛn nə ǹ wɔ baa, ǹ ba koe bɛn lɛ wa. Zakɔba mɛn bɛ́ Dɛnaa Lawa ná a tɔ kɔ mà Izirayeli, Dɛnaa Lawa goã á dí-pɛn laanka gɔn waa ǹ boon mɛnɛn kɔ bɛa nɛnyaanan kɛn la, ǹ ba koe bɛn dɔn lɛ wa.

KZS1 1:34

Abrahamu na á Izaaki yɛ. Izaaki dɔ a nɛnyaanan man ka Ezawu laanka Izirayeli ni.