Siin Giala 3:16 - LAWA A BOO SONBORE

¹⁶ Á tɔ́n pɛ lɔ dɔ nɛ kɛnɛn: «Bɛ̀ ń tá nɔ̀ nɛ ǹ mɛn waáraa, má á re màn diɛ n nɔmaa li, n tá re nɛ yii ka là paparɛɛ nɛ. Giã kun ka n zuũ-n tá re goɛ̃ wɛ̃ nɛ n ganaa, sɛnɛ, n zuũ n die goɛ̃ n mìi la.»

LAWA A BOO SONBORE 2011

¹⁶ Á tɔ́n pɛ lɔ dɔ nɛ kɛnɛn: «Bɛ̀ ń tá nɔ̀ nɛ ǹ mɛn waáraa, má á re màn diɛ n nɔmaa li, n tá re nɛ yii ka là paparɛɛ nɛ. Giã kun ka n zuũ-n tá re goɛ̃ wɛ̃ nɛ n ganaa, sɛnɛ, n zuũ n die goɛ̃ n mìi la.»

Siin Giala 3:16 ပူးပေါင်းရင်းမြစ်များ

Siin Giala 4:7

Bɛ̀ ń zɛnaa doɛ̃, n tá re n mìi siɛ lon. Sɛnɛ, bɛ̀ n zɛnaa doɛ̃ wa, sii baraa tá n kiɛnlɛ-a, kɔɔ̃naa we n ganaa, á n giɛ li mà a n kũ a giã n mìi la. Sɛnɛ, n doa n nə n si sii baraa lɛ la.»

KZS1 4:9

Zaabɛsi yii na á goã guguru á la ǹ dɔɔ̃nɔn manɛ. Ǹ dan na á goã á Zaabɛsibaa wɔ a ganaa, a giala ǹ dan lɛ nɔmaa parsiini ka a yɛ nɛ.

Loen 48:6

Sɛnɛ, ǹ Dɛnaa yɛ lɔn, ǹ nə́ n kaãbaa parsiini, nyɛ́ɛ nə́ ǹ kũ, ǹ nə́ n gòã da baa nɛ.

Izayii 13:8

Nyɛ́ɛ nə ǹ ganaa. Busii tɔrɔ tumaa nə ǹ ganaa. Maǹ nə n birikəĩ tán, ka lɔ nɔɔrɔ-kɔle bɛ́ lɔn. Maǹ giɛ kɔn-a, ǹ gɔ́ɔ̃ n wɛɛ̃ nɛ, ǹ yɔrɔ n tɛ lɛa.

Izayii 21:3

Bɛ lɛ nɛ, ma kii á busi, ma nɔmaa maa nɛ, ka lɔ bɛ́ lɔn nɔɔrɔ koe. Là paparɛɛ la ma yii ni ma too a màn kɔn miɛ wa, nyɛ́ɛ la ma yii ni ma yii a màn kɔn yii wa.

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Zeremii 13:21

Ń giaárabaa zɛnaa ka ǹ tɛnɛn nɛ ǹ lɛ mui ni. Ǹ mɛn pinaa bɛ̀ ǹ nə́ n bɔyaa, maǹ die n diɛ ǹ pàã giulun, n nə n die wàa boo diɛ? N nə n die fuu yii ka lɔ nɔɔrɔ kɔle bɛ́ lɔn.

Zeremii 22:23

Sisia, ma n giã-n Liban daã nɛ, ń kii dɔ sɛdrə dan la. Sɛnɛ, bɛ̀ là paparɛɛ daa n tɔwaa, n tá re gini, ka lɔ bɛ́ lɔn nɔɔrɔ koe.

Zeremii 4:31

Sonbore, ma á lɛ-dɛ miɛ̃, ka lɔ nɛ-yɛli bɛ́ lɔn, lɔ ten a lɛ-dɛ lɛa, a gɔ́ɔ̃ yii bibinaa nɛ yii. Siɔn kiwi a lɛ-dɛn manɛ. A n gini, á n gɔnɔn lɛ boe: «Aba! Man giɛ̃ gɛ̀-dɛlin mandɛ gɔn.»

Zeremii 49:24

Damaasi minin foo ziziɛ̃maa nɛ, maǹ nə n yɔrɔ boe die baa sii. Ǹ gɔ̀nɔn nə bìn diɛ nyɛ́ɛ gɔn. Nyɛ́ɛ nə ǹ ganaa, ǹ gɔ̀nɔn nə bìn diɛ, ka lɔ bɛ́ lɔn a nɛ yɛ biikoo li.

Zeremii 6:24

Wɔ bɛ́ wɔ bɛa kibərə lɛ ma, wɔ foo ziziɛ̃, nyɛ́ɛ wɔ kũ, wɔ n nɔmaa nɛ ka lɔ bɛ́ lɔn a nɛ yɛ biikoo li.

Minin nimi 30:13

Sɛnɛ, bɛ̀ ǹ zuũ lɛ nə́ n piã boo lɛ a miɛ pinaa, lɔ lɛ baran a da ǹ boo lɛ lɛ pã wa, lɔ lɛ lɛ-kɔ mɛn tumaa wɔ, a n lɛ kɔ ka sii mɛn tumaa nɛ á da a din bɔlɔ-a, bɛ kɔn ba giala yii doo wa. Ǹ zuũ bɛ́ na á n piã ǹ nɛ, Dɛnaa Lawa tá re bɛa zɛ̀rɛ toɛ lɔ lɛ nɛ.

Zaã a sɛ́wɔ 16:21

Bɛ̀ lɔ á nɔɔ̀rɔ koe ǹ mɛn waáraa, a yɔrɔ n kɔsiɛ nɛ, a giala, a nɔmaa biikoo na á dɔ; sɛnɛ, bɛ̀ á nɛ yɛ lɔn, a yiri n boe ka a nɔmaa kɛ nɛ, a nə n nyɛnyɛɛ, mà asɛ dɔ min yɛ á da kanaa.

Korɛnti1 11:3

Sɛnɛ, ma tá li máa ka kɛ dɔ dɔ̃: Giĩ tumaa a mìilandɛnaa n ka Krita nɛ, lɔ a mìilandɛnaa n ka giĩ ni, Krita a mìilandɛnaa n ka Lawa nɛ.

Korɛnti1 14:34

Ka a bɛ́ n zɛnɛɛ Lawa-nyankɔlen bii Lawa a sɔmɔ tumaa-n lɔn, lɛsɔkɔn bǎã nɛ, lɔn ba kɔnboe ǹ boo da wa. Ǹ na a lɛ kɔ, mà ǹ boo da wa. Ǹ doamaa nɛ ǹ goã lɛ-kɔlen lɛa, ka Lawa a Landa sɛ́wɔ dɔ bɛ́ pii lɔn.

Korɛnti1 7:4

Lɔ a boe la, a n din foo sii zɛnaa ka a gɔ̀nɔn nɛ wa, a giala, a gɔ̀nɔn lɛ nə ǹ zuũ wɔ lɛa; a din yii goon ne, giĩ dɔ a boe la, a n din foo sii zɛnaa ka a gɔ̀nɔn nɛ wa, a giala, mà a gɔ̀nɔn lɛ na a lɔ wɔ lɛa.

Kolɔɔsi minin 3:18

Lɔn lɛn, ka ka zuũn lɛ si, ká a doamaa bɛ́ a n zɛnaa lɔn, bɛ̀ ka á kaa-n kun ka Dɛnaa nɛ.

Tesaloniki1 5:3

Minin bɛ́ re pii biikoo mɛn li mà «Là nyantoro tan, mà baraa banban!», a din biikoo lɛ nɛ, basaã á die kirii ǹ la, ka nɔɔrɔ bɛ́ kirii lɔ nɔnɔa la lɔn, ǹ ba re n boe a-n dɔn wa.

Timote1 2:13

A giala, Aadã na á n zɛnaa bɔrɔ, bɛ kio Ɛvu.

Timote1 2:15

Sɛnɛ, a nɛn danbaa taman yii, lɔ á die kirisibiɛ, bɛ̀ á sii si a ganaa á goã goleemali gɔ́ɔ̃ nɛ, ka kɔn-narɛɛ laanka *yoreenbaa nɛ, ka din-gisiĩ ni.

Tiitii 2:5

Ń giɛ dɔn ǹ tá boe la ǹ goã mìiwedɛnan lɛa, ǹ nə́ *yoreen ne, ǹ lɔ baa, ǹ dí-nyali sonboren baa kion, ǹ sii n siĩni, ǹ nə ǹ zuũn lɛ si. Màn mɛn bɛ́ toɛ, min kɔ́n baran boo-ziziɛ̃ da Lawa a boo wɔ paǹ li wa.