Siin Giala 3:1 - LAWA A BOO SONBORE

¹ Dɛnaa Lawa don mànan mɛnɛn tumaa zɛnaa, miɛ̃ yiri goã wooro, á la ǹ tumaa nɛ. Á nɔ̀n da lɔ la kɛnɛn: «Lawa pɛ ka nɛ sonbore, mà ka baran dù gɔrɔ lɛ a da nɛ kɔ́n bii wa?»

LAWA A BOO SONBORE 2011

¹ Dɛnaa Lawa don mànan mɛnɛn tumaa zɛnaa, miɛ̃ yiri goã wooro, á la ǹ tumaa nɛ. Á nɔ̀n da lɔ la kɛnɛn: «Lawa pɛ ka nɛ sonbore, mà ka baran dù gɔrɔ lɛ a da nɛ kɔ́n bii wa?»

Siin Giala 3:1 ပူးပေါင်းရင်းမြစ်များ

Boo-laakalaali 4:10

Sonbore, bɛ̀ ǹ goon mɛnaa, ǹ miã lɛ á siɛ a da lon. Sɛnɛ, min mɛn bɛ́ a dinsɔɔ̃, bɛ wɔ n ka bɔ̀n nɛ! Bɛ̀ á mɛnaa, ǹ miã banban, bɛ́ n die siɛ a da lon wa.

Izayii 27:1

Bɛa pinaa, Dɛnaa Lawa á re yui *Leviatan gialaa ka a gɔya sa kaka pàãdɛnaa kɛ nɛ, Leviatan lɛ n miɛ̃ baa-sili lɛa. Leviatan piɛ̃maa-n ka taasiɛ baraa nɛ. Dɛnaa Lawa á re bɛa mu li ǹ màn babaraa lɛ dii.

Matiə 10:16

Haya! Masɛ n ka diɛ ka sèren bɛ́ woe don ginin bii lɔn. Bɛ lɛ taman yii, ka yiri bɔ ka dinin li ka miɛ̃ bɛ́ yiri boe a din li lon, sɛnɛ, ka goã basiɛ̃-n ka zɛrɛkantoan bɛ́ lɔn, ka baran basaã kɔ wa.

Matiə 4:3

Da minin gɔ́ɔ̃ li wole lɛ tɔ́n nə́ n zɔ̃ á dɔ a li, á pɛ nɛ: «Bɛ̀ ń tá Lawa a Nɛgiĩ lɛa sonbore, a pɛ kɔlɔn kɛn manɛ, mà ǹ nə n bɔyaa ǹ nə n baa màn-bii lɛa.»

Matiə 4:6

á pɛ nɛ: – Bɛ̀ n tá Lawa a Nɛgiĩ lɛa sonbore, n toa walan n furəə tán. A giala a tá kiɛ̃ nɛ Lawa a boo-n kɛnɛn: «Lawa á re pii a dia dí-a wolen manɛ, mà ǹ nə n gɔn koa n li ǹ nə n yo lon, màn mɛn bɛ́ toɛ, n baran n gòã na kɔlɔ ganaa wa.»

Matiə 4:9

Á tɔ́n pɛ nɛ: «Bɛ̀ ń lɛ kɔ n kaa tán masɛ giulun, n masɛ guguru kɔ, masɛ n kɛ din tumaa koe n la.»

Korɛnti2 11:14

Bɛ kɔ́n ba min tɔwɛɛ wa, a giala, *Sɛtaan dinmaa á boe la, a n din baa lon a dia dí-a wole tɛ fúludɛnaa lɛa.

Korɛnti2 11:3

Sɛnɛ, nyɛ́ɛ tá ma ganaa, máa ka yiri á die ziziɛ̃, ka miɛ̃ bɛ́ á Ɛvu yiri sã ka soɛ-n lɔn. Doa-kɔn sonbore *yoreen mɛn bɛ́ ka bii ka Krita nɛ, ma ba li máa ka n na, ka n bɔ bɛ ganaa wa.

Piɛrɛ1 3:7

Kasɛn dɔn, giĩn lɛn, a din yɔrɔ kɛ lɛ la, ka dɔn nə goã kun kaa lɔn nɛ, ka n doɛ̃ mà pàã ba ǹ lon ka kaa wɔ bɛ́ lɔn wa. Ka ǹ guguru kɔ, a giala, ǹ dɔn doamaa nɛ, ǹ Lawa a bǐɛ̃baa ǹ nyin nyabaã kɛ lɛ yɛ kun ka nɛ. Ka zɛnaa miɛ̃, màn mɛn bɛ́ toɛ, màn kɔ́n baran ka sàabaa Lawa-nyankɔ ganaa wa.

Sii-nyaan 12:15

Bɛ lɛ ganaa, miɛ̃ lɛ pisəə ka mu ni, bɛ n baa sii tán ka tà mu bɛ́ lɔn, mà a boo la a lɔ lɛ saa a kiɛ̃ nɛ.

Sii-nyaan 12:9

Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.

Sii-nyaan 20:2

Á tɔɔ babaraa piɛ̃ wole kɛ kũ á da fɔlɔ biɛ nɛ, mà yǎa lɛ̀ duu goon. A din lɛ n lɛlɛ a miɛ̃ lɛ lɛa, ǹ nə́ bíi nɔ̀ɔn babaraan kiã, ǹ nə́ bíi *Sɛtaan dɔn.