Siin Giala 3:17 - LAWA A BOO SONBORE

¹⁷ Bɛ kio á tɔ́n pɛ giĩ ni: «Ma bɛ́ má pɛ má laa n ganaa, máa n baran da mɛn a nɛ bii wa, n bɛ́ ń nə́ n saa n lɔ a boo li ń bii, man die lɛn pipiã bíi tán li, n din lɛ taman yii. N yiikoonaabaa gɔ́ɔ̃ nɛ, n la n die paparɛ n tɔn nə n lɛ-a ǹ bii yɛ a nɛ.

LAWA A BOO SONBORE 2011

¹⁷ Bɛ kio á tɔ́n pɛ giĩ ni: «Ma bɛ́ má pɛ má laa n ganaa, máa n baran da mɛn a nɛ bii wa, n bɛ́ ń nə́ n saa n lɔ a boo li ń bii, man die lɛn pipiã bíi tán li, n din lɛ taman yii. N yiikoonaabaa gɔ́ɔ̃ nɛ, n la n die paparɛ n tɔn nə n lɛ-a ǹ bii yɛ a nɛ.

Siin Giala 3:17 ပူးပေါင်းရင်းမြစ်များ

Siin Giala 3:11

Dɛnaa Lawa tɔ́n nɔ̀n da la: «Die na á pɛ n nɛ, mà n tontoro ne? Ma bɛ́ má pɛ n nɛ, máa n baran da nɛ mɛn bii wa, ma nə́ n bɛ lɛ bii ya?»

Siin Giala 3:18

N tá re nyan laanka buu babaraa boe n gòã giulun, tán kɔsɔ ǹ màn nɛ, n tá re bii.

Siin Giala 3:6

Lɔ lɛ yɛ, mà da nɛ lɛ á siĩn yɔrɔ-a á la yii ni, mà a bii doamaa nɛ a goã kɔɔ̃n lɛ-n, mà min yii á boe li, mà á boe la a min yiri bũ. A ná a nɛ goon na, á bii, á ǹ kɔ́n kɔ ǹ zuũ la a li, a dɔ́ bii.

Siin Giala 5:29

A ná a tɔ kɔ mà Nowee (bɛ giala mà "Foobasiɛ̃"). A giala, a na á goã pii mà Dɛnaa lɛn pipiã bíi tán mɛn li, mà bɛa dí bɛ́ nɔmaa babaraa mɛn diɛ ǹsɛn mìi ni, mà kɛ n die foo basiɛ̃ koe ǹsɛn la bɛ gɔ́ɔ̃ nɛ.

Siin Giala 8:21

Dɛnaa bɛa wúlu màn gìĩ kɔ́ɔ̃n lɛ ma, á tɔ́n pɛ a din gɔ́ɔ̃ nɛ kɛnɛn: «Ma a re lɛn pipiã bíi tán li doo duduu, minbuiin nɛ a zɛnaa ǹ sii taman yii wa. Minbuiin nɛ n yui tán ka sii baraa zɛnaa nɛ a foo-n sɛn, sɛnɛ, ma a re dɔlɔ boe màn yiikoonaa tumaa ganaa doo duduu, ka ma bɛ́ má zɛnaa lɔn wa.

Zɔbu 14:1

Minbuiin nɛ kɛ lɛ yii lɔ la, a nyin ba sasa wa, nɔmaa dɔ́ la a yii ni.

Zɔbu 21:17

Ka bin nə́ min baraan yɛ giɛ̃ miɛ̃? Bɔ̀n tá ǹ yii miɛ̃, Lawa foo á busi ǹ li a dɔlɔ da ǹ mìi ni?

Loen 127:2

Kaa yoo lɛlɛ kɛ lɛ, ká n dí nyɛɛ ka a n susui wa, ká n giɛ màn-bii li ká n fuu yii, a là banban. Lawa bɛ́ min mɛn narɛ, a n toɛ nyuù ni, a na a laadoo bǐɛ̃ kɔ.

Boo-laakalaali 2:11

Bɛ kio, ma goã má dín mɛnɛn tumaa nya, ma goã má fuu mɛn yɛ ka ǹ nya nɛ, má daa n yii wɔ bɛ nɛ má ga a ganaa. Sɛnɛ á ke! Bɛ kɔn giala banban, a n piɛ̃ loo lɛa. Là goon ba ǹ nɛ, kanaa kɛ-n wa.

Boo-laakalaali 2:17

Bɛ lɛ n ke, yiikoonaabaa tìĩ bɔ ma nɛ. A giala sii mɛn bɛ́ n zɛnɛɛ kanaa kɛ nɛ, má yɛ a ba siĩn wa. Ǹ kɔn giala banban, piɛ̃ loo ne.

Boo-laakalaali 5:17

Ma màn mɛn yɛ siĩni, bɛ á ke: min nə siĩni, a màn bii, a màn mi. Lawa bɛ́ á lɛawaan mɛnɛn kɔ la kanaa, a bɛ́ dí mɛn tumaa nyɛɛ bɛn gɔ́ɔ̃ nɛ, a bɛ́ màn mɛn tumaa boe bɛ nɛ, a n siĩni, a n nyɛnyɛɛ bɛ la, a giala a wɔ gii n ka bɛ lɛ nɛ.

Matiə 22:12

Á tɔ́n pɛ nɛ: «Maa giaáragiĩ, a na á saa lɔn n wɔ kànaa, kɔn wɔ ǹ mɔnaa dɔ ná a ba n ganaa wa?» Giĩ lɛ nə n lɛ da boo-n wa.

Matiə 25:45

Kii lɛ á die ǹ lɛ sii kɛnɛn: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa masɛ dɔɔ̃nɔn kɛn kɔ́n nɛ wa, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ dinmaa lɛ-n wa.»

Luku 19:22

Á pɛ a dɔ nɛ mà dí-nyali naarɛ ke, mà asɛ n die kiri kuri la, a kɔnpɛ a din lɛ gɔ́ɔ̃ ǹ boon ne. Mà táa á dɔ̃ mà asɛ n min kakaarɛ lɛa, mà asɛ màn mɛn koa wa mà asɛ n bɛ siɛ, asɛ màn mɛn da wa asɛ n bɛ kuri.

Zaã a sɛ́wɔ 16:33

Man má kɛ pɛ ka nɛ, màn mɛn bɛ́ toɛ, ka goã là nyantoro la masɛ li. Kanaa kɛ gɔ́ɔ̃ nɛ ka n nɔmaa la, sɛnɛ, ka n foo taã, má gɔ̀lɔ̀baa si kanaa la.»

Rɔmu minin 3:19

Wɔ á doɛ̃ dɔn, wáa Lawa a dí-pɛn bɛ́ màn mɛn pii, bɛ nə n pii, tá dí-pɛn pàã giulun wolen manɛ. Min kɔ́n ba boe la a n din bɔ zɛ̀rɛ-n doɛ̃ wa. Kanaa min din tumaa n zɛ̀rɛdɛnaa lɛa Lawa yɔrɔ-a.

Ebrəə 6:8

Sɛnɛ, bɛ̀ á nyan laanka koronkoron boe, là ba a ganaa wa. Lawa á re barka boe a nɛ, ǹ tá re tɛ diɛ a ganaa.