Siin Giala 28:2 - LAWA A BOO SONBORE

² Yoo n wo n náa a díi Betoeli a piɛ, Mezopotamii gána nɛ, n nə n diãgiĩ Laban a nɛlɔn kɛn goon saa lɔ lɛa walan.

LAWA A BOO SONBORE 2011

² Yoo n wo n náa a díi Betoeli a piɛ, Mezopotamii gána nɛ, n nə n diãgiĩ Laban a nɛlɔn kɛn goon saa lɔ lɛa walan.

Siin Giala 28:2 ပူးပေါင်းရင်းမြစ်များ

Siin Giala 24:10

Bɛ̀rɛgiĩ lɛ nyɔɔmaa fù bɔ a dɛnaagiĩ lɛ a nyɔɔmaan bii, á woo. A màn sonbore mɛn tumaa bɛ́ a tan, á yoo ka bɛ kɔ́n nɛ a gɔn, a n woe Nahɔɔrɔ a kiwi, Mezopotamii gána nɛ.

Siin Giala 24:29

Rebeka ǹ miãgiĩ goon goã, a tɔ n Laban. Bɛ́ baa si á soo kanaa, á woo giĩ lɛ li tù lɛ lɛ-a.

Siin Giala 24:4

N liɛ masɛ nɛ, mà n tá re woe masɛ á bɔ ǹ gána nɛ, n ma din a kion min saa lɔ lɛa, n da kɔ Izaaki la.»

Siin Giala 24:50

Laban tɔ́n nə n lɛ da boo lɛ nɛ. A din laanka Betoeli tɔ́n pɛ: «Sii kɛ na á bɔ Dɛnaa din li, boo kɔ́n ba wɔsɛn lɛ-n, wɔ pɛ n nɛ wa.

Siin Giala 25:20

Izaaki a yɛ lɛ̀ pusi, á Rebeka saa lɔ lɛa. Rebeka n Laban ǹ miãnɛn lɛa, Betoeli mɛn bɛ́ Aramu min lɛa boe Mezopotamii gána nɛ, bɛa nɛlɔ nɛ.

Siin Giala 28:5

Izaaki Zakɔba dia, á woo Aaramun giĩ Betoeli a nɛgiĩ Laban li, Mezopotamii gána nɛ. Zakɔba laanka Ezawu ǹ dan Rebeka ǹ miãgiĩ ni.

Siin Giala 29:1

Zakɔba yoo á mɛ zii la, á woo gána goon ne lɛ̀giala-n.

Siin Giala 31:18

A ná a tɔɔn tumaa loo, a màn mɛn tumaa yɛ Mezopotamii gána nɛ, á yoo ka bɛ tumaa nɛ, mà a n wusii woe ǹ di Izaaki li Kanaan gána nɛ.

Siin Giala 32:10

Bɛ kio, Zakɔba Lawa nyankɔ á pɛ: «Ma di gole Abrahamu a Lawa, ma di Izaaki a Lawa, Dɛnaa, n din ni ń pɛ ma nɛ mà ma wusoo ma wo maa gána nɛ, ma dɔɔ̃nɔn li, mà n tá re bǐɛ̃ zɛnɛɛ ma nɛ.

Siin Giala 33:18

Zakɔba bɛ́ á soo Mezopotamii gána nɛ, á daa á dɔ Sisɛmu kiwi, Kanaan gána-n ka bǐɛ̃ nɛ. Á giã á n wɔlɔ kunu kɔ kiwi lɛ ganaa.

Siin Giala 35:9

Zakɔba bɛ́ boe Mezopotamii gána-n die, Lawa wusoo á n din nyaa-n doo, á barka wɔ a nɛ.

Siin Giala 46:15

Zakɔba a lɔ Leyaa nɛnyaanan mɛnɛn yɛ Mezopotamii gána nɛ, bɛn lɛn tɔn man ka bɛn nɛ, a nɛlɔ Diinaa nə n ti ǹ ganaa. Ǹ tumaa a tɔkɔnlɛ ka ǹ yɛ ǹ nɛnyaanan nɛ, maǹ min pɔsɔɔ ka sɔɔ.

Ozee 12:12

Bɛ̀ Galaati minin nə́ sii bɔbɔnɛɛ zɛnalin baa, maǹ màn kooron lɛa ma gɔn. Maǹ tɔn wúlun boboe Gilgaali ka dii gɔ̀lɔ̀n nɛ. Ǹ wúlu bɔ ǹ bǎãn kɛn tá re n biɛ ka kɔlɔn bɛ́ lɔn kantian bii ni wuru-n.

Ozee 12:13

Zakɔba baa si á woo Aaramu gána nɛ. Izirayeli nə n din kɔ bɛ̀rɛbaa la, lɔ a lɛa. Lɔ a lɛa, á tɔɔn-lɛduə̃li baa.