Siin Giala 28:3 - LAWA A BOO SONBORE

³ Lawa Pàãyiidɛnaa die a barka wɔ a nɛ, a die a toa n nɛnyaanan yɛ ǹ mɔnaa, a die a n baa tɔrɔ gigiã a díi lɛa.

LAWA A BOO SONBORE 2011

³ Lawa Pàãyiidɛnaa die a barka wɔ a nɛ, a die a toa n nɛnyaanan yɛ ǹ mɔnaa, a die a n baa tɔrɔ gigiã a díi lɛa.

Siin Giala 28:3 ပူးပေါင်းရင်းမြစ်များ

Siin Giala 1:28

Lawa barka da ǹ ganaa, á pɛ ǹ nɛ kɛnɛn: «Ka nɛnyaanan yɛ, ǹ mɔnaa, ǹ tán pã, ǹ giã a mìi la. Ǹ goã kɔ̀ mu li ǹ zɔ̀n mìi la, ka bàanan laanka màn yiikoonaa mɛn tumaa bɛ́ tɔ we tán la.»

Siin Giala 13:16

Má á re n tɔrɔ mɔnɛɛ ka tán tii bɛ́ lɔn. Tán tii bɛ́ mɔnaa-n lɔn, min ná a boe la á nimii wa, n dɔ tɔrɔ n die mɔnɛɛ miɛ̃, min ná a boe la a nimi wa.

Siin Giala 17:20

N ma nyankɔ ka sii mɛn nɛ Isimayeli dɔ wɔ paǹ li, má ma. Á ke, man die barka we a nɛ, ma á re toɛ a nɛnyaanan yɛ, ma á re a tɔrɔn mɔnɛɛ parsiini. Á re nɛ fulupaa yii. Bɛn tá re goledɛnan biɛ, a tɔrɔn tá re gána gole biɛ.

Siin Giala 24:60

Ǹ nə́ lɛn bǐɛ̃ bíi li, bɛ̀ ǹ tá pii: «Miãnɛn, Lawa die a toa n minbuiin duu damata a náa baa. Min mɛnɛn bɛ́ n tɔrɔn biɛ zɔ́ɔ, Lawa die a toa, n tɔrɔn nə bɛn giã ǹ bǎã a dɛnan baa.»

Siin Giala 26:24

Dɛnaa nə́ n din nyaa nɛ, bɛ lɛ a pinaa tèlò-n, á pɛ nɛ: «Masɛ nə n di Abrahamu a Lawa lɛa. N baran nyɛ́ɛ baa wa, ma tá kunun n ni. Ma á re barka we n ne, ma n tɔrɔn mɔnaa. Man die bɛ zɛnɛɛ maa bɛ̀rɛgiĩ Abrahamu taman yii.»

Siin Giala 26:4

Ma á die a tɔrɔn mɔnɛɛ, ka lon a leeren bɛ́ lɔn, ma bǎãn kɛn lɛn tumaa kɔ ǹ la. Kanaa a tɔrɔn tumaa á die lɛn bǐɛ̃ bíi kɔn li, ǹ pɛ: «Lawa die a barka wɔ n nɛ, ka Abrahamu tɔrɔn wɔ bɛ́ lɔn.»

Siin Giala 27:33

Bɛ́ gɔ̀nɔn bìn diɛ da Izaaki ganaa parsiini. Á tɔ́n pɛ: «Sɛnɛ, die na á woo don baa, á siĩ dɛ á daa kɔ masɛ la? Má màn tumaa bii, bɛ̀ n nə n tɔn daa wa. Má lɛn bǐɛ̃ bíi bɛa dɛnaa lɛ li, ma a n lɛ boe doɛ̃ doo wa.»

Siin Giala 35:11

Lawa pɛ-n doo: «Man Lawa Pàãyiidɛnaa lɛa. Ma á die toɛ n nɛ gigiã yɛ, n tɔrɔ mɔnaa ǹ gána baa. Ń tá re tɔrɔ gigiã a díi biɛ. KIIN tá re boe n tɔrɔn bii.

Siin Giala 41:52

Á kiɛɛrɛdɛnaa lɛ bíi Efrayimu (bɛ giala mà "Nɛnyaanan Yɛ"). A giala, mà Lawa nə́ n dɔ asɛ lɛ, á nɛnyaanan yɛ, bɛ̀ asɛ bɛ́ a nɔmaa ǹ gána nɛ.

Siin Giala 43:14

Lawa Pàãyiidɛnaa die a ka gìĩ da giĩ lɛ nyin ni, a toa Simiɔn laanka Bɛnzamɛn nə n bɔyaa kun ka nɛ. Man die foɛ̃ maa nɛnyaanan lɛn nɛ kɛnɛn, ka ma bin ni ma nɛ yɛ wa!»

Siin Giala 48:3

Zakɔba tɔ́n pɛ Zozɛfu ni: – Lawa Pàãyiidɛnaa nə́ n din nyaa ma nɛ Luuzu kiwi, Kanaan gána nɛ, á barka da ma ganaa.

Siin Giala 48:4

Á pɛ ma-n kɛnɛn: «Ma á re n buluboe, ma n nɛnyaanan mɔnaa, ma n baa tɔrɔ gigiã lɛa. Ma á re gána kɛ lɛ koe n tɔrɔn la, a ǹ wɔ baa duuduu.

Siin Giala 49:25

N di a Lawa á re n doe n lɛ, Pàãyiidɛnaa Lawa á re barka diɛ n ganaa. Á die a la mu gisĩ n la, a die a tán giulun mu kɔ n la, a die a nɛnyaanan laanka tɔɔn kɔ n la.

Siin Giala 9:1

Lawa barka wɔ Nowee laanka a nɛnyaanan nɛ, á pɛ ǹ nɛ kɛnɛn: «Ka nɛnyaanan yɛ, ka mɔnaa, ka tán pã.

Loen 127:1

Wo Zeruzalɛmu loe. Salomɔn a loe n ke. Bɛ̀ Dɛnaa Lawa kion mɛn dɔ wa, a dɔlen man dí nyɛɛ kooro. Bɛ̀ Dɛnaa Lawa ba kiwi mɛn lɛduĩ wa, a lɛduə̃lin man lɛ wɛɛ ǹ yii n koo kooro.

Loen 127:3

Ka ga, Dɛnaa Lawa na á nɛnyaanan kɔ sumu a kíɛ̃ lɛa, là gole ne Dɛnaa Lawa kɔ.

Bɔ bɛ̀rɛbaa nɛ 1:7

Izirayeli minin lɛn nə́ nɛnyaanan yɛ, ǹ nə́ mɔnaa Ezipti gána lɛ nɛ, ǹ pàã gole kɔ parsiini.

Bɔ bɛ̀rɛbaa nɛ 6:3

Má n din nyaa Abrahamu ni, Izaaki laanka Zakɔba nɛ, "Lawa Pàãyiidɛnaa" lɛa, sɛnɛ, ma tɔ ke "Dɛnaa" ke, man din nyaa ǹ nɛ ka bɛ-n wa.

Korɛnti2 6:18

Ma á re kaa díi biɛ, ka dɔn tá re maa nɛgiĩn biɛ ka maa nɛlɔn nɛ. Dɛnaa Pàãyiidɛnaa na á pɛ miɛ̃.»

Sii-nyaan 21:22

Ma Lawa a kion yɛ kiwi lɛ-n wa, a giala Dɛnaa Lawa Pàãyiidɛnaa din laanka Sère Nɛ lɛ din nə Lawa a kion lɛa.

Uruti 2:4

Bɛ kio, Boazi bɔ Bɛtlehɛmu á daa, á pɛ ɔrzi-kurulin lɛn manɛ: «Dɛnaa Lawa die a goã kun ka niɛ» Ǹ ná a lɛ si: «Dɛnaa Lawa die a barka da n dɔ ganaa.»