Siin Giala 31:3 - LAWA A BOO SONBORE

³ Dɛnaa tɔ́n pɛ Zakɔba nɛ: «Wusoo n wo n dikion, ǹ dɔɔ̃nɔn li. Ma á die goɛ̃ kunun n ni.»

LAWA A BOO SONBORE 2011

³ Dɛnaa tɔ́n pɛ Zakɔba nɛ: «Wusoo n wo n dikion, ǹ dɔɔ̃nɔn li. Ma á die goɛ̃ kunun n ni.»

Siin Giala 31:3 ပူးပေါင်းရင်းမြစ်များ

Siin Giala 13:15

Gána kɛ lɛ n yii tá a ganaa ke, má a tumaa kɔ n la, má kɔ n tɔrɔn la yǎa duduu.

Siin Giala 21:22

Bɛa biikoo li, Abimelɛki laanka a sɔraasin goledɛnaa Piikɔlɔ pɛ Abrahamu ni: «Ń bɛ́ sii mɛn tumaa zɛnɛɛ, Lawa tá kunun n ni ka a din tumaa nɛ.

Siin Giala 26:24

Dɛnaa nə́ n din nyaa nɛ, bɛ lɛ a pinaa tèlò-n, á pɛ nɛ: «Masɛ nə n di Abrahamu a Lawa lɛa. N baran nyɛ́ɛ baa wa, ma tá kunun n ni. Ma á re barka we n ne, ma n tɔrɔn mɔnaa. Man die bɛ zɛnɛɛ maa bɛ̀rɛgiĩ Abrahamu taman yii.»

Siin Giala 28:13

A yii n Dɛnaa ganaa golee-n a nyɛɛnɛ, á n pii ni: «Masɛ n Dɛnaa, Abrahamu a Lawa lɛa, man Izaaki a Lawa lɛa. Ń bɛ́ waa-n tán mɛn la, man die koe n din laanka n tɔrɔn la.

Siin Giala 28:15

Á ke, ma á kunun n ni! N bɛ́ re woe bǎã woo bǎã nɛ, ma á re n tamaɛ, ma á re toɛ, n nə n bɔyaa n da gána kɛ nɛ. Ma a re n toɛ walan duduu wa, ma n lɛ kɔ n la ka sii mɛn tumaa nɛ, yǎa ma bɛ tumaa zɛnɛɛ n nɛ.»

Siin Giala 28:4

Lawa barka mɛn wɔ Abrahamu ni, a die a bɛ lɛ miã wɔ n dɔ laanka n tɔrɔn nɛ. Lawa gána mɛn kɔ Abrahamu la, a bɛ́ gùli lɛa gána mɛn lɛ nɛ, Lawa die a toa a n wɔ baa.»

Siin Giala 30:25

Raseli bɛ́ á Zozɛfu yɛ lɔn, Zakɔba pɛ Laban nɛ: «Ma toa walan, ma wo piɛ, maa gána nɛ.

Siin Giala 31:13

Lawa mɛn bɛ́ á n din nyaa n nɛ Betɛli, n kɔlɔ doa Lawa mɛn lɛ wɔ lɛa, n nyɔɔ kaa a mìi ni, n nə n lɛ koa Lawa mɛn lɛ li Betɛli, a din Lawa lɛ n ka masɛ nɛ. Sisia kəni, yoo n nə n bɔ gána kɛ nɛ, n wo n yɛ ǹ gána nɛ.»

Siin Giala 31:18

A ná a tɔɔn tumaa loo, a màn mɛn tumaa yɛ Mezopotamii gána nɛ, á yoo ka bɛ tumaa nɛ, mà a n wusii woe ǹ di Izaaki li Kanaan gána nɛ.

Siin Giala 31:2

Zakɔba ga Laban yɔrɔ ganaa, á dɔ̃ mà ǹsɛn bii a kɔɔ̃n kɔn, ka lɛlɛ wɔ bɛ́ lɔn doo wa.

Siin Giala 31:4

Zakɔba lɛ dia minin li, mà ǹ pɛ Raseli laanka Leyaa nɛ, mà asɛ bɛ́ a tɔɔn lɛn li bǎã mɛn nɛ don, mà ǹ da asɛ yaa walan.

Siin Giala 32:10

Bɛ kio, Zakɔba Lawa nyankɔ á pɛ: «Ma di gole Abrahamu a Lawa, ma di Izaaki a Lawa, Dɛnaa, n din ni ń pɛ ma nɛ mà ma wusoo ma wo maa gána nɛ, ma dɔɔ̃nɔn li, mà n tá re bǐɛ̃ zɛnɛɛ ma nɛ.

Siin Giala 32:5

Zakɔba pɛ dia dí-a wolen lɛn nɛ á laa ǹ ganaa mà ǹ pɛ Ezawu ni mà a bɛ̀rɛgiĩ Zakɔba n kɛ pii: «Má giã Laban li má belebɔ, yǎa sisia.

Siin Giala 32:9

A na á goã pii: «Bɛ̀ Ezawu boo la, á kuru goon si, kuru mɛn bɛ́ re goɛ̃, bɛ́ á re boe la a la.»

Siin Giala 35:1

Bɛ kio, Lawa pɛ Zakɔba nɛ: «Yoo n wo Betɛli, n giã walan. N *wúlu bɔ ǹ bǎã dɔ masɛ Lawa-n walan, man din nyaa n nɛ bǎã mɛn nɛ, bɛ̀ n bɛ́ baa sii n gologiĩ Ezawu nyɛɛnɛ.»

Siin Giala 35:3

Ka yoo wɔ n ta Betɛli. Lawa mɛn bɛ́, á maa nyankɔ lɛ si, maa nɔmaa biikoo li, man die wúlu bɔ ǹ bǎã doe bɛ-n walan. Ma bɛ́ woe bǎã woo bǎã nɛ, a din Lawa lɛ n kun ka ma nɛ.»

Siin Giala 50:24

Zozɛfu tɔ́n pɛ ǹ dɔɔ̃nɔn lɛn nɛ ǹ kɔn pinaa kɛnɛn: «Masɛ a gɛ̀ dɔ á nya. Sɛnɛ, Lawa á die n doe ka lɛ. A n lɛ kɔ Abrahamu laanka Izaaki la ka Zakɔba nɛ, mà á die gána mɛn koe ka la, Lawa á die ka boe a ka bɔ Ezipti gána nɛ, a wo ka-n walan.

Loen 46:1

LOE-saalin goledɛnaa loe mɛn lɔ. Koore a nɛnyaanan loe, manə n lɛn siɛ lon a lɔ li.

Loen 50:15

Bɛ̀ fuu dɔ n ganaa ǹ mɛn pinaa, ma bíi wɔ, ma á re n kirisibiɛ, n tá re ma guguru koe.

Loen 90:15

N nɔmaa da wɔ mìi-n lɛawaan mɛnɛn li, koe bɛ́ á bɔ wɔ ganaa lɛ̀n mɛnɛn gɔ́ɔ̃ nɛ, foo kɔɔ̃nbaa kɔ wɔ la bɛ doo.

Bɔ bɛ̀rɛbaa nɛ 3:12

Lawa pɛ nɛ: «Ma á kunun n ni. Sii mɛn bɛ́ nyɛɛ n nɛ, mà masɛ din nə má n dia bɛ á ke: Bɛ̀ ń soo ka zaman lɛ nɛ ń nə́ ǹ bɔ Ezipti gána nɛ, ǹ tá re dí nyɛɛ Lawa nɛ kele kɛ la.»

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Ebrəə 13:5

Wɔrɔ-narɛɛ baran goã kaa sii tumaa zɛnaa mìi lɛa wa. Màn mɛn bɛ́ ka lon, ka toa bɛ ka yii kã. A giala, Dɛnaa din na á pɛ: «Haayii! Ma a re n gɔn boe n ganaa duduu wa, ma a re n toɛ walan wa.»