Siin Giala 27:29 - LAWA A BOO SONBORE

²⁹ Lawa die a toa tɔrɔ kɔsɔn nə dí nya n nɛ, minin nə kaa tán n giulun, ǹ nə n guguru kɔ. Lawa die a n koa n dɔɔ̃nɔn mìi la, n dan a nɛnyaanan nə kaa tán n giulun, ǹ nə n guguru kɔ. Bɛ̀ min lɛn pɛpiã bíi n li, a kũ ǹ dɛnaa din mìi ni. Bɛ̀ min lɛn bǐɛ̃ bíi n li, lɛn bǐɛ̃ kɔ bɛa dɛnaa lɛ.»

LAWA A BOO SONBORE 2011

²⁹ Lawa die a toa tɔrɔ kɔsɔn nə dí nya n nɛ, minin nə kaa tán n giulun, ǹ nə n guguru kɔ. Lawa die a n koa n dɔɔ̃nɔn mìi la, n dan a nɛnyaanan nə kaa tán n giulun, ǹ nə n guguru kɔ. Bɛ̀ min lɛn pɛpiã bíi n li, a kũ ǹ dɛnaa din mìi ni. Bɛ̀ min lɛn bǐɛ̃ bíi n li, lɛn bǐɛ̃ kɔ bɛa dɛnaa lɛ.»

Siin Giala 27:29 ပူးပေါင်းရင်းမြစ်များ

Siin Giala 12:3

Bɛ̀ min mɛnɛn nə́ lɛn bǐɛ̃ bíi n li, ma á re lɛn bǐɛ̃ bíi bɛa dɛnan li. Bɛ̀ min mɛnɛn nə́ lɛn pipiã bíi n li, ma á re lɛn pipiã bíi bɛa dɛnan li. Kanaa a tɔrɔn tumaa wɔ á re bǐɛ̃ koe n wɔ gɔ́ɔ̃ nɛ.»

Siin Giala 25:33

Zakɔba tɔ́n pɛ nɛ: «N liɛ ma-n bɔrɔ.» Ezawu nə́ n liɛ Zakɔba nɛ, a ná a kiãbaa lɛ sã la.

Siin Giala 27:30

Izaaki lɛn bǐɛ̃ bíi Zakɔba li á nya. Zakɔba bɛ́ kiɛ̃ n boe a li boɛɛn gɔrɔ, bɛ̀ ǹ dɔɔ̃ngiĩ Ezawu bɛ́ á bɔ donbaa ǹ bǎã nɛ, á daa.

Siin Giala 27:37

Izaaki tɔ́n boo lɛ saa, á pɛ Ezawu ni: «Má Zakɔba koa n mìi la, má n dɔɔ̃nɔn tumaa kɔ la bɛ̀rɛ lɛa. Má pɛ máa Lawa die a belee kɔ la, ka duvɛ̃ dii ni. Ma n boe la, ma wàa zɛnaa n nɛ doo, maa nɛ?»

Siin Giala 27:40

N tá re liɛ n gɔya sa ganaa. N tá re dí nyɛɛ n diɛ̃ lɛ nɛ, sɛnɛ, n tá re n gɔn sii la. A bɛ́ re guĩ mɛn diɛ n mìi ni, n tá re n mìi boe bɛ li, n tá re n bɔlɔ boe a biɛ nɛ.

Siin Giala 37:10

Á bɛa narɛɛ lɛ dɔ laakalaa ǹ di ni, ka a bɛ́ á pɛ ǹ golon lɛn man lɔn. Ǹ di yoo a gialaa, á paparaa li: «Wàa-n narɛɛ tɔrɔ n ka bɛ nɛ ń wɔ? A nə n gɔ́ɔ̃-n kəni, mà masɛ laanka n dan ka n golon kɛn tá re die kiɛ tán n giulun ǹ kɔ́n pinaa?»

Siin Giala 37:7

Ma n má n narɛ, ka wɔ ǹ *belee kuri, wɔ́ n yii gɔn sara yii kiɛ tán. Bǎã goon ne gɔrɔ, masɛ a gɔn sara yii yoo, á n tele á golee lon. Kaa gɔn sara yiin lɛn nə́ daa masɛ wɔ lɛ lɛnpɛnɛ, ǹ nə́ kaa tán a giulun.»

Siin Giala 9:27

Lawa die a n gɔn pã a da Zafɛti lon. Lawa die a giã Sɛmu a zàã nɛ. Kanaan die a n baa a bɛ̀rɛ lɛa.»

Kiin1 22:47

Min mɛnɛn nə goã wo dì la ǹ kɔrɔbaa zɛnɛɛ, Zozafati ǹ di Azaa a biikoo li, bɛn gialakunun mɛnɛn nə n si, ǹ nə́ goã, Zozafati bɛn yii papaã á ǹ bɔ gána lɛ nɛ.

Loen 72:8

N din toa, a kiibaa lɛ goã gána lɛ mìi la, a bɔ kɔ̀ goon ganaa, a wo dɔ goon kɔsɔ dɔ ganaa. Toa a bɔ Efrati tà kɛ ganaa, a wo dɔ kanaa lɛ-doa ganaa.

Izayii 45:14

Dɛnaa Lawa n kɛ pii: Izirayeli, Ezipti minin dí a là ke, Etiopii pii-kɔlen naforo ne, Sebaa min sɔsɔrɔn kɛn nɛ, bɛn tumaa n die die n li, ǹ nə n wɔ baa. Bɛa tɔrɔn lɛn tá re koe n lɛ, ǹ nə́ yii ni ka fɔlɔ biɛn nɛ. Ǹ tá re n musin koɛ tán-a n yɔrɔ-a. Ǹ tá re pii ka ǹ we ne n yɔrɔ-a: «Lawa nə n dinsɔɔ̃ li, lawa kɔsɔn kɛn man màn kooron lɛa.»

Izayii 49:23

KIIN tá re n nɛnyaanan toe. Kii a nɛlɔn tá re màn-bii koe ǹ la. Ǹ tá re n musin koɛ tán-a n yɔrɔ-a, ǹ nyanlɛ n doa-n tán, ǹ nə n guguru kɔ. N tá re doɛ̃ ka bɛ-n kəni, mà ma din nə Dɛnaa Lawa lɛa. Min mɛnɛn dɔn bɛ́ n foo doɛ masɛ ganaa, sìi á re ǹ kuĩ wa.

Izayii 49:7

Dɛnaa Lawa pɛ, asɛ mɛn bɛ́ Izirayeli si sii la wole lɛa, a n Izirayeli a Lawa sonbore lɛa. A n kɛ pii n ni, nsɛ mɛn bɛ́ ǹ nə́ n pɔpɔsɛ, n tìĩ n boe-n zaman nɛ, nsɛ mɛn bɛ́ kii kakaarɛn bɛ̀rɛ lɛa: «Bɛ̀ kiin nə́ n yɛ, ǹ tá re yui lon n nyɛɛnɛ. Bɛ̀ kiãn yii mɛ n ganaa, ǹ tá re kiɛ tán ǹ lɛ la n yɔrɔ-a.» Bɛ n die n zɛnɛɛ Dɛnaa Lawa a bɔlɔgoondɛnaabaa taman yii, Izirayeli a Lawa sonbore kɛ taman yii, a din mɛn lɛ nə n bɔ á n koa.

Izayii 60:12

Tɔrɔ hinlaa gána mɛn bɛ́ re n piɛ̃ ma a dí nyɛɛ n nɛ wa, bɛ á re papaɛ̃. Bɛa tɔrɔn lɛn tá re ziziɛ̃ lenlen.

Izayii 60:14

Min mɛnɛn nə fuu nyaa n nɛ, bɛn nɔ̀ɔnɔn tá re n mɔrɛɛ n ganaa, ǹ mìi n kuməə ne. Min mɛnɛn nə n baa màn kooro lɛa, bɛn tá re n musin koɛ tán-a n yɔrɔ-a. Ǹ tá re n bíi: «Dɛnaa Lawa a kiwi, Izirayeli a Lawa sonbore a *Siɔn.»

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Minin nimi 23:8

Lawa bɛ́ a n lɛn baraa da min mɛn kio wa, masɛ n siɛ lɔn ma tɔn nə n lɛn baraa da bɛ kio? Dɛnaa Lawa bɛ́ a dɔlɔ da min mɛn mìi-n wa, masɛ n siɛ lɔn ma tɔn dɔlɔ da bɛ mìi ni?

Minin nimi 24:18

A n die Edɔmu gána kuĩ a giã la, a n die a zɔ́ɔ, Seyiri gána kɛ kuĩ a giã la. Izirayeli minin man die gɔ̀lɔ̀ biɛ.

Minin nimi 24:9

Maǹ nə n kumii, ǹ nə́ wɛɛ tán ka don siĩ bɛ́ lɔn, ká yàra bɛ́ lɔn. Die n boe la a ǹ da yoo ganaa ka pàã nɛ? Bɛ̀ min mɛn nə́ lɛn bǐɛ̃ bíi ǹ li, lɛn bǐɛ̃ nə n bíi bɛa dɛnaa li. Bɛ̀ min mɛn nə́ lɛn baraa bíi ǹ li, lɛn baraa nə n bíi bɛa dɛnaa li.

Matiə 25:40

Kii lɛ á die pii ǹ ni: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa ma dɔɔ̃nɔn kɛn mɛn nɛ, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ din ni.»

Matiə 25:45

Kii lɛ á die ǹ lɛ sii kɛnɛn: «Masɛ n pii ka nɛ, sonbore ne: Bɛ̀ ka bɛa sii kɛ lɛ zɛnaa masɛ dɔɔ̃nɔn kɛn kɔ́n nɛ wa, haalɛ ta ǹ dɛnaa n boɛɛn nɛ lɔn, ka ǹ ka zɛnaa masɛ dinmaa lɛ-n wa.»

Sii-nyaan 19:16

Ǹ nə́ tɔ kiɛ̃ a dɔnkɛ ganaa ka a gisi goon ne kɛnɛn: «Kiin Kii, dɛnaan Dɛnaa.»