Siin Giala 24:7 - LAWA A BOO SONBORE

⁷ Dɛnaa, lon a Lawa na á masɛ bɔ ma dikion, maa yɛ ǹ gána nɛ, á boo da ma nɛ, á liɛ kɛ wɔ ma nɛ, mà asɛ á re gána kɛ lɛ koe ma tɔrɔn la. A din Lawa lɛ á die a lon a dia dí-a wole diɛ n nyɛɛnɛ. Lɔ saa walan masɛ a nɛgiĩ lɛ wɔ lɛa.

LAWA A BOO SONBORE 2011

⁷ Dɛnaa, lon a Lawa na á masɛ bɔ ma dikion, maa yɛ ǹ gána nɛ, á boo da ma nɛ, á liɛ kɛ wɔ ma nɛ, mà asɛ á re gána kɛ lɛ koe ma tɔrɔn la. A din Lawa lɛ á die a lon a dia dí-a wole diɛ n nyɛɛnɛ. Lɔ saa walan masɛ a nɛgiĩ lɛ wɔ lɛa.

Siin Giala 24:7 ပူးပေါင်းရင်းမြစ်များ

Siin Giala 13:15

Gána kɛ lɛ n yii tá a ganaa ke, má a tumaa kɔ n la, má kɔ n tɔrɔn la yǎa duduu.

Siin Giala 15:18

Bɛ lɛ a pinaa, Dɛnaa lɛ kɔ kɔn la doa kɔn ka Abramu ni, á pɛ-n kɛnɛn: «Man die gána kɛ lɛ koe n din tɔrɔn la, a saa Ezipti a tà ganaa, a wo Efrati tà gole kɛ yaa:

Siin Giala 16:7

Dɛnaa a lon a dia dí-a wole Agaara yɛ mu yala kɔ́n lɛa don, Suuru zii la ǹ mu yala ke.

Siin Giala 17:8

N bɛ́ gùli lɛa Kanaan gána mɛn nɛ, ma á re bɛa gána lɛ tumaa koe n laanka n tɔrɔn la, a ǹ wɔ baa yǎa duduu. Masɛ á re goɛ̃ ǹ Lawa lɛa.»

Siin Giala 21:17

Lawa nɛginin lɛ lɛ ma, a dia dí-a wole tɔ́n nə n toa lon, á lɛ dia Agaara la, á pɛ nɛ: «Agaara, wàa nə n ganaa? N baran nyɛ́ɛ baa wa, a giala, Lawa nɛ lɛ lɛ ma bǎã lɛ-n walan.

Siin Giala 22:11

Sɛnɛ, Dɛnaa a dia dí-a wole lɛ nə́ n toa lon, á lɛ dia la ka koee, á pɛ: «Abrahamu! Abrahamu!» Abrahamu ná a lɛ si: «Ma á ke!»

Siin Giala 24:3

N liɛ ka Dɛnaa, lon laanka tán a Lawa tɔ nɛ, mà ma bɛ́ giã-n Kanaan minin mɛnɛn bii, mà n ba re bɛn nɛ we lɔ lɛa, n kɔ maa nɛgiĩ Izaaki la wa.

Siin Giala 24:40

Á ma lɛ si á pɛ: «Ma bɛ́ Dɛnaa mɛn a zii tɔ we, a din lɛ n die a lon a dia dí-a wole diɛ n nyɛɛnɛ, a n tɔ-wɔ lɛ bǐɛ̃ kɔ. Ma din dɔɔ̃nɔn nɛ wɔ lɔ lɛa ma din dikion, n kɔ maa nɛgiĩ lɛ la.

Siin Giala 26:24

Dɛnaa nə́ n din nyaa nɛ, bɛ lɛ a pinaa tèlò-n, á pɛ nɛ: «Masɛ nə n di Abrahamu a Lawa lɛa. N baran nyɛ́ɛ baa wa, ma tá kunun n ni. Ma á re barka we n ne, ma n tɔrɔn mɔnaa. Man die bɛ zɛnɛɛ maa bɛ̀rɛgiĩ Abrahamu taman yii.»

Ɛsidrasi 1:2

mà Pɛrsi gána a kii Siirusu mà kɛnɛn: «Lon a Lawa, Dɛnaa Lawa lɛ kanaa gánan tumaa kɔ ma la. A dinmaa na á dí kɔ ma la, mà ma kion dɔ a wɔ lɛa Zeruzalɛmu, Zudaa gána nɛ.

Loen 103:20

Kasɛn lon a dia dí-a wolen lɛn, ka barka da Dɛnaa Lawa nɛ. Lon màn pàãdɛnan mɛnɛn bɛ́ a dí-pɛ tamaɛ, bɛ̀ á boo da lɔn, ka a bɔlɔ si, ka barka da nɛ.

Loen 136:26

Ka barka da lon a Lawa nɛ, a kɔn-narɛɛ a nyɛɛ duduu wa.

Loen 32:8

Dɛnaa Lawa pɛ ma nɛ: Ma á re n darɛɛ, n doamaa bɛ́ n kɔ zii mɛn lɛ, ma á re bɛ nyɛɛ n nɛ. Ma á re doree koe n la, ma ga n walan.

Loen 34:7

Masɛ n koe-yɛle goon lɛa. Ma bɛ́ má Dɛnaa Lawa bíi, á ma lɛ ma, á ma kirisibaa maa fuu-yɛ tumaa gɔ́ɔ̃ nɛ.

Loen 73:24

N din nə ma nyɛɛnaan boe, á kɔnpii ka n sii yɔrɔ bɔ nɛ. Bɛ kio, n din nə die ma siɛ ka gugurubaa nɛ.

Bɔ bɛ̀rɛbaa nɛ 13:5

Dɛnaa n woe ka kiɛ Kanaan minin gána kɛ nɛ, Ɛti minin gána ke ka Amɔɔrɔ minin wɔ nɛ, Ivii minin laanka Zebuzu minin gána kɛ nɛ, a din bɛ́ á n lɛ kɔ, mà a n die gána mɛn lɛ koe ka digolon la. Tɔɔ-too laanka tán-kɔsiɛ n bǐɛ̃ koe bɛa gána kɛ lɛ nɛ. Bɛ̀ Dɛnaa ka kaa bɛ nɛ ǹ mɛn waáraa, ka die ka toa ka bɛa sii kɛ lɛ zɛnaa mui bibinaa kɛ lɛ nɛ.

Bɔ bɛ̀rɛbaa nɛ 32:13

Dɛnaa, n yiri gisĩ Abrahamu ni, Izaaki ni ka Zakɔba nɛ. N yiri gisĩ n din a liɛ kɛ nɛ, ń wɔ ǹ nɛ ka n din tɔ nɛ. Táa ma nə́ n pɛ ǹ nɛ kɛnɛn: «Ma á re ka tɔrɔn mɔnɛɛ ka lon a leeren bɛ́ lɔn, ma gána tumu mɛn boo da ke, ma á re bɛ koe kaa nɛnyaanan la, a ǹ wɔ baa yǎa duduu.»

Bɔ bɛ̀rɛbaa nɛ 33:2

Ma á re lon a dia dí-a wole goon diɛ n nyɛɛnɛ, ma á re Kanaan minin lui, ka Amɔɔrɔ minin ni, Ɛti laanka Perɛzi minin ni, Ivii laanka Zebuzu minin ni.

Izayii 63:9

Ǹ nɔmaan kɛn tumaa gɔ́ɔ̃ nɛ, a dɔ nɔmaa. Lawa a dia dí-a wole mɛn bɛ́ golee ne a yɔrɔ-a, bɛ lɛ dinmaa na á ǹ kirisibaa. A kɔn-narɛɛ laanka a makara-doɛ̃ kɛ taman yii, á ǹ si á ǹ kaa. Ǹ sii tumaa gɔ́ɔ̃ nɛ, á n dɔ ǹ lɛ, á goã kunun ǹ ni lɛawaan kɛn tumaa gɔ́ɔ̃ nɛ ǹ nə́ kiɛ̃.

Zonaasi 1:9

Á ǹ lɛ si kɛnɛn: «*Ebrəə min ni ka masɛ nɛ. Man Dɛnaa Lawa guguru koe, lon a Lawa kɛ lɛ á yìsi mu laanka tán zɛnaa.»

Minin nimi 11:12

Zaman kɛ tumaa na á bɔ masɛ nɛ? Masɛ n má ǹ yɛ má ǹ kaa kanaa? N nə n pii masɛ nɛ, mà ma ǹ kaa ma kolo-n ka nɛ-gũli wɔ bɛ́ lɔn, ma wo ǹ ne gána kɛ nɛ, n din Lawa nə́ n lɛ kɔ ǹ digolon la nɛ.

Minin nimi 14:16

«Dɛnaa Lawa goã á n lɛ kɔ zaman lɛ la ka gána mɛn lɛ nɛ, a bɛ́ a ba boe la a tá we ǹ ne walan wa, bɛ lɛ n ke á ǹ dɛ diə gole ne.»

Minin nimi 14:30

Masɛ nə n lɛ kɔ, má ma á gána mɛn lɛ koe ka la, ka giã a nɛ, bɛ̀ á n bɔ Zefunee a nɛgiĩ Kalɛbu ni, ka Nunu a nɛgiĩ Zozoe ne, bɛ̀ ka wɔ bɛ nɛ, masɛ bie wa.

Minin nimi 32:11

«Min mɛnɛn nə soo Ezipti gána lɛ nɛ, ǹ lɛ̀ ń lɛ̀ fuə, ka lɛ̀ fuə ka kio ne, bɛn kɔn yii ba re gána kɛ yii wa, masɛ nə n lɛ kɔ ka ǹ mɛn lɛ nɛ, máa ma á koe Abrahamu la, ka Izaaki laanka Zakɔba nɛ. A giala, ǹ kɔ ma lɛ ka ǹ yɔrɔ-n wa.

Nya ǹ dín 7:5

Lawa tán kɔ́n din kɔ Abrahamu la gána lɛ-n wa, haalɛ gòã da ǹ bǎã boɛɛn kooro din. Sɛnɛ, á n lɛ kɔ la mà gána lɛ na a din wɔ lɛa, ka a nɛnyaanan nɛ a kio, a da yaa, Abrahamu tɔn nɛ yɛ a biikoo li wa.

Timəə dí-pɛn 1:8

Ka ga: gána kɛ lɛ ka nyɛɛnɛ, má kɔ ka la. Ka kaa a nɛ, ka si ka baa kaa wɔ lɛa. A giala, masɛ Dɛnaa Lawa nə n liɛ, má maa á re gána lɛ koe ka digolo Abrahamu la, Izaaki ni ka Zakɔba nɛ, ma kɔ ka tɔrɔn dɔn la ka kio.»

Timəə dí-pɛn 34:4

Dɛnaa Lawa tɔ́n pɛ nɛ: «Man lɛ kɔ Abrahamu la Izaaki ni ka Zakɔba nɛ gána mɛn wɔ paǹ li, má ma á re koe ǹ tɔrɔn mala, a din lɛ n ka kɛ nɛ. Man nyɛɛ n nɛ máa n yii yɛ, sɛnɛ, n ba re we a-n wa.»

Ebrəə 1:14

Lon a dia dí-a wolen kɛn tumaa n yirin dininsɔɔ̃nɔn lɛa, dí nyɛɛ Lawa nɛ, ǹ nə́ n doe kirisibaa-yɛlen kɛn lɛ.

Ebrəə 11:9

Golee Lawa li na á toa, Lawa nə n lɛ kɔ la ka gána mɛn nɛ, á giã bɛ nɛ ka tii bɛ́ lɔn. Abrahamu giã mɔnaa kionən ne, kun Izaaki ni ka Zakɔba nɛ, Lawa a lɛ-kɔ ǹ sii goon kɛ lɛ bɛ́ bɛn mɛnɛn dɔn wɔ lɛa.

Zozoe 1:6

N gù we yii, n nə n foo taã. A giala, man lɛ kɔ ka digolon la ka gána mɛn a sii ni, n din lɛ n die woe bɛ tatalɛ n kɔ zaman kɛ lɛ la.

Zozoe 24:3

Ma din ni má ka digolo Abrahamu bɔ tà lɛ kio má soo ne. Ma din ni má mɛ a nyɛɛnɛ má n bibiə̃ ne Kanaan gána tumaa nɛ, má a tɔrɔn mɔnaa: Ma din ni má Izaaki kɔ la,

Sii-nyaan 11:13

A din biikoo goon kɛ lɛ li, tán bìn-diɛ bɔbɔnɛɛ goon nə́ n zɛnaa. Á kiwi lɛ a talakɔn fùbaa ǹ wɔ dɛ á kaa. Min duu sɔbaa dɔ́ gã bɛa tán bìn-diɛ kɛ lɛ gɔ́ɔ̃ nɛ. Min mɛnɛn nə n bɔ a nɛ, nyɛ́ɛ gole bɛn kũ, ǹ nə́ lon a Lawa tɔ guguru kɔ.

Sii yɔrɔ-bɔlen 2:1

Dɛnaa Lawa a lon a dia dí-a wole nə́ n toa Gilgaali, á woo Bokimu á pɛ: – Ma din ni má ka waa Ezipti má soo ka nɛ. Man má woo ka kaa gána kɛ nɛ, ǹ mɛn lɛ bɛ́ má n lɛ kɔ ka digolon la ka a sii ni. Má n liɛ má pɛ: «Ma lɛ kɔ kɔn la mɛn wɔ ka ka nɛ, ma a re bɛ toɛ̃ duduu wa.»