Siin Giala 32:10 - LAWA A BOO SONBORE

¹⁰ Bɛ kio, Zakɔba Lawa nyankɔ á pɛ: «Ma di gole Abrahamu a Lawa, ma di Izaaki a Lawa, Dɛnaa, n din ni ń pɛ ma nɛ mà ma wusoo ma wo maa gána nɛ, ma dɔɔ̃nɔn li, mà n tá re bǐɛ̃ zɛnɛɛ ma nɛ.

LAWA A BOO SONBORE 2011

¹⁰ Bɛ kio, Zakɔba Lawa nyankɔ á pɛ: «Ma di gole Abrahamu a Lawa, ma di Izaaki a Lawa, Dɛnaa, n din ni ń pɛ ma nɛ mà ma wusoo ma wo maa gána nɛ, ma dɔɔ̃nɔn li, mà n tá re bǐɛ̃ zɛnɛɛ ma nɛ.

Siin Giala 32:10 ပူးပေါင်းရင်းမြစ်များ

Siin Giala 18:27

Abrahamu wusoo á pɛ: «Masɛ mɛn bɛ́ tii kooro laanka ton lɛa, man die n yii we maa Dɛnaa la, ma boo da nɛ.

Siin Giala 24:12

Á Lawa nyankɔ á pɛ: – Dɛnaa, maa dɛnaagiĩ Abrahamu a Lawa, toa maa tɔ-wɔ kɛ bǐɛ̃ kɔ pelo. N din a sonborebaa nyaa masɛ a dɛnaagiĩ Abrahamu ni.

Siin Giala 24:27

«Maa barka tá Dɛnaa ganaa, maa dɛnaagiĩ Abrahamu a Lawa ganaa, bɛ mɛn bɛ́ á sonborebaa taãn nyaa maa dɛnaagiĩ ni, a ná a lɛkɔmala ǹ siin tumaa lɛ pã a wɔ paǹ li. N din ni n mɛ masɛ nyɛɛnɛ, n daa ma koa maa dɛnaagiĩ ǹ dɔɔ̃nɔn kion.»

Siin Giala 28:13

A yii n Dɛnaa ganaa golee-n a nyɛɛnɛ, á n pii ni: «Masɛ n Dɛnaa, Abrahamu a Lawa lɛa, man Izaaki a Lawa lɛa. Ń bɛ́ waa-n tán mɛn la, man die koe n din laanka n tɔrɔn la.

Siin Giala 28:15

Á ke, ma á kunun n ni! N bɛ́ re woe bǎã woo bǎã nɛ, ma á re n tamaɛ, ma á re toɛ, n nə n bɔyaa n da gána kɛ nɛ. Ma a re n toɛ walan duduu wa, ma n lɛ kɔ n la ka sii mɛn tumaa nɛ, yǎa ma bɛ tumaa zɛnɛɛ n nɛ.»

Siin Giala 30:43

Zakɔba màndɛnaa baa parsiini, tɔɔ kuru gigiã goã a lon: sèren ne, bòen ne, nyɔɔmaan nɛ ka dundunun ni. Bɛ̀rɛlɔn dɔn laanka bɛ̀rɛgiĩn nə́ goã a lon.

Siin Giala 31:3

Dɛnaa tɔ́n pɛ Zakɔba nɛ: «Wusoo n wo n dikion, ǹ dɔɔ̃nɔn li. Ma á die goɛ̃ kunun n ni.»

Siin Giala 32:5

Zakɔba pɛ dia dí-a wolen lɛn nɛ á laa ǹ ganaa mà ǹ pɛ Ezawu ni mà a bɛ̀rɛgiĩ Zakɔba n kɛ pii: «Má giã Laban li má belebɔ, yǎa sisia.

Siin Giala 32:7

Dia dí-a wolen lɛn nə́ n bɔyaa, ǹ nə́ daa Zakɔba li, ǹ nə́ pɛ nɛ: «Wɔ́ woo n golo Ezawu lɛ li. A dɔ á zii la die n diɛ n lɛ, ka giĩ biɛsii-n (400) kun ni.»

Samayeli2 17:24

Davida woo á dɔ Mahanayimu kiwi. Bɛa biikoo li, bɛ̀ Abusalɔn nə Zurdɛ̃ tà kuri, a din laanka Izirayeli a zia-baalin lɛn tumaa-n kun.

Samayeli2 7:18

Bɛ kio, kii Davida daa giã tán Dɛnaa Lawa yɔrɔ-a á pɛ: – Dɛnaa Lawa, n din ni maa Lawa lɛa. Bɛ̀ bɛ bie wa, masɛ n wàa lɛa? Masɛ a kion minin man wàa lɛa? Ma bɛ́ bǎã mɛn nɛ pelo, ma bie má sii kɔn zɛnaa n nɛ, ń tɔn daa ka ma-n kànaa wa.

Zɔbu 17:9

Ta á n baa lɔn, min pepere gɔn na a zii ganaa. Min mɛn bɛ́ a sii la wa, màn nə́ miɛ bɛ pàã li miɛ̃ a woo.

Zɔbu 8:7

N màn din yɛ lɛlɛ wa, n biɛ̃ ǹ tá re liɛ n lɛlɛ ǹ kɛ nɛ.

Loen 16:2

Man pii Dɛnaa Lawa nɛ: N din nə maa Mìinaa lɛa. N dinsɔɔ̃ n yii-nyɛɛ koe ma la.

Loen 18:35

A din nə ma darɛɛ ziabaa ganaa. A din nə ma darɛɛ sa kaka zuĩ ganaa.

Loen 61:7

Nyin sasa kɔ kii kɛ la, toa a goã a belebɔ taãn-taãnɛ.

Loen 8:5

minbuiin nɛ n wàa lɛa kəni, n tɔn nə n yiri koa li? A n wàa lɛa, n tá giɛ a walan?

Loen 84:7

Ta bɛn man kiɛ̃ tán gere bǎã kɛ nɛ, a nə n bɔyɛɛ a mu bǎã nyantoto baa. La bibinaan kɛn man kiɛ la, ǹ barka wɔ a nɛ.

Loen 85:10

Min mɛnɛn bɛ́ nyɛ́ɛ biɛ nɛ, a kirisibaa lɛ n kunu bɛn ganaa, gugurubaa dɔ n die goɛ̃ wɔa gána lɛ gɔ́ɔ̃ nɛ.

Suusun 4:18

Sɛnɛ, min mɛnɛn bɛ́ sii bǐɛ̃ zɛnɛɛ, bɛn yiikoonaabaa n ka baayɛlɛ a wɔlɔ fúlu bɛ́ lɔn, màn nə miɛ a fulu li yǎa penleen-n koe.

Izayii 6:5

Má tɔ́n pɛ kəni: «Koe bɔ ma ganaa! Maa wɔ nya lenlen! A giala, man gɔ̀dɛnaa lɛa, ma bɛ́ giã-n tɔrɔn mɛnɛn dɔn bii, bɛn dɔn man gɔ̀dɛnan lɛa. A giala ma yii Kii gole yɛ, Dɛnaa Lawa Pàãyiidɛnaa lɛ!»

Izayii 63:7

Man ka yiri gisĩ Dɛnaa Lawa a bǐɛ̃ nɛ, ka sii mɛnɛn bɛ́ re ka diɛ a tɔ laakalaa ganaa: A sii mɛn tumaa zɛnaa wɔ nɛ, a bǐɛ̃ gole mɛn baa Izirayeli a zaman nɛ, a màn mɛn tumaa zɛnaa a kɔn-narɛɛ gole kɛ gɔ́ɔ̃ nɛ, ka a bǐɛ̃ damata kɛ nɛ á zɛnaa.

Misee 7:20

N tá re n sonborebaa nyɛɛ Zakɔba tɔrɔn kɛn manɛ, n tá re n giaárabaa nyɛɛ Abrahamu tɔrɔn kɛn manɛ. N lɛ kɔ wɔ digolon la ka sii mɛn nɛ haalɛ bibi, a din lɛ n ka bɛ nɛ.

Luku 17:10

Ka dɔn wɔ lɛ n miɛ̃. Lawa dí mɛn din tumaa kɔ ka la, bɛ̀ ka bɛ nya ka nya, ka pɛ mà kasɛn man dí-nyalin dininsɔɔ̃nɔn lɛa. Mà kasɛn man ka kaa wɔ lɛ zɛnaa.»

Luku 5:8

Simɔn Piɛrɛ bɛ́ á bɛ yɛ, á kaa tán Yezu giulun, á pɛ: «Dɛnaa, n zɔ̃ n nə n bɔ masɛ ganaa, a giala masɛ n sii baraa-zɛnaali lɛa.»

Korɛnti2 12:11

Ma á ke boo mɛn diɛ ka gàãnaa wɔ bɛ́ lɔn, ka dinin man ká ma da bɛ ganaa, bɛ̀ ka dinin doamaa nɛ, ka maa zia gii si. A giala, ta masɛ a màn kɔ́n lɛa wa, maa a nyaabaa nɛ bɛa dia dí-a wole gɔ̀lɔ̀ dadaran kɛn lɛn-a wa.

Timəə dí-pɛn 8:18

Sɛnɛ, ka n yiri koa li ka dɔ̃, mà kaa Lawa, Dɛnaa Lawa na á pàã kɔ ka la, ká tɔ́n bɛa gɔn mànan lɛn yɛ. A na á bɛ zɛnaa á nyaa, mà asɛ lɛ kɔ kɔn la mɛn wɔ ka ka digolon ne, mà bɛ á tɔn a giala la, haalɛ pelo.

Piɛrɛ1 5:5

A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»