Siin Giala 26:29 - LAWA A BOO SONBORE

²⁹ N liɛ, mà n ba re sii baraa zɛnɛɛ wɔsɛn man wa, a giala, wɔsɛn nə sii baraa zɛnaa n dɔ-n wa. Wɔ n wɔ́ bǐɛ̃ dinsɔɔ̃ zɛnaa n nɛ, wɔ toa ń woo ka là nyantoro ne. Dɛnaa á ke á barka wɔ n nɛ sisia.»

LAWA A BOO SONBORE 2011

²⁹ N liɛ, mà n ba re sii baraa zɛnɛɛ wɔsɛn man wa, a giala, wɔsɛn nə sii baraa zɛnaa n dɔ-n wa. Wɔ n wɔ́ bǐɛ̃ dinsɔɔ̃ zɛnaa n nɛ, wɔ toa ń woo ka là nyantoro ne. Dɛnaa á ke á barka wɔ n nɛ sisia.»

Siin Giala 26:29 ပူးပေါင်းရင်းမြစ်များ

Siin Giala 12:2

Ma á re n tɔrɔ mɔnɛɛ. Ma á re barka we n ne, ma n tɔ bɔ. Min kɔsɔn wɔ á re bǐɛ̃ koe n wɔ gɔ́ɔ̃ nɛ.

Siin Giala 12:3

Bɛ̀ min mɛnɛn nə́ lɛn bǐɛ̃ bíi n li, ma á re lɛn bǐɛ̃ bíi bɛa dɛnan li. Bɛ̀ min mɛnɛn nə́ lɛn pipiã bíi n li, ma á re lɛn pipiã bíi bɛa dɛnan li. Kanaa a tɔrɔn tumaa wɔ á re bǐɛ̃ koe n wɔ gɔ́ɔ̃ nɛ.»

Siin Giala 21:22

Bɛa biikoo li, Abimelɛki laanka a sɔraasin goledɛnaa Piikɔlɔ pɛ Abrahamu ni: «Ń bɛ́ sii mɛn tumaa zɛnɛɛ, Lawa tá kunun n ni ka a din tumaa nɛ.

Siin Giala 22:17

ma á re barka we n ne, ma n tɔrɔn mɔnaa, ka lon a leeren laanka kɔ̀ mu lɛ-a ǹ nyɔɔsɔ̃ bɛ́ lɔn. N tɔrɔn tá re ǹ zɔ́ɔn giã ǹ bǎã sii ǹ la.

Siin Giala 24:31

«Da wɔsɛn piɛ, Dɛnaa a min sonbore! Wàa na á baa n tá golee kanaa? Má bǎã zɛnaa maa kion, má nyɔɔmaan lɛn dɔn kaa ǹ bǎã zɛnaa.»

Loen 115:15

Dɛnaa Lawa die a barka da ka ganaa, asɛ mɛn bɛ́ á lon laanka tán zɛnaa.