Siin Giala 3:24 - LAWA A BOO SONBORE

²⁴ A bɛ́ á ǹ loo á ǹ bɔ a nɛ ǹ mɛn waáraa, a na á lon màn yiikoonaan doa Edɛn dù gɔrɔ lɛ a lɛ̀giala gɔn la. Gɔya sà tɛ-pɛle n bɛn gɔn, ǹ nə́ pepere bǎã yii ni, yiikoonaabaa ǹ da lɛ a zii lɛduĩ ni.

LAWA A BOO SONBORE 2011

²⁴ A bɛ́ á ǹ loo á ǹ bɔ a nɛ ǹ mɛn waáraa, a na á lon màn yiikoonaan doa Edɛn dù gɔrɔ lɛ a lɛ̀giala gɔn la. Gɔya sà tɛ-pɛle n bɛn gɔn, ǹ nə́ pepere bǎã yii ni, yiikoonaabaa ǹ da lɛ a zii lɛduĩ ni.

Siin Giala 3:24 ပူးပေါင်းရင်းမြစ်များ

Siin Giala 3:23

Dɛnaa Lawa nə́ ǹ loo, á ǹ bɔ Edɛn dù gɔrɔ lɛ nɛ, màn mɛn bɛ́ toɛ ǹ bɔ tán mɛn nɛ, ǹ wo bɛ lɛ kɔsɔ.

Siin Giala 4:1

Aadã laanka a lɔ Ɛvu lɛ kɔn dɔ̃. Ɛvu nɔ̀ si á nɛ yɛ, ǹ nə́ bíi Kanyɛ (bɛ giala mà "Lawa pàã"). Á tɔ́n kɛ pɛ bɛa biikoo li: «Má giĩ yɛ ma da kanaa, ka Lawa pàã nɛ.»

Siin Giala 4:14

Bɛ̀ ń ma loo pelo, ń ma bɔ tán kɛ la, ma á re goɛ̃ durii ni n la. Ma n die goɛ̃ bibiə̃ wole lɛa, gùli lɛa, kanaa kɛ gɔ́ɔ̃ nɛ biikoo tumaa li. Bɛ̀ min woo min n ma yɛ, á die ma dii.»

Loen 104:4

Ma n piɛ̃ biɛ n dia dí-a wole lɛa, tɛ nə n dí-nyali lɛa.

Loen 80:1

LOE-saalin goledɛnaa loe mɛn lɔ tùtu wuu li. Yiri koa sii ni ǹ loe ne. Asaafu a loe goon ne.

Loen 99:1

Dɛnaa Lawa n kii lɛa, tɔrɔn man bìn diɛ. A n giã-n lon màn yiikoonaan la, kanaa n tatalɛɛ.

Bɔ bɛ̀rɛbaa nɛ 25:2

«A pɛ Izirayeli nɛnyaanan manɛ ǹ mànan bobo masɛ Lawa wɔ lɛa. Min mɛnɛn tumaa bɛ́ boe la, ǹ bɛa sii kɛ lɛ zɛnaa ka foo sonbore ne, ka màn si bɛn la.

Ezekieli 10:1

Labara mɛn goã lon màn yiikoonaan lɛn mìi la, masɛ Ezekieli goã giɛ bɛ ganaa. Ma bɛ́ giɛ, bɛ̀ kɔlɔ sonbore goon nə́ ke, tɛ pii ka kii dankan bɛ́ lɔn.

Ezekieli 31:11

Bɛ lɛ n ke má loo má wɔ tɔrɔn tumaa a kii kɛ gɔn, màn mɛn bɛ́ toɛ a baraabaa mɛn zɛnaa, kii lɛ bɛ dòo bɔ a ganaa.

Minin nimi 22:23

Dundun dan lɛ Dɛnaa Lawa a lon a dia dí-a wole lɛ yɛ doa-n zii lɛ la, ka gɔya sa ná a gɔn, a ná a ba a kii-n wa. Dundun dan lɛ tɔ́n zii da, á n dɔ da lɛ-n. Balaamu dundun dan lɛ məə, á da zii la doo.

Zaã a sɛ́wɔ 14:6

Yezu pɛ nɛ: «Masɛ din nə zii lɛa, sonbore lɛa, yiikoonaabaa lɛa. Min kɔ́n ba woe Díi Lawa li, bɛ̀ a ná a kɔ masɛ lɛ wa.

Ebrəə 1:7

Màn mɛn nə n pɛ lon a dia dí-a wolen wɔ gɔn la, bɛ n ka kɛ nɛ: «Lawa na a lon a dia dí-a wolen biɛ ka piɛ̃ bɛ́ lɔn, a na a dí-nyalin biɛ ka tɛ lɛwɔn bɛ́ lɔn.»

Zozoe 5:13

Zozoe bɛ́ Zerikoo kiwi lɛkoro-a, á n yii saa á ga, bɛ̀ giĩ goon nə́ ke golee ne a nyɛɛnɛ ka a gɔya sa nɛ a gɔn. Zozoe nə́ n zɔ̃ á dɔ a li, á nɔ̀n da la kɛnɛn: «Ma n kun ka wɔsɛn nɛ hinlaa, ma n kun ka wɔsɛn zɔ́ɔn nɛ?»

Samayeli1 4:4

Dɛnaa Lawa Pàãyiidɛnaa mɛn lɛ bɛ́ lon màn yiikoonaa nyínin mìi la, zaman lɛ minin dia ǹ nə́ woo bɛa lɛ kɔ kɔn la ǹ goo lɛ saa Siiloo. Elii a nɛgiĩ min paa lɛ, Ɔfunii laanka Fineyasi ni, bɛn nə́ goã Lawa a lɛ kɔ kɔn la ǹ goo lɛ diɛ zii.