Siin Giala 26:3 - LAWA A BOO SONBORE

³ Giã bɛa bǎã lɛ nɛ, ma á die goɛ̃ kunun n ni, ma barka wɔ n nɛ. Ma á die bɛa bǎã lɛ koe n din laanka n tɔrɔn la. Man liɛ n di Abrahamu-n ka sii mɛn nɛ, man die bɛ zɛnɛɛ nɛ.

LAWA A BOO SONBORE 2011

³ Giã bɛa bǎã lɛ nɛ, ma á die goɛ̃ kunun n ni, ma barka wɔ n nɛ. Ma á die bɛa bǎã lɛ koe n din laanka n tɔrɔn la. Man liɛ n di Abrahamu-n ka sii mɛn nɛ, man die bɛ zɛnɛɛ nɛ.

Siin Giala 26:3 ပူးပေါင်းရင်းမြစ်များ

Siin Giala 12:7

Dɛnaa nə́ n din nyaa Abramu ni, á pɛ nɛ: «Man die gána kɛ koe n din tɔrɔn la.» Dɛnaa nə n din nyaa nɛ bǎã mɛn nɛ, Abramu *wúlu bɔ ǹ bǎã dɔ walan Dɛnaa wɔ lɛa.

Siin Giala 13:15

Gána kɛ lɛ n yii tá a ganaa ke, má a tumaa kɔ n la, má kɔ n tɔrɔn la yǎa duduu.

Siin Giala 13:17

Yoo n nə n bibiə̃ gána lɛ nɛ, n wo a sasabaa li, n ga a gɔ́ɔ̃ dɔ a golebaa ganaa. A giala, man koe n la.»

Siin Giala 15:18

Bɛ lɛ a pinaa, Dɛnaa lɛ kɔ kɔn la doa kɔn ka Abramu ni, á pɛ-n kɛnɛn: «Man die gána kɛ lɛ koe n din tɔrɔn la, a saa Ezipti a tà ganaa, a wo Efrati tà gole kɛ yaa:

Siin Giala 17:19

Lawa tɔ́n pɛ kɛnɛn: «Haayii dɛ! N lɔ Saaraa kɛ lɛ á re nɛgiĩ yii n wɔ lɛa, n tá re a tɔ koe Izaaki. Ma lɛ kɔ kɔn la mɛn wɔ, man die bɛ lɛ doɛ kɔn nɛ, a laanka a tɔrɔn mɛnɛn bɛ́ re yii a kio. Ma ba n lɛ boe wa. A n lɛ kɔ kɔn la lɛa yǎa duduu.

Siin Giala 17:8

N bɛ́ gùli lɛa Kanaan gána mɛn nɛ, ma á re bɛa gána lɛ tumaa koe n laanka n tɔrɔn la, a ǹ wɔ baa yǎa duduu. Masɛ á re goɛ̃ ǹ Lawa lɛa.»

Siin Giala 20:1

Abrahamu yoo walan á woo gusin a lɛ̀gɔn la, á giã Kadɛsi laanka Suuru gána bii ni. Bɛ kio, á woo giã Geraara kiwi bɔrɔ.

Siin Giala 25:11

Abrahamu a gɛ̀ kio, Lawa barka wɔ a nɛgiĩ Izaaki lɛ nɛ. Izaaki na á goã giã-n Lahayi-Royi Tù lɛ-a.

Siin Giala 26:12

Izaaki wuru bɔ bɛa gána lɛ-n bɛa lɛ̀ lɛ ganaa. A màn tɔrɔ mɛn da a nɛ, á bɛa laman paabiɛ bɔ a nɛ. Dɛnaa barka wɔ a nɛ,

Siin Giala 26:14

Á tɔɔ gigiãdɛnaa baa, sèren ne ka diin ni, bɛ̀rɛ gigiã dɔ́ goã a lon. Bɛ lɛ taman yii, Filisiti minin foo wuu pɛ Izaaki li.

Siin Giala 26:24

Dɛnaa nə́ n din nyaa nɛ, bɛ lɛ a pinaa tèlò-n, á pɛ nɛ: «Masɛ nə n di Abrahamu a Lawa lɛa. N baran nyɛ́ɛ baa wa, ma tá kunun n ni. Ma á re barka we n ne, ma n tɔrɔn mɔnaa. Man die bɛ zɛnɛɛ maa bɛ̀rɛgiĩ Abrahamu taman yii.»

Siin Giala 28:13

A yii n Dɛnaa ganaa golee-n a nyɛɛnɛ, á n pii ni: «Masɛ n Dɛnaa, Abrahamu a Lawa lɛa, man Izaaki a Lawa lɛa. Ń bɛ́ waa-n tán mɛn la, man die koe n din laanka n tɔrɔn la.

Siin Giala 28:15

Á ke, ma á kunun n ni! N bɛ́ re woe bǎã woo bǎã nɛ, ma á re n tamaɛ, ma á re toɛ, n nə n bɔyaa n da gána kɛ nɛ. Ma a re n toɛ walan duduu wa, ma n lɛ kɔ n la ka sii mɛn tumaa nɛ, yǎa ma bɛ tumaa zɛnɛɛ n nɛ.»

Siin Giala 31:3

Dɛnaa tɔ́n pɛ Zakɔba nɛ: «Wusoo n wo n dikion, ǹ dɔɔ̃nɔn li. Ma á die goɛ̃ kunun n ni.»

Siin Giala 35:12

Ma gána mɛn kɔ Abrahamu laanka Izaaki la, man die bɛ koe n la. N tɔrɔn mɛnɛn bɛ́ re yii n kio, ma á re koe bɛn dɔn la.»

Siin Giala 39:2

Dɛnaa Lawa goã kun ka Zozɛfu ni, a nya ǹ dí tumaa siĩn kɔ. Zozɛfu giã a dɛnaagiĩ lɛ a kion.

Siin Giala 39:21

Lawa bǐɛ̃ zɛnaa nɛ, a ná a sii kɔɔ̃n kɔ kòso kion-lɛduə̃li ganaa.

Siin Giala 48:21

Bɛ kio, Zakɔba pɛ Zozɛfu ni: «Ma á re giɛ̃, sɛnɛ, Lawa á re goɛ̃ kun ka nɛ, á re toɛ, ka wusoo ka da ka digolon gána nɛ.

Siin Giala 50:24

Zozɛfu tɔ́n pɛ ǹ dɔɔ̃nɔn lɛn nɛ ǹ kɔn pinaa kɛnɛn: «Masɛ a gɛ̀ dɔ á nya. Sɛnɛ, Lawa á die n doe ka lɛ. A n lɛ kɔ Abrahamu laanka Izaaki la ka Zakɔba nɛ, mà á die gána mɛn koe ka la, Lawa á die ka boe a ka bɔ Ezipti gána nɛ, a wo ka-n walan.

KZS1 16:16

A lɛ-kɔ mɛn wɔ ka Abrahamu ni, bɛ lɛ nɛ. A na á baa liɛ lɛa Izaaki ni.

Loen 105:8

A nə n yiri koɛ a lɛ kɔ kɔn la kɛ-n biikoo tumaa li. A yiri a boe a lɛ-kɔ kɛ dɔ-n wa, yǎa wasa lɛ minin koa kɔn kio duu goon.

Loen 105:9

A lɛ kɔ kɔn la mɛn wɔ ka Abrahamu ni, bɛ lɛ nɛ. A na á baa liɛ lɛa Izaaki ni.

Loen 32:8

Dɛnaa Lawa pɛ ma nɛ: Ma á re n darɛɛ, n doamaa bɛ́ n kɔ zii mɛn lɛ, ma á re bɛ nyɛɛ n nɛ. Ma á re doree koe n la, ma ga n walan.

Loen 39:12

Ma n minbuiin nɛ a sii baraa a dɔlɔ boe a ganaa, n tá doree. Màn mɛn sii bɛ́ kaka a ganaa, man bɛ lɛ ziziɛ̃, ka nyuun bɛ́ màn ziziɛ̃ lɔn. Sonbore, minbuiin nɛ tumaa n ka piɛ̃ kooro bɛ́ lɔn. Doa.

Bɔ bɛ̀rɛbaa nɛ 2:24

Lawa nə́ ǹ ginii lɛ ma. Lawa yiri gisĩ ka lɛ kɔ kɔn la kɛ nɛ, a din doa kɔn ka Abrahamu ni, ka Izaaki laanka Zakɔba nɛ.

Bɔ bɛ̀rɛbaa nɛ 3:12

Lawa pɛ nɛ: «Ma á kunun n ni. Sii mɛn bɛ́ nyɛɛ n nɛ, mà masɛ din nə má n dia bɛ á ke: Bɛ̀ ń soo ka zaman lɛ nɛ ń nə́ ǹ bɔ Ezipti gána nɛ, ǹ tá re dí nyɛɛ Lawa nɛ kele kɛ la.»

Bɔ bɛ̀rɛbaa nɛ 6:4

Man má lɛ kɔ kɔn la wɔ ka ǹ dinin lɛn nɛ, máa ma á die Kanaan gána koe ǹ la, gána mɛn bɛ́ ǹ nə́ tiibaa zɛnaa a nɛ.

Bɔ bɛ̀rɛbaa nɛ 6:7

Ma á re ǹ sii, ǹ goã ma din a zaman lɛa, ma dɔ goã ǹ dɔn Lawa lɛa. Ǹ tá re doɛ̃, mà ma din Dɛnaa lɛ nə ǹ Lawa lɛa, Lawa mɛn bɛ́ ǹ boe Ezipti minin nɔmaa ǹ dín li.

Bɔ bɛ̀rɛbaa nɛ 6:8

Ma din nə n liɛ, máa ma á re gána mɛn koe Abrahamu la, ka Izaaki laanka Zakɔba nɛ, man woe bɛa gána lɛ koe ǹ dinin kɛn lɛn la, ǹ nɛnyaanan lɛa. Man die koe ǹ la, a ǹ wɔ baa. Ma din lɛ n Dɛnaa Lawa lɛa.»

Izayii 43:2

Ta ma n mu zuzulu kuri, ma tá kunun n ni. Ta ma n tà kuri, mu á re n kuĩ wa. Ta ma n tɔ we tɛ bii, a re n kuĩ wa. Tɛ buə̃ lɛwɔn ba re miɛ n-a wa.

Izayii 43:5

Nyɛ́ɛ nyan nə n kũ wa, ma á kunun n ni. Ma á re boe ka n nɛnyaanan nɛ lɛ̀giala-n ma da ǹ nɛ, ma á re boe ǹ ne lɛ̀nyɛɛnɛ ma ǹ sɔkɔn.

Misee 7:20

N tá re n sonborebaa nyɛɛ Zakɔba tɔrɔn kɛn manɛ, n tá re n giaárabaa nyɛɛ Abrahamu tɔrɔn kɛn manɛ. N lɛ kɔ wɔ digolon la ka sii mɛn nɛ haalɛ bibi, a din lɛ n ka bɛ nɛ.

Minin nimi 23:19

Lawa bie min lɛa, a tɔn soɛ bɔ wa! A bie minbuiin nɛ lɛa, a tɔn wusoo a kio-n wa! A ba boo diɛ, bɛ̀ a ná a ba a lɛ piɛ̃ wa! A boo diɛ a n lɛ bɔ wa!

Timəə dí-pɛn 1:8

Ka ga: gána kɛ lɛ ka nyɛɛnɛ, má kɔ ka la. Ka kaa a nɛ, ka si ka baa kaa wɔ lɛa. A giala, masɛ Dɛnaa Lawa nə n liɛ, má maa á re gána lɛ koe ka digolo Abrahamu la, Izaaki ni ka Zakɔba nɛ, ma kɔ ka tɔrɔn dɔn la ka kio.»

Timəə dí-pɛn 34:4

Dɛnaa Lawa tɔ́n pɛ nɛ: «Man lɛ kɔ Abrahamu la Izaaki ni ka Zakɔba nɛ gána mɛn wɔ paǹ li, má ma á re koe ǹ tɔrɔn mala, a din lɛ n ka kɛ nɛ. Man nyɛɛ n nɛ máa n yii yɛ, sɛnɛ, n ba re we a-n wa.»

Filipi minin 4:9

Ka màn mɛn yɛ masɛ li, ká n daraa a ganaa, ka ma lɛ ma boo mɛn diɛ, ká ma yɛ a sii zɛnɛɛ, ka toa ka bɛ tumaa a sii zɛnaa. Bɛ̀ á n baa miɛ̃, Lawa mɛn bɛ́ là nyantoro koe wɔ la, bɛ á re goɛ̃ kun ka nɛ.

Ebrəə 11:9

Golee Lawa li na á toa, Lawa nə n lɛ kɔ la ka gána mɛn nɛ, á giã bɛ nɛ ka tii bɛ́ lɔn. Abrahamu giã mɔnaa kionən ne, kun Izaaki ni ka Zakɔba nɛ, Lawa a lɛ-kɔ ǹ sii goon kɛ lɛ bɛ́ bɛn mɛnɛn dɔn wɔ lɛa.

Ebrəə 6:17

Bɛa yɔrɔ kɛ lɛ la, Lawa na á goã giɛ li a nyaa foaãnɛ, a lɛ-kɔ ǹ bǐɛ̃ kɛ lɛ a yɛlen ne, mà asɛ ba n lɛ boe doo wa. Bɛ lɛ nɛ, á liɛ da lɛ-kɔ lɛ li.