Siin Giala 26:24 - LAWA A BOO SONBORE

²⁴ Dɛnaa nə́ n din nyaa nɛ, bɛ lɛ a pinaa tèlò-n, á pɛ nɛ: «Masɛ nə n di Abrahamu a Lawa lɛa. N baran nyɛ́ɛ baa wa, ma tá kunun n ni. Ma á re barka we n ne, ma n tɔrɔn mɔnaa. Man die bɛ zɛnɛɛ maa bɛ̀rɛgiĩ Abrahamu taman yii.»

LAWA A BOO SONBORE 2011

²⁴ Dɛnaa nə́ n din nyaa nɛ, bɛ lɛ a pinaa tèlò-n, á pɛ nɛ: «Masɛ nə n di Abrahamu a Lawa lɛa. N baran nyɛ́ɛ baa wa, ma tá kunun n ni. Ma á re barka we n ne, ma n tɔrɔn mɔnaa. Man die bɛ zɛnɛɛ maa bɛ̀rɛgiĩ Abrahamu taman yii.»

Siin Giala 26:24 ပူးပေါင်းရင်းမြစ်များ

Siin Giala 13:16

Má á re n tɔrɔ mɔnɛɛ ka tán tii bɛ́ lɔn. Tán tii bɛ́ mɔnaa-n lɔn, min ná a boe la á nimii wa, n dɔ tɔrɔ n die mɔnɛɛ miɛ̃, min ná a boe la a nimi wa.

Siin Giala 15:1

Bɛa siin lɛn kiɛ̃ kio, Dɛnaa nə́ n din nyaa Abramu ni, á pɛ nɛ kɛnɛn: «Abramu, masɛ din nə n tamaa wole lɛa, n baran nyɛ́ɛ baa wa. N saraa á die gole koe parsiini.»

Siin Giala 17:7

Ma lɛ kɔ kɔn la mɛn wɔ ka n nɛ, masɛ a re n lɛ boe duduu wa. Man má lɛ kɔ n din la, n tɔrɔn mɛnɛn dɔn bɛ́ re yii n kio, a saa kanna ganaa a wo miɛ̃, ma nə n lɛ koe bɛn dɔn la, yǎa duduu. Bɛa lɛ-kɔ kɛ lɛ n die masɛ biɛ n Lawa lɛa, a ma baa n tɔrɔn dɔn Lawa lɛa, ǹ mɛnɛn bɛ́ re yii n kio.

Siin Giala 17:8

N bɛ́ gùli lɛa Kanaan gána mɛn nɛ, ma á re bɛa gána lɛ tumaa koe n laanka n tɔrɔn la, a ǹ wɔ baa yǎa duduu. Masɛ á re goɛ̃ ǹ Lawa lɛa.»

Siin Giala 21:17

Lawa nɛginin lɛ lɛ ma, a dia dí-a wole tɔ́n nə n toa lon, á lɛ dia Agaara la, á pɛ nɛ: «Agaara, wàa nə n ganaa? N baran nyɛ́ɛ baa wa, a giala, Lawa nɛ lɛ lɛ ma bǎã lɛ-n walan.

Siin Giala 22:17

ma á re barka we n ne, ma n tɔrɔn mɔnaa, ka lon a leeren laanka kɔ̀ mu lɛ-a ǹ nyɔɔsɔ̃ bɛ́ lɔn. N tɔrɔn tá re ǹ zɔ́ɔn giã ǹ bǎã sii ǹ la.

Siin Giala 22:19

Abrahamu nə́ n bɔyaa á daa tɔntɔraan lɛn li, ǹ nə́ yoo ǹ nə́ woo Bɛɛr-Sebaa kun. Abrahamu giã Bɛɛr-Sebaa.

Siin Giala 24:12

Á Lawa nyankɔ á pɛ: – Dɛnaa, maa dɛnaagiĩ Abrahamu a Lawa, toa maa tɔ-wɔ kɛ bǐɛ̃ kɔ pelo. N din a sonborebaa nyaa masɛ a dɛnaagiĩ Abrahamu ni.

Siin Giala 28:13

A yii n Dɛnaa ganaa golee-n a nyɛɛnɛ, á n pii ni: «Masɛ n Dɛnaa, Abrahamu a Lawa lɛa, man Izaaki a Lawa lɛa. Ń bɛ́ waa-n tán mɛn la, man die koe n din laanka n tɔrɔn la.

Siin Giala 28:15

Á ke, ma á kunun n ni! N bɛ́ re woe bǎã woo bǎã nɛ, ma á re n tamaɛ, ma á re toɛ, n nə n bɔyaa n da gána kɛ nɛ. Ma a re n toɛ walan duduu wa, ma n lɛ kɔ n la ka sii mɛn tumaa nɛ, yǎa ma bɛ tumaa zɛnɛɛ n nɛ.»

Siin Giala 28:3

Lawa Pàãyiidɛnaa die a barka wɔ a nɛ, a die a toa n nɛnyaanan yɛ ǹ mɔnaa, a die a n baa tɔrɔ gigiã a díi lɛa.

Siin Giala 30:27

Laban tɔ́n pɛ nɛ: «Bɛ̀ ma sii tá kɔɔ̃nɛ n ganaa, n nə n too kɔ ma lon. Maa mànan nə́ nyaa ma nɛ, mà n din a lɛa nɛ, Dɛnaa barka wɔ ma nɛ.

Siin Giala 31:5

Ǹ bɛ́ ǹ nə́ daa, á pɛ ǹ nɛ: – Ka di yɔrɔ bɛ́ lɔn lɛlɛ masɛ wɔ paǹ li, má yɛ, a ba miɛ̃ doo wa. Sɛnɛ, ma di a Lawa goã kun ka ma nɛ.

Siin Giala 39:2

Dɛnaa Lawa goã kun ka Zozɛfu ni, a nya ǹ dí tumaa siĩn kɔ. Zozɛfu giã a dɛnaagiĩ lɛ a kion.

Siin Giala 39:3

Bɛ́ yɛ mà Dɛnaa tá kun ni, a bɛ́ dí mɛn tumaa nyɛɛ, a nà a tumaa bǐɛ̃ koe a gɔn.

Siin Giala 46:1

Zakɔba ná a mànan tumaa goa, á yoo á zii kũ. A bɛ́ á dɔ Bɛɛr-Sebaa kiwi, á wúlu bɔ ǹ di Izaaki a Lawa-n walan.

Kiin1 17:13

Yilii tɔ́n pɛ nɛ: – N baran nyɛ́ɛ baa wa! Wo piɛ, n màn mɛn pɛ, bɛ lɛ zɛnaa. Sɛnɛ màn mɛn bɛ́ n lon, mɔ̀mɔ boɛɛn da ka bɛ-n bɔrɔ n da kɔ ma la, bɛ kio n tá re n din laanka n nɛ wɔ diɛ.

Bɔ bɛ̀rɛbaa nɛ 14:13

Muizu pɛ zaman lɛ nɛ: «Ka baran nyɛ́ɛ baa wa. Ka golee kiĩni ka ga Dɛnaa a minin kirisibaa ǹ sii kɛ ganaa a n die zɛnɛɛ ka-n pelo. Sonbore, ka yii bɛ́ Ezipti minin mɛnɛn ganaa pelo ke, ka yii ba re ǹ yii doo duduu wa.

Bɔ bɛ̀rɛbaa nɛ 3:6

Á pɛ nɛ doo: «Ma nə n digolo a Lawa lɛa, Abrahamu a Lawa lɛa, Izaaki a Lawa lɛa, Zakɔba Lawa lɛa.» Muizu màn kɔ a yɔrɔ lɛ, a giala, nyɛ́ɛ na á goã a ganaa a ga Lawa ganaa.

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Izayii 44:2

Dɛnaa Lawa n kɛ pii n ni, asɛ mɛn nə n zɛnaa, á n da n dan gɔ́ɔ̃ nɛ, asɛ mɛn bɛ́ die n gú ganaa: Nyɛ́ɛ nyan nə n kũ wa, Zakɔba a zaman, nsɛ Yesurumu ke má n yii gɔgɔɔ̃.

Izayii 51:12

Ma din nə foo doa koe ka la. Sonbore, ma din ni! Maa zaman, a n siɛ lɔn ka á nyɛ́ɛbiɛ minbuiin nɛn manɛ? Ǹ tumaa n giɛ̃, maǹ nə n gɔn nyɔmiɛ ka buu bɛ́ lɔn!

Izayii 51:7

Kasɛn mɛnɛn bɛ́ peperebaa doɛ̃, ká n maa dí-pɛ tamɛɛ ka foo ne, ka n too kɔ ma lon. Ka nyan nyɛ́ɛ baa minbuiinin sɔ kɔ-n wa. Ka yiri nyan nə n lɔlɔkɔn ǹ yaa wɔ ma-a kɛ taman yii wa.

Busii pɛ 3:57

Ma bɛ́ ma lɛ dia n la, n nə́ n zɔ̃ n dɔ, n pɛ ma nɛ: «Nyɛ́ɛ nyan nə n kũ wa.»

Lawa a wúlu-bɔlen 26:42

masɛ dɔ lɛ kɔ kɔn la mɛn wɔ kɔn ka ǹ digolo Zakɔba nɛ, ka Izaaki laanka ka Abrahamu ni, masɛ dɔ á re bɛ lɛ piɛ̃. Ma lɛ kɔ kɔn la mɛn wɔ kɔn ǹ nɛ gána lɛ dɔ wɔ paǹ li, ma á die bɛ dɔ lɛ piɛ̃.

Lawa a wúlu-bɔlen 26:45

Ma á die maa lɛ kɔ kɔn la kɛ lɛ piɛ̃ ǹ wɔ paǹ li. A din lɛ kɔ kɔn la kɛ lɛ nɛ, ma doa kɔn ka bibinaadɛnan kɛn lɛn nɛ, ma ǹ mɛnɛn lɛn waa má ǹ bɔ Ezipti gána nɛ, tɔrɔ kɔsɔn yii ni, màn mɛn bɛ́ toɛ, ma goã ǹ Lawa lɛa. Masɛ din Dɛnaa Lawa má pɛ.

Matiə 22:32

Lawa pɛ: «Man Abrahamu a Lawa lɛa, Izaaki a Lawa lɛa, Zakɔba a Lawa lɛa.» Yezu tɔ́n pɛ: «Lawa lɛ bie geren Lawa lɛa wa, a n yiikoonaan Lawa lɛa. Bɛ n nyɛɛ, mà bɛa minin kɛn lɛn ǹ nə́ gã lɛlɛ, mà ǹ yii á koo sisia.»

Luku 12:32

«Kasɛn, sèren kuru boɛɛn, nyɛ́ɛ nyan ka kũ wa, a na á kɔɔ̃n kɔ kaa Díi ganaa, a kiibaa ǹ bǎã kɔ ka la.

Nya ǹ dín 7:32

«Ma nə n digolon Lawa lɛa: Abrahamu a Lawa, Izaaki a Lawa, Zakɔba a Lawa, man bɛ lɛ lɛa.» Muizu bɛ́ bìn diɛ, a yii a we doo á giɛ wa.

Timəə dí-pɛn 13:17

Bɛ kio, ka kiwi lɛ a màn tumaa sɔkɔn a zaman paã ǹ bǎã nɛ, ka tɛ da a ganaa, ka kiwi lɛ tã lenlen. A n die n biɛ ka *wúlu màn nə́ ke ǹ nə́ tã lenlen lɔn, kaa Lawa, Dɛnaa Lawa wɔ lɛa. Bǎã lɛ n die goɛ̃ tán kɛbɔlɔ lɛa miɛ̃ duduu, a giala, kiwi lɛ a re n doe doo duduu wa.

Timəə dí-pɛn 31:6

Ka n gù we yii, ka n foo taã, ka baran nyɛ́ɛ baa wa, ka gɔ̀nɔn baran bìn da ǹ nyɛɛn wa. A giala, kaa Lawa, Dɛnaa Lawa din nə die ka diɛ zii, a re n gɔn boe ka ganaa wa, a re ka toɛ walan wa.»

Ebrəə 11:16

Sonbore, maǹ nə́ goã giɛ dikion li, màn mɛn bɛ́ soɛ ǹ miãn manɛ, bɛ giala, mà lon wɔ ke. Bɛ lɛ nɛ, bɛ̀ bɛa minin kɛn lɛn tá Lawa bíi, mà ǹsɛn Lawa, a ba sìi lɛa a ganaa wa. Á kiwi zɛnaa ǹ nɛ dinin.

Ebrəə 13:6

Bɛ lɛ taman yii, wɔ á boe la wɔ pɛ ka foo tãbaa nɛ: «Dɛnaa n maa dɔmalɛ wole lɛa, ma a re nyɛ́ɛ biɛ màn kɔ́n nɛ wa. Minbuiin nɛ n boe la a wàa zɛnaa ma nɛ?»

Sii-nyaan 1:17

Ma bɛ́ má yɛ, má bɔ má mɛnaa a giulun ka gere bɛ́ lɔn. Á n gusin da ma la, á pɛ: «N nyan nyɛ́ɛ baa wa! Ma din nə bibinaa lɛa, ma din nə giala-nyɔmɔɔ dɔ lɛa.

Uruti 3:11

Maa nɛlɔ, kanna kəni, n baran nyɛ́ɛ baa wa. N bɛ́ re màn mɛn tumaa pii masɛ nɛ, man die bɛ zɛnɛɛ n nɛ. A giala, wɔa minin tumaa á doɛ̃ taãn-taãnɛ mà ma n lɔ sonbore lɛa.