Siin Giala 32:2 - LAWA A BOO SONBORE

² Zakɔba dɔ́ yoo á zii saa. A bɛ́ zii la woe, Lawa a lon a dia dí-a wolen nə́ daa kaa lɛ.

LAWA A BOO SONBORE 2011

² Zakɔba dɔ́ yoo á zii saa. A bɛ́ zii la woe, Lawa a lon a dia dí-a wolen nə́ daa kaa lɛ.

Siin Giala 32:2 ပူးပေါင်းရင်းမြစ်များ

Samayeli2 17:24

Davida woo á dɔ Mahanayimu kiwi. Bɛa biikoo li, bɛ̀ Abusalɔn nə Zurdɛ̃ tà kuri, a din laanka Izirayeli a zia-baalin lɛn tumaa-n kun.

Samayeli2 2:12

Nɛɛrɛ a nɛgiĩ Abnɛɛrɛ laanka Sayulu a nɛgiĩ Isbosɛti a dí-nyalin nə́ soo Mahanayimu ǹ nə́ Gabawɔ̃ zii saa.

Samayeli2 2:8

Nɛɛrɛ a nɛgiĩ Abnɛɛrɛ mɛn goã Sayulu a zia-baalin goledɛnaa lɛa, bɛ na á goã á Sayulu a nɛgiĩ Isbosɛti kũ á woo ne Mahanayimu kiwi.

Kiin1 2:8

Bɛnzamɛn tɔrɔ Simeyii lɛ á ke n genli, Gera a nɛgiĩ lɛa boe Bawurimu kiwi. Ma bɛ́ woe Manayimu ǹ mɛn pinaa, á pɛ mà koe die a bɔ ma ganaa. Sɛnɛ, a bɛ́ á daa n da ma lɛ Zurdɛ̃ tà lɛ-a, ma liɛ wɔ nɛ ka Dɛnaa Lawa tɔ nɛ, má ma a re a nyín boe wa.

Kiin1 4:14

Idoo a nɛgiĩ Ayiinaadaabu na á goã Mayanayimu gána mìi la.

Kiin2 6:17

Yiliizee Lawa nyankɔ kɛnɛn: «Dɛnaa Lawa, n dí-nyali lɛ yii bũ, màn mɛn bɛ́ toɛ a yii wɔlɔ yɛ!» Dɛnaa Lawa dí-nyali lɛ yii bũ, a yii kele lɛ yɛ a lalan yii n piɛ̃ nɛ ka sùin laanka ziabaa ǹ wotoro tɛdɛnan nɛ, ǹ nə́ Yiliizee da bii.

KZS1 12:22

Ǹ dinin lɛn man nə́ n dɔ Davida laanka a zia-baalin lɛn lɛ, a giala ǹ tumaa na á goã giĩ foo taãnaan lɛa. Bɛ lɛ n ke ǹ nə́ Davida a zia-baalin lɛn mìilandɛnan baa.

Loen 103:21

Dɛnaa Lawa a zaman mɛn tumaa bɛ́ lon, kasɛn mɛnɛn bɛ́ walan a foo sii zɛnɛɛ, ka barka da nɛ.

Loen 148:2

Kasɛn mɛnɛn bɛ́ a lon a dia dí-a wolen lɛa, ka tumaa loe lɔ ka a tɔ bɔ. Lon mànan lɛn dɔn, ka tumaa loe lɔ ka a tɔ bɔ.

Loen 24:10

Die n ka bɛa kii gole kɛ lɛ nɛ? Dɛnaa Lawa Pàãyiidɛnaa kɛ lɛ nɛ, a din lɛ n kii gole lɛ lɛa.

Loen 34:7

Masɛ n koe-yɛle goon lɛa. Ma bɛ́ má Dɛnaa Lawa bíi, á ma lɛ ma, á ma kirisibaa maa fuu-yɛ tumaa gɔ́ɔ̃ nɛ.

Luku 2:13

Bɛa bǎã-n gɔrɔ lon a dia dí-a wole gigiã bɔ Lawa li, ǹ nə́ daa goon kɛ lɛ li, bɛ̀ ǹ nə́ Lawa tɔ boe, ǹ nə́ pii:

Zozoe 21:38

Ǹ kiwin mɛnɛn kɔ ǹ la Gaadi gána nɛ, bɛn man ka kɛn nɛ: Ramɔti kiwi ke, gɛ̀-dɛle a baa si a wo mìi duru ǹ bǎã lɛa, bɛ laanka a lɛkoro lɛ-a bǎãn manɛ Galaati gána nɛ, Mahanayimu laanka a lɛkoro lɛ-a bǎãn nɛ,

Zozoe 5:14

A ná a lɛ si: «Haayii! Man Dɛnaa Lawa a zia-baalin goledɛnaa lɛa. Maa daa n ka kɛ nɛ.» Zozoe na, á kaa tán a giulun á n mìi kuməə, á pɛ nɛ: «Maa dɛnaagiĩ, masɛ nə n bɛ̀rɛgiĩ lɛa. Wàa mɛn boo nə n lɛ-n kəni, n nə́ die pii masɛ nɛ?»